फिलिप्पियो 3:17 - मंडयाली नंऊँआं नियम

¹⁷ हे भाईयो होर बैहणो, मेरे उदाहरणा रा अनुसरण करहा, होर जो मेरे उदाहरणा रा अनुसरण करहे तिन्हा पर ध्यान देआ, होर तिन्हारे उदाहरणा भी अनुसरण करहा।

फिलिप्पियो 3:17 Iomraidhean Croise

रोमियो 16:17

ऐबे हे भाईयो होर बैहणो, हांऊँ तुस्सा किन्हें अर्ज करहा कि तिन्हा लोका पर खूब ध्यान देआ, जो लोक तुस्सा रे मन्झ फूट पाहें, होर तिन्हा लोका पर जो तुस्सा जो दितिरे सच्चे उपदेसा रे बरखलाफ भड़काए, जेस ले तुस्सा रा विस्वास कमजोर हुआ। तिन्हा लोका ले दूर रैहया।

1 कुरिन्थियो 10:32

हांऊँ जो कुछ भी करहा, तेता मन्झ सभी जो खुस रखणे री कोसिस करहा; हांऊँ आपणी भलाई नी सोचदा पर सभी री भलाई सोचा ताकि सब बची सको। इधी कठे तुस्से भी एस तरीके किन्हें जीया कि तुस्से यहूदी लोका रे कठे, या गैर-यहूदी लोका रे कठे, या परमेसरा री कलीसिया रे लोका रे कठे कोई भी परेसानी खड़ी नी करी सको, जेता ले स्यों मसीह पर विस्वास करणा छाडी दे।

1 कुरिन्थियो 11:1

जिहां हांऊँ मसीह साहीं जिन्दगी जीहां, तिहां ईं तुस्से भी मेरे साहीं जिन्दगी जिया।

1 कुरिन्थियो 4:16

इधी कठे हांऊँ तुस्सा ले अर्ज करहा कि, जिहां हांऊँ मसीह साहीं जिन्दगी जीहां, तिहां ईं तुस्से भी मेरे साहीं जिन्दगी जिया।

फिलिप्पियो 4:9

जो गल्ला तुस्से मेरे ले सीखी, होर ग्रहण किती, होर सुणी, होर मेरे मन्झ देखी, तिन्हारा पालन करा, तेबे परमेसरा जो सांति देआ, तुस्सा साउगी रैंह्णां।

1 थिस्सलुनकियो 1:6

होर तुस्से बड़े दुःखा रे बीचा मन्झ भी पवित्र आत्मा रे ज्रीए मिलणे वाली खुसी साउगी खुसी री खबर ग्रैहण कितेया। होर तुस्से आस्सा रा होर आस्सा रे प्रभु यीसू मसीह साहीं जिन्दगी जींदे लगे।

2 थिस्सलुनकियो 3:14

अगर कोई आस्सा री एस्सा चिठ्ठी मन्झ जो बिधिया लिखिरी तिन्हो नी मन्नदे, ता तेस पर नजर रखा; होर तेस जो लेखे नी पाऊआ, ताकि से बेज्जती मैहसूस करहे।

2 थिस्सलुनकियो 3:7

क्यूंकि तुस्से खरे ढंगा किन्हें जाणहां ऐं कि, तुस्सा जो आस्सा साहीं व्यवहार करणा चहिए; क्यूंकि तुस्सा रे बीचा मन्झ रैह्न्दे हुए आस्से आलसी नी थे पर काम करहे थे।

2 थिस्सलुनकियो 3:9

आस्से बौह्त मेहनत किती, इधी कठे नी कि आस्सा जो तुस्सा ले मदद लेणे रा हक नी आ; पर इधी कठे कि आस्से आपणे आपा जो तुस्सा रे कठे उदाहरण बणाए, ताकि तुस्से नकर्मे नी बणो पर आस्सा साहीं मेहनत करो।

1 तिमिथियुस 4:12

कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

इब्रानियो 13:7

जो तुस्सा रे कलीसिया रे अगुवे थे, होर जिन्हा जो तुस्से परमेसरा रा बचन सुणाया, तिन्हा जो तुस्से याद रखा। होर तिन्हा पर ध्याना देआ कि स्यों केह्ड़ी जिन्दगी जीये थे होर किहाँ मरी गये। होर जिहां स्यों परमेसरा पर विस्वास करहे थे तिहां ही तुस्से भी करहा।

1 पतरस 5:3

होर जो लोक तुस्सा जो सौंपे गईरे, तिन्हा पर हक नी जताऊआ, जिहां एक अधिकारी लोका पर आपणा हक जता पर झुंडा रे कठे एक खरा उदाहरण बणां।