फिलिप्पियो 3:3 - मंडयाली नंऊँआं नियम

³ क्यूंकि हकिकता मन्झ परमेसरा रे लोक आस्से ई ऐं, जो पवित्र आत्मा रे ज्रीए अराधना करहा ऐं, होर मसीह यीसू साउगी गहरी संगती रखणे मन्झ बडयाई करहा ऐं, होर आस्से आपणे कितिरे भले कामा पर भरोसा नी रख्दे।

फिलिप्पियो 3:3 Iomraidhean Croise

रोमियो 1:9

परमेसर मेरा गुआह आ कि, कियां हांऊँ तुस्सा सभी जो आपणी प्रार्थना मन्झ लगातार याद करदा रैंहयां। से परमेसर, जेसरे मह्ठे री खुसी री खबरा जो हांऊँ पुरे मना किन्हें प्रचार करहा।

रोमियो 15:17

इधी कठे हांऊँ यीसू मसीह री वजहा ले ही परमेसरा री सेऊआ पर गर्व करी सक्हा।

रोमियो 7:6

जेस व्यवस्था री कैदा मन्झ आस्से थे तेता रे कठे आस्से मरी गये। होर ऐबे व्यवस्था ले छुटी गये ताकि ऐबे आस्से पवित्र आत्मा रे मताबक नौंईं रीती किन्हें परमेसरा सेऊआ करी सके, ना कि तेस्सा पुराणी रीती पर जेबे आस्से लिखिरी व्यवस्था जो मन्ने थे।

रोमियो 8:15

क्यूंकि तुस्सा जो गुलामी री आत्मा नी मिलिरी कि, गुलामा साहीं दबारा परमेसरा ले डरे, पर पवित्र आत्मा आस्सो परमेसरा री बच्चे बणाई, जेस ले आस्से परमेसरा जो, “हे बापू, हे बापू,” पुकारी किन्हें बोल्हा ऐं।

रोमियो 9:6

परमेसरे आपणा वादा पूरा कितेया, क्यूंकि इस्राएल देसा रे लोका रे सारे बंस सच्चे परमेसरा रे लोक नी ऐं।

2 कुरिन्थियो 11:18

जेबे कि बौह्त लोक संसारा रे लोका रे मताबक बडयाई करहा ऐं, ता मां भी बडयाई करणी।

गलातियो 5:25

जेब्की पवित्र आत्मे आस्सा जो नौंईं जिन्दगी दितिरी, ता आस्सा जो आपणी जिन्दगी पवित्र आत्मा रे मताबक जीणी चहिए।

गलातियो 6:16

जितने लोक एस नियमा जो मन्हें यानि परमेसरा रे सच्चे इस्राएल देसा रे लोक ऐे, परमेसरा तिन्हा सभी जो आपणी सांति देंदा रहे होर तिन्हा पर आपणी दया करदा रहे।

इफिसियो 6:18

होर हर टैम होर हर तरहा आस्सो तिहां प्रार्थना होर अर्ज करणी चहिए जिहां पवित्र आत्मा बोल्या। इधी कठे त्यार रैहया कि, तुस्से सभ परमेसरा रे पवित्र लोका रे कठे हमेसा प्रार्थना करदे रहो।

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

फिलिप्पियो 3:12

ये मतलब नी आ कि, हांऊँ ये सारी गल्ला पाई लितिरी; या सिद्ध हुई चुकिरा। पर हांऊँ कोसिस साउगी आगे बढ़दा लगिरा कि मुंजो से मिली जाए, जेसरे कठे मसीह यीसू हांऊँ चुणी लईरा।

फिलिप्पियो 3:14

हांऊँ न्साणे री तरफ आगे बड़ी करहा, ताकि इनाम पाऊं, होर मेरा इनाम ये आ कि परमेसरे हांऊँ स्वर्गीय जिन्दगी वखा जो सादिरा। ये एह्ड़ा इधी कठे हुआ क्यूंकि यीसू मसीह मेरे कठे मारी दितिरा था।

कुलुस्सियो 2:11

होर जेबे तुस्से मसीह पर विस्वास कितेया ता तुस्सा रा खतना माह्णुं ऐं नी कितेया (जिहां यहूदी लोक करहे थे) पर मसीह रे ज्रीए दितिरे खतने ले हुआ। ये खतना तुस्सा रे पाप रे स्वभावा जो दूर करहा।

यहूदा 1:20

पर हे लाडले भाईयो होर बैहणो, तुस्से जिन्हा पवित्र उपदेसा पर विस्वास रखे, तिन्हा पर मजबूती किन्हें बणी रैहणे रे कठे एक दूजे री मदद करदे रैहया। होर पवित्र आत्मा री सामर्था री अगुवाई पाई किन्हें प्रार्थना करदे रैहया।