फिलिप्पियो 3:14 - मंडयाली नंऊँआं नियम

¹⁴ हांऊँ न्साणे री तरफ आगे बड़ी करहा, ताकि इनाम पाऊं, होर मेरा इनाम ये आ कि परमेसरे हांऊँ स्वर्गीय जिन्दगी वखा जो सादिरा। ये एह्ड़ा इधी कठे हुआ क्यूंकि यीसू मसीह मेरे कठे मारी दितिरा था।

फिलिप्पियो 3:14 Iomraidhean Croise

लूका 16:16

यहून्ना बपतिस्मा देणे रे टैमा तक ता मूसा री व्यवस्था होर नबिया रा प्रचार तुस्सा रे अगुवे करहे थे। होर ऐबे परमेसरा रे राजा रा खुसी री खबर सुणाया करहा ऐं, होर हर कोई तेता मन्झ बौह्त तेजी किन्हें दाखल करणा चाहां।

रोमियो 11:29

क्यूंकि परमेसर आपणे दाना ले, होर बुलाहटा ले कधी पीछे नी हटदा।

1 कुरिन्थियो 9:24

तुस्से पक्का जाणांहे कि, दौड़ा मन्झ ता बौह्त सारे लोक दौड़हा ऐं, पर इनाम एक ई लई जाहाँ। तुस्से एह्ड़े दौड़ा कि, इनाम जीती सको।

2 कुरिन्थियो 4:17

क्यूंकि आस्सा री ऐबे री ये परेसानिया बौह्त छोटी होर स्यों लम्बे टैमा तक नी टिकणी। पर इन्हा परेसानिया री वजहा ले आस्सो जुग-जुग री महिमा मिलणी, जो तिन्हा सब चीज़ा ले बढ़ी किन्हें ई, जेसरे बारे मन्झ समझाणा नामुमकिन आ।

फिलिप्पियो 3:3

क्यूंकि हकिकता मन्झ परमेसरा रे लोक आस्से ई ऐं, जो पवित्र आत्मा रे ज्रीए अराधना करहा ऐं, होर मसीह यीसू साउगी गहरी संगती रखणे मन्झ बडयाई करहा ऐं, होर आस्से आपणे कितिरे भले कामा पर भरोसा नी रख्दे।

कुलुस्सियो 2:18

तिन्हा लोका रे धोखे ले बचा जो दीन हूंणे रा ढोंग करहे, होर स्वर्गदूता री अराधना करहे। स्यों डिंगा माराऐ कि आस्से दर्सन देखे। ये सारी गल्ला बेकार ई क्यूंकि एह्ड़े माह्णुंआं रे मन स्वार्थ इच्छा किन्हें भरीरा, होर स्यों बगैर वजहा घमंड करहे।

1 थिस्सलुनकियो 2:12

कि तुस्सा एह्ड़ी जिन्दगी जिया जो परमेसरा जो खरी लगे, जो तुस्सा जो आपणे राज होर महिमा मन्झ साद्हा।

2 तिमिथियुस 1:9

परमेसरे ही आस्सा रा उद्धार कितेया, होर आस्से पवित्र जिन्दगी जीणे रे कठे सादे; होर तिन्हें आस्से आस्सा रे भले कामा री वजहा ले नी पर आपणी योजना रे मताबक सादेया। परमेसरे एस संसारा जो रचणे ले पैहले ही तय करी लितिरा था कि यीसू मसीह जो एस संसारा मन्झ भेजी किन्हें आस्सा पर आपणा ये अनुग्रह दसणा।

इब्रानियो 3:1

इधी कठे हे विस्वासी भाई बैहणो, तुस्से परमेसरा रे, क्यूंकि तिन्हें तुस्से स्वर्गा री जिन्दगी मन्झ साझी हूंणे रे कठे सादिरे। तेस मसीह यीसू पर ध्यान देआ जेस जो आस्से मन्ना ऐं होर जेस जो परमेसरा री खुसी री खबरा रे कठे परमेसरा रा दूत होर बडा याजक रे रूपा मन्झ भेजीरा।

इब्रानियो 6:1

इधी कठे आस्से तिन्हा गल्ला जो बार-बार सिखणा छाडी दे, जो आस्सो मसीह रे बारे मन्झ सुर्हू ले सखाईरी थी, होर ऐबे स्याणे उपदेसा री गल्ला जो सीखा। सुर्हू मन्झ सिखिरी गल्ला जो नीऊँ मत बणाऊआ जिहां कि, पाप करणा छाडणे रे बारे मन्झ, परमेसरा पर विस्वास करणे रे बारे मन्झ,

1 पतरस 1:13

एस वजहा ले आपणा-आपणा मन त्यार करा, जिहां लोक आपणी कमर कस्सी किन्हें काम करणे रे कठे त्यार हुंहाँ ऐं। चतन्न रहूआ की तुस्से क्या सोच्हे होर एह्ड़ा करणे ले तुस्से आपणे जिन्दगी एस आसा किन्हें जीये कि जेस ध्याड़े प्रभु यीसू मसीहा स्वर्गा ले वापस आऊंणा, तेस ध्याड़े परमेसरा तुस्सा जो आपणे अनुग्रहा रे ज्रीए उद्धारा रा दान देणा।

1 पतरस 5:10

होर ऐबे परमेसर जो अनुग्रहा ले भरिरा आ, होर जिन्हें यीसू मसीह साउगी जुड़े रैहणे री वजहा ले आस्सा जो स्वर्गा मन्झ आपणी अनंत महिमा मन्झ साझी हूंणे रे कठे सादीरा, तुस्सा रे थोह्ड़ी देरा तक दुःख उठाणे ले बाद तेस आपु ई तुस्से खरे बनाणे, ताकि तुस्सा मन्झ कोई गलती नी हो होर तेस तुस्सा रे दिल मजबूत करणे, होर तेस तुस्से सामर्थी बणाई देणे ताकि तुस्सा रा विस्वास कमजोर नी हो।

2 पतरस 1:3

परमेसरे आपणी सामर्था रे ज्रीए आस्सा जो से सब कुछ देई दितिरा, जेसरे ज्रीए आस्से सच्ची भक्ति री जिन्दगी जी सका ऐं। ये इधी कठे हुईरा की क्यूंकि आस्से परमेसरा जो जाणहां ऐं, होर तिन्हें ही आस्से आपणी खराई होर महिमा री वजहा ले आपणे लोक हूंणे रे कठे सादीरे।

प्रकासना री गल्ला 3:21

जो लोक जीत हासिल करहे, तिन्हा मेरे साउगी मेरी राजगद्दी पर बैठणा, जिहां हांऊँ भी जीत हासल करी किन्हें आपणे बापू साउगी बापू री राजगद्दी पर बैठी गया।