फिलिप्पियो 3:8 - मंडयाली नंऊँआं नियम

⁸ क्यूंकि हांऊँ आपणे मसीह जो जाणना चाहां, जो सभ चीजा ले कीमती आ, इधी कठे मैं इन्हा सारी चीजा जो बेकार समझा। मैं सभ चीजा जो छाडी दितेया, होर तिन्हा चीजा जो हांऊँ कूड़ा सम्झहा, ताकि हांऊँ यीसू मसीह जो जाणी सकूं।

फिलिप्पियो 3:8 Iomraidhean Croise

लूका 1:43

होर हांऊँ आपणे आपा जो खुसनसीब मन्हां ईं कि मेरे प्रभु री माऊ मेरे वाले आईरी।

लूका 11:20

पर अगर हांऊँ परमेसरा री सामर्था किन्हें दुस्टात्मा जो काढा, ता परमेसरा रा राज नेडे आई गईरा।

यहून्ना 14:20

तेस ध्याड़े जेस ध्याड़े मां मरिरे मन्झ ले जिउंदे हुई जाणा तुस्सा जाणना कि हांऊँ आपणे बापू मन्झ वास करहा, होर ये भी कि तुस्से मेरे मन्झ वास करहा, होर हांऊँ तुस्सा मन्झ वास करहा।

यहून्ना 14:7

अगर तुस्से हांऊँ जाणेया हुन्दा, ता मेरे बापू जो बी जाणदे; होर ऐबे ले तुस्से तेस जो जाणहां ऐं, होर देखी भी लईरा।”

यहून्ना 16:3

होर स्यों तिन्हा कामा जो इधी कठे करणे कि स्यों ना ता बापू जाणदे होर ना हांऊँ।

यहून्ना 17:3

होर अनंत जिन्दगी येई कि, स्यों तुजो एकमात्र सच्चे परमेसरे होर यीसू मसीहा जो जाणी सको, जेस जो तैं भेजिरा।

यहून्ना 17:8

क्यूंकि जो गल्ला तैं मेरे वाले पूजाईरी, मैं तिन्हा जो भी पुजाई दिती। होर तिन्हें स्यों गल्ला मनी लई, होर सच्च जाणी लया कि, हांऊँ तेरी तरफा ले आईरा, होर तिन्हें विस्वास करी लया कि तैं ईं हांऊँ भेजिरा।”

यहून्ना 20:13

तिन्हें तेस्सा ज्नाने किन्हें बोल्या, “हे ज्नाने तू किधियो रोंहां ईं?” तेस्से तिन्हा किन्हें बोल्या, “स्यों मेरे प्रभु री ल्हासा जो लई गये होर हांऊँ नी जाणदी कि तिन्हें से केथी रखिरा।”

यहून्ना 20:28

ये सुणी किन्हें थोमे जवाब दितेया, “हे मेरे प्रभु, हे मेरे परमेसर!”

चुणिरे चेले रे काम 20:24

पर मेरे कठे, मेरे जाना री कोई कीमत नी ई; मैं ता बस तेस दौड़ा जो होर सेऊआ जो पूरी करणा चाहां; जो मैं परमेसरा री अनुग्रह रे खुसी री खबरा पर गुआही देणे रे कठे प्रभु यीसू ले पाईरी थी।”

रोमियो 8:18

मुंजो पक्का पता कि, जो एस टैम जो दुःख आस्से सहन करहे स्यों तेस महिमा रे साम्हणें कुछ भी नी ऐं, जो परमेसर आस्सा जो देणे वाल़ा आ।

1 कुरिन्थियो 2:2

क्यूंकि मैं ये फैसला करी लईरा था कि, मैं सिर्फ यीसू मसीह रे बारे मन्झ होर क्रूसा प्रयाल्हे तेसरी मौता रे बारे मन्झ ही गल करणी।

1 कुरिन्थियो 9:10

पर से आस्सा रे कठे ही बोल्हा। होर ये आस्सा रे कठे ही लिखिरा, क्यूंकि हल चलाणे वाल़ा आस रखी किन्हें डोहर्रिया बाहें, होर गांहणे वाल़ा फसल पाणे री आस रखी किन्हें फसला जो गांहा।

2 कुरिन्थियो 4:4

होर तिन्हा अविस्वासी लोका रे कठे, जिन्हारी बुद्धि ऐस संसारा रे इस्वर सैताने काणी करी दितीरी, ताकि स्यों मसीह री खुसी री खबरा जो होर तेसरी महिमा जो नी समझी सके। होर मसीह ही परमेसरा रा स्वरूप आ।

2 कुरिन्थियो 4:6

इधी कठे परमेसरे बोल्या कि, “नह्यारे मन्झा ले प्रयासा चमके,” होर सेई परमेसर समझ रूपी चमका जो आस्सा रे दिला चमका आ, ताकि आस्से यीसू मसीह मन्झ परमेसरा री महिमा जो देखी सके।

इफिसियो 4:13

ये सारी गल्ला इंहां करी किन्हें हुंदी रैहणी, जेबे तक कि आस्से आपणे विस्वास, होर परमेसरा रे मह्ठे रे बारे मन्झ आस्सा वाले जो ज्ञान आ, तेता रे ज्रीए आस्से सभ एक नी हुई जाए। तेबे आस्सा मसीह साहीं एक सिद्ध माह्णुं, होर पूरी तरहा ले तेस साहीं बणी जाणा।

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

फिलिप्पियो 3:10

हांऊँ ये ही चांहा कि मसीह जो होर तेस्सा सामर्था जो मैहसूस करी सकूं, जेस ले मसीह मरिरे मन्झ ले जिउंदे हुईरा। होर मरणे मन्झ मसीह साहीं बणी किन्हें तेस साउगी दुःखा उठाणे मन्झ साझी बणी जाऊँ,

फिलिप्पियो 3:12

ये मतलब नी आ कि, हांऊँ ये सारी गल्ला पाई लितिरी; या सिद्ध हुई चुकिरा। पर हांऊँ कोसिस साउगी आगे बढ़दा लगिरा कि मुंजो से मिली जाए, जेसरे कठे मसीह यीसू हांऊँ चुणी लईरा।

फिलिप्पियो 3:7

पर जो-जो गल्ला मेरे फायदे री थी, तिन्हो मैं नुकसान सम्झहा तेस कामा री वजहा ले जो मसीहे आस्सा रे कठे काम कितिरे।

2 तिमिथियुस 4:6

हांऊँ ये आदेस तुजो इधी कठे देईं करहा, पर परमेसरा रे कठे मेरी जिन्दगी होर मेरा काम दुहें खत्म हूंणे वाले, क्यूंकि हांऊँ जाणहां कि मां बौह्त जल्दी दुनिया छाडी किन्हें चली जाणा।

इब्रानियो 3:14

जो विस्वास आस्सा रा मसीह जो अपनाणे टैमा मन्झ था, अगर आखरी ध्याड़े तक हिम्मता साउगी आस्से आपणे तेस विस्वासा मन्झ बणी रैहन्गे, ता तेबे आस्सा मसीह साउगी साझी बणी जाणा।

1 पतरस 2:7

इधी कठे तुस्से जे मसीह यीसू पर विस्वास करहे ये विस्वासी लोका रे कठे कीमती पात्थर आ। पर विस्वास नी करणे वाले लोका रे कठे पवित्र सास्त्रा मन्झ लिखिरा कि, “से पात्थर जेस जो राज मिस्त्रिये बेकार जाणेया था सेई पात्थर कोणे रा पात्थर बणी गया।”

2 पतरस 1:2

हांऊँ प्रार्थना करहा कि जिहां तुस्से आस्सा रे परमेसर होर प्रभु यीसू मसीह रे बारे मन्झ आपणे ज्ञाना मन्झ बढ़दे जाहें, परमेसर तुस्सा जो होर भी ज्यादा अनुग्रह होर सांति देंदा रहे।

2 पतरस 1:3

परमेसरे आपणी सामर्था रे ज्रीए आस्सा जो से सब कुछ देई दितिरा, जेसरे ज्रीए आस्से सच्ची भक्ति री जिन्दगी जी सका ऐं। ये इधी कठे हुईरा की क्यूंकि आस्से परमेसरा जो जाणहां ऐं, होर तिन्हें ही आस्से आपणी खराई होर महिमा री वजहा ले आपणे लोक हूंणे रे कठे सादीरे।

2 पतरस 1:8

क्यूंकि अगर ये गुण तुस्सा मन्झ ऐं, होर ये गुण तुस्सा मन्झ बढ़दे ही जाऐ ता तुस्से आस्सा रे प्रभु यीसू मसीह रे बारे मन्झ एस तरीके किन्हें जाणना, जेता ले तुस्सा री जिन्दगी बेकार होर निकम्मी नी हूणी।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।

1 यहून्ना 1:3

जो कुछ आस्से यीसू रे बारे देख्या होर सुणेयां तेता री खबर आस्से तुस्सा जो भी देहां ऐं, इधी कठे कि तुस्से भी आस्सा साउगी सैहभागी ऐं; होर आस्सा रा ये साथ बापू परमेसरा साउगी होर तेसरे मह्ठा यीसू मसीह साउगी आ।

1 यहून्ना 2:19

जो मसीह रे व्रोधी निकली रे स्यों आस्सा री कलीसिया मन्झा ले ई निकली रे, पर स्यों आस्सा रे आपणे नी थे, अगर स्यों आस्सा रे आपणे हुंदे ता स्यों आस्सा साउगी रैहन्दे, पर स्यों आस्सा जो छाडी किन्हें चली गये; जेस ले ये पता लगी जां कि तिन्हा मन्झ ले कोई भी आस्सा रा आपणा नी था।

1 यहून्ना 5:20

होर ये भी जाणहां ऐं कि, परमेसरा रा मह्ठा प्रभु यीसू मसीह आईरा होर तिन्हें आस्सा जो समझ दितिरी कि, आस्से तेस सच्चे परमेसरा जो जाणें, होर आस्से तेसरे मह्ठे यीसू मसीह मन्झ जो सच्च आ, वास करहा ऐं। सच्चा परमेसर होर अनंत जिन्दगी सेई आ।