फिलिप्पियो 3:15 - मंडयाली नंऊँआं नियम

¹⁵ इधी कठे आस्सा मन्झ जितने लोक आत्मिक रूपा ले स्याणे हुई गईरे, होर तुस्से सभ एक बराबर सोच रखा, होर अगर केसी गल्ला मन्झ तुस्सा री सोच लग ई, ता परमेसरा तुस्सा पर स्यों गल्ला जाहिर करी देणी।

फिलिप्पियो 3:15 Iomraidhean Croise

मत्ती 5:48

इधी कठे कि तुस्से सिद्ध बणा, जेह्ड़ा तुस्सा रा स्वर्गीय बापू सिद्ध आ।

लूका 11:13

अगर तुस्से, बुरे हुई किन्हें आपणे बच्चेया जो खरी चीजा देणा जाणहां ऐं, ता तुस्सा रे स्वर्गीय बापू आपणे मांगणे वाल़े जो पवित्र आत्मा कि नी देणी।”

यहून्ना 6:45

केसी नबिये पवित्र सास्त्रा मन्झा ये लिखिरा आ कि, स्यों सब परमेसरा री तरफा ले सिखाई रे हुंगे। जेस केसिए बापू ले सुणेया होर सिखेया, से मेरे वाले आहूँआं।

यहून्ना 7:17

अगर कोई परमेसरा री इच्छा पर चलणा चाहां, ता से एस उपदेस रे बारे मन्झ जाणी लेया कि से परमेसरा री तरफा ले आ, या हांऊँ आपणी तरफा ले बोल्हा।

रोमियो 15:1

हुई सक्हा कि आस्से जो विस्वासा मन्झ मजबूत ऐं जाणांहे कि इन्हा सभी गल्ला ले कोई फर्क नी पउन्दा, पर आस्से इन्हा कामा जो आपणे आपा जो खुस करणे रे कठे नी करी सकदे। आस्सो तिन्हा लोका रे सक होर डरा पर विचार करणा चहिए जो सोचे ये कि ये चीजा करणा गलत आ।

1 कुरिन्थियो 14:20

हे भाईयो होर बैहणो, तुस्से इन्हा गल्ला जो समझणे मन्झ बच्चे साहीं नी बणा; तेबे बी बुराई रे कठे बच्चे साहीं मासूम बणा; पर इन्हा गल्ला जो समझणे मन्झ स्याणे बणां।

1 कुरिन्थियो 2:6

फेरी भी हांऊँ तिन्हा लोका जो जेह्ड़े आत्मिक रूपा ले स्याणे तिन्हारे बीचा मन्झ ज्ञाना री गल्ला रा प्रचार करहा; पर ये ज्ञान माह्णुंआं रा ज्ञान नी आ, होर एस संसारा रे हाकमा रा भी ज्ञान नी आ जिन्हारा नास हूंणे वाल़ा आ।

गलातियो 5:10

पर हांऊँ परमेसरा पर भरोसा करहा कि से तुस्सा जो इन्हा झूठे उपदेसा पर विस्वास करणे ले बचाणे। पर जो लोक तुस्सा रे मना जो असांत करी करहे, परमेसरा तिन्हो सजा देणी।

इफिसियो 1:17

हांऊँ प्रार्थना करहा कि परमेसर, आस्सा रे प्रभु यीसू मसीह रा महिमामय बापू, तुस्सा पर जो आत्मिक ज्ञान होर समझ दे, ताकि तुस्से पूरी तरहा ये जाणी लो परमेसर कुणहां।

कुलुस्सियो 1:28

आस्से सभी लोका मन्झ मसीह रे बारे मन्झ प्रचार करहे। परमेसरे जो ज्ञान दितिरा तेस ले आस्से हर एक माह्णुं जो स्खाहें होर चतन्न करहा ऐं, ताकि आस्से एस गल्ला जो पक्का करी ले कि जेबे स्यों परमेसरा रे साम्हणें खड़े हूंणा ता हर एक मसीह मन्झ सिद्ध विस्वासी हूंणे।

कुलुस्सियो 4:12

इपफ्रासा रा भी तुस्सा जो नमस्कार, से भी तुस्सा रे गांऊँआं ले आ। से मसीह यीसू रा सेऊआदार आ, होर हमेसा तुस्सा रे कठे दिला किन्हें प्रार्थना करहा, ताकि परमेसर तुस्सा जो मजबूत होर सिद्ध बणाए, होर एस गल्ला रा पूरा भरोसा दे कि तुस्से पुरे मना ले परमेसरा री इच्छा पर चले।

1 थिस्सलुनकियो 4:9

पर जेथी तक विस्वासी भाईया होर बैहणा किन्हें प्यार करणे री गल ई ता तेसरे बारे मन्झ ये जरूरी नी आ कि कोई हांऊँ तुस्सा जो लिखूं; क्यूंकि एक दूजे किन्हें प्यार रखणा तुस्से आप्हुए परमेसरा ले सिख्या।

2 तिमिथियुस 3:17

ताकि परमेसरा रे लोक हर भले काम करणे रे कठे त्यार हुई जाये, होर सिद्ध बणी जाये।

इब्रानियो 5:14

पर नाजा रा खाणा विस्वासा मन्झ स्याणेया रे कठे आ, जिन्हें आपणे अनुभवा ले भले बुरे मन्झ फर्क करणा सीखी लईरा।

1 यहून्ना 2:5

पर जो कोई परमेसरा रे बचना जो मन्हां ऐं, तेस मन्झ सच्चे परमेसरा रे कठे प्यार सिद्ध हुई गईरा, आस्सा जो एता ले पता चल्हा आ कि, आस्से तेस मन्झ वास करहा ऐं।