फिलिप्पियो 3:2 - मंडयाली नंऊँआं नियम

² एह्ड़े बुरे लोका ले चतन्न रहुआ जो जंगली कुत्ते साहीं तुस्सा रे कठे खतरनाक ऐं, होर तिन्हा लोका ले भी चतन्न रहुआ जो बोल्हा ऐ उधार पाणे रे कठे खतना कुराणा जरूरी आ।

फिलिप्पियो 3:2 Iomraidhean Croise

मत्ती 24:10

होर तेबे कईया विस्वास करना छाडी देणा, होर एक दूजे किन्हें बैर रखणा।

मत्ती 7:15

“झूठे नबिया ले चतन्न रहुआ, जो नुकसान पुजाणे वाली भेडा रे भेसा मन्झ छुपिरे, पर अंदरा ले स्यों नुकसान कुराणे वाल़े भेड़िये साहीं ऐं,

मत्ती 7:6

पवित्र चीजा कुत्तेया जो नी देआ, होर आपणे मोती सुअरा रे अगे मत पाऊआ; एह्ड़ा नी हो कि स्यों तिन्हा जो पैरा थाले जिक्के होर हमला करी किन्हें तुस्सा जो फाड़ी दे।”

रोमियो 2:28

सच्चा यहूदी से नी आ, जेसरा जन्म यहूदी लोका मन्झ हुईरा या जेसरा खतना हुईरा।

2 कुरिन्थियो 11:13

क्यूंकि एह्ड़े लोक झूठे चुणिरे चेले ऐं, होर धोखा धड़ी करणे वाले, होर मसीह रे चुणिरे चेले हूंणे रा झूठा दावा करहा ऐं।

गलातियो 5:13

हे भाईयो होर बैहणो, परमेसरे तुस्से अजाद हूंणे रे कठे सादीरे, होर इधी कठे व्यवस्था रे गुलाम मत बणा। एस्सा अजादी जो आपणी सरीरा री इच्छा जो पूरी करणे रा मौका मत समझा; एता रे बजाय प्यार किन्हें एक दूजे री सेऊआ करणे रे कठे, एस्सा अजादी जो इस्तेमाल करहा।

गलातियो 5:15

पर अगर तुस्से एक दूजे जो जानवरा साहीं काटहा-फाड़दे रहे, ता चतन्न रैहया कि, केतकी एक दूजे रा नास नी करी दो।

गलातियो 5:6

अगर तुस्से मसीह यीसू रे चेले ता ये एस गल्ला ले फर्क पउन्दा कि तुस्से खतना कुराईरा या नी, पर सिर्फ एस गल्ला रा फर्क आ कि आस्से मसीह पर आपणे उद्धारकर्ता रे रूपा मन्झ विस्वास रखे, होर परमेसर होर दूजे लोका किन्हें प्यार करहे।

फिलिप्पियो 3:19

तिन्हारा अंत विनास आ, तिन्हारा इस्वर तिन्हारी सरीरा री इच्छा ई, स्यों बेसर्म री गल्ला करणे पर बडयाई करहा ऐं, होर संसारा री चीजा पर मन ल्गाहें।

फिलिप्पियो 3:3

क्यूंकि हकिकता मन्झ परमेसरा रे लोक आस्से ई ऐं, जो पवित्र आत्मा रे ज्रीए अराधना करहा ऐं, होर मसीह यीसू साउगी गहरी संगती रखणे मन्झ बडयाई करहा ऐं, होर आस्से आपणे कितिरे भले कामा पर भरोसा नी रख्दे।

1 तिमिथियुस 1:19

तुस्सा रा मसीह पर विस्वास बणेया रहे, होर साफ अंतरात्मा हो। कुछ लोके आपणी एस साफ अंतरात्मा जो नकारी दितिरी, जेसरी वजहा ले तिन्हारा विस्वास रूपी जहाज डूबी गया।

तितुस 1:16

झूठे उपदेस स्खाणे वाले बोल्हा ऐं कि, आस्से परमेसरा जो जाणहां ऐं; पर तिन्हारे काम एस गल्ला जो साफ जाहिर करहे कि स्यों परमेसरा जो नी जाणदे। क्यूंकि स्यों हुक्म नी मनणे वाले ऐे होर परमेसरा तिन्हा किन्हें नफरत करहा; होर स्यों कोई भी खरे काम नी करदे।

2 पतरस 2:22

जो कुछ इन्हें झूठे उपदेस स्खाणे वाले कितिरा, तिन्हा पर ये कहावत ठीक बैठ्हा ई कि, “कुत्ता आपणी उल्टी आप्हुए चाट्हा” होर “नहाईरी सुअरनी चिकड़ा मन्झ दबारा वापस चली जाहीं।”

यहूदा 1:4

क्यूंकि यीसू मसीह पर विस्वास करणे रा ढोंग करणे वाले कुछ लोक तुस्सा री कलीसिया किन्हें जुड़ी गईरे। ये परमेसरा री इज्जत नी करदे होर गलत उपदेस दें कि आस्से लुचपन करी सके, क्यूंकि परमेसर आस्सा रे पाप माफ करी देआ। स्यों प्रभु यीसू मसीहा रा इनकार करहा ऐं जो आस्सा रा एक ऐं प्रभु होर माल्क आ। बौह्त टैम पैहले पवित्र सास्त्रा मन्झ लिखिरा था कि परमेसर आस्सो सजा देआ।

प्रकासना री गल्ला 2:9

हांऊँ जाणहां कि तैं दुःख सहन कितिरे होर तू गरीब आ, पर आत्मिक गल्ला मन्झ तू सच्चे अमीर आ। होर हांऊँ ये भी जाणहां कि जो लोक आपणे आपा जो परमेसरा रे चुणिरे लोक (यहूदी लोक) बोल्हे, पर स्यों हाये नी, स्यों तुस्सा री निंदा करहे। पर ये लोक सैताना री मंडली रे लोक ऐं।

प्रकासना री गल्ला 21:8

पर जो मेरे पर विस्वास नी रखदे, स्यों तेस आगी री झीला मन्झ पाई देणे जो गन्धका किन्हें भख्दी रैंहयां ई, जो कि दूजी मौत ई। होर तिहां ही सभ लोक, जो दूजेया रे साम्हणें मुंजो मनणे ले डरे, होर बुरे काम होर खून करहे। जो व्यभिचारी ऐं होर जादू टोणा करहे, होर मूर्तिया री अराधना करहे; होर झूठ बोल्हे, तेस आगी री झीला मन्झ पाई देणे।”

प्रकासना री गल्ला 22:15

पर कुत्ते साहीं अपवित्र लोक, होर जादू टोणा करणे वाले, होर व्यभिचार करणे वाले, होर हत्या करणे वाले लोक, होर मूर्तिया री अराधना करणे वाले लोक, होर हरेक लोक जो झूठ बोलणा पसंद करहे, तिन्हा सभिया एस सैहरा ले बाहर रैहणां।

प्रकासना री गल्ला 3:9

सुणा, मां सैताना रे मण्डली रे लोक, जो आपणे आपा जो परमेसरा रे चुणिरे लोक (यहूदी लोक) बोल्हे, पर स्यों हाये नी, स्यों झूठ बोल्हा ऐं, होर स्यों मां तेरे बसा मन्झ करी देणे। मां एह्ड़ा करणा कि तिन्हा आई किन्हें तेरे पैरा पर आपणा मूंड झुकाई देणा, होर तिन्हा ये जाणी लैणा कि, मैं तेरे किन्हें प्यार करहा।