फिलिप्पियो 3:16 - मंडयाली नंऊँआं नियम

¹⁶ इधी कठे आस्से तेस सच्चाई रे मताबक चलणा जो परमेसरे आस्सो पैहले दसी दितिरी।

फिलिप्पियो 3:16 Iomraidhean Croise

रोमियो 12:16

आपु मन्झ एकता रखा; बडयाई करणे वाले नी बणा; पर नम्र दीन लोका साउगी संगती रखा; आपणी नजरा मन्झ बुद्धिमान मत बणा।

रोमियो 15:5

होर हांऊँ प्रार्थना करहा कि धीरज होर होंसला देणे वाल़ा परमेसर तुस्सा जो एक दूजे किन्हें सांति साउगी जीणे मन्झ तुस्सा री मदद करहे; जेह्ड़ी मसीह यीसू रे हुक्म मनणे वाले रे कठे सही समझा जां।

गलातियो 5:7

मसीह साउगी आपणे रिस्ते मन्झ तुस्से भली भांति दोड़ेया करहा ऐं थे, ऐबे कुन्हें तुस्से रोकी दिते कि, सच्चाई जो नी मन्नो?

गलातियो 6:16

जितने लोक एस नियमा जो मन्हें यानि परमेसरा रे सच्चे इस्राएल देसा रे लोक ऐे, परमेसरा तिन्हा सभी जो आपणी सांति देंदा रहे होर तिन्हा पर आपणी दया करदा रहे।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

फिलिप्पियो 2:2

इधी कठे तुस्से मेरी ये खुसी पूरी करा कि तुस्से एक मना रे, होर एक ई प्यार, एक ई भावना, होर एक ई नजरिया रखणे वाले बणा।

फिलिप्पियो 4:2

हांऊँ युओदिया बैहण होर सुन्तुखे बैहण दुंहीं ले अर्ज करहा कि प्रभु साउगी एक हूंणे री वजहा ले तुस्से एक दूजे किन्हें बैहस करणा छाडी देआ।

कुलुस्सियो 2:6

इधी कठे जिहां तुस्से मसीह यीसू जो प्रभु जाणी किन्हें मनी लईरा, तिहां ही मसीह मन्झ वास करणे वाले साहीं आपणी जिन्दगी जीया।

कुलुस्सियो 4:2

लगातार प्रार्थना मन्झ लगे रहो, होर जेबे तुस्से प्रार्थना करहे ता चतन्न रहा, होर हमेसा परमेसरा रा धन्यावाद करदे रैहया।

प्रकासना री गल्ला 3:3

इधी कठे तिन्हा उपदेसा जो याद करा, जो तुस्से सभी ले पैहले सुणीरे थे, होर तिन्हा पर विस्वास कितेया था, होर पाप करणा छाडी देआ। होर अगर तुस्से त्यार नी रहे, ता तुस्सा जो तेस टैमा रा पता नी चलणा, जेबे मां तुस्सा जो सजा देणे रे कठे आई जाणा, क्यूंकि मां चोरा साहीं अचानक आई जाणा।