फिलिप्पियो 3:13 - मंडयाली नंऊँआं नियम

¹³ हे भाईयो होर बैहणो, हांऊँ ये नी सोचदा कि मैं सभ कुछ पाई लेईरा; पर सिर्फ एक काम करहा जो कि जो गल्ला हुई गईरी, तिन्हा जो भूली किन्हें, मैं सिर्फ आगे बढ़ने रे कठे कड़ी मेहनत करदा रैहया।

फिलिप्पियो 3:13 Iomraidhean Croise

लूका 10:42

सच्चमुच एक गल ही जरूर ई, होर मरियमे तेस एक गल्ला जो चुणी लईरा: जो तेस्सा ले कधी वापस नी लया जाणा।”

लूका 9:62

यीसूए तेस किन्हें बोल्या, “अगर कोई आपणी डोर्ही मन्झ हल च्लाणा सुर्हू करी दे होर फेरी पीछे देख्दा लगी जाए, से परमेसरा रे राजा रे लायक नी आ।”

2 कुरिन्थियो 5:16

इधी कठे ऐबे ले आस्से केसी जो भी माह्णुंआं री नजरा ले नी देखणा, होर अगर आस्से मसीह जो भी माह्णुंआं री नजरा ले देखे थे, पर ऐबे ले आस्सा से एह्ड़ा नी देखणा; क्यूंकि ऐबे आस्से तेस जो जाणी गईरे।

फिलिप्पियो 2:12

हे लाडले भाईयो होर बैहणो, जेबे हांऊँ तुस्सा साउगी था ता तुस्से हमेसा ले मेरी बिधिया मनी री। होर ऐबे जेबे हांऊँ तुस्सा ले दूर आ ता तिन्हा बिधिया जो मनणा तुस्सा रे कठे होर भी ज्यादा जरूरी आ। डर किन्हें होर बड़ी इज्जत साउगी परमेसरा रे हुकमा जो मना। होर आपणे उद्धारा रे कामा जो पूरा करणे रे कठे कड़ी मेहनत करा।

फिलिप्पियो 3:12

ये मतलब नी आ कि, हांऊँ ये सारी गल्ला पाई लितिरी; या सिद्ध हुई चुकिरा। पर हांऊँ कोसिस साउगी आगे बढ़दा लगिरा कि मुंजो से मिली जाए, जेसरे कठे मसीह यीसू हांऊँ चुणी लईरा।

फिलिप्पियो 3:8

क्यूंकि हांऊँ आपणे मसीह जो जाणना चाहां, जो सभ चीजा ले कीमती आ, इधी कठे मैं इन्हा सारी चीजा जो बेकार समझा। मैं सभ चीजा जो छाडी दितेया, होर तिन्हा चीजा जो हांऊँ कूड़ा सम्झहा, ताकि हांऊँ यीसू मसीह जो जाणी सकूं।

इब्रानियो 6:1

इधी कठे आस्से तिन्हा गल्ला जो बार-बार सिखणा छाडी दे, जो आस्सो मसीह रे बारे मन्झ सुर्हू ले सखाईरी थी, होर ऐबे स्याणे उपदेसा री गल्ला जो सीखा। सुर्हू मन्झ सिखिरी गल्ला जो नीऊँ मत बणाऊआ जिहां कि, पाप करणा छाडणे रे बारे मन्झ, परमेसरा पर विस्वास करणे रे बारे मन्झ,

2 पतरस 3:8

हे लाडले भाईयो होर बैहणो, ये गल जो हांऊँ तुस्सा किन्हें बोली करहा कि एस गल्ला जो कधी देखेया भुलदे कि, प्रभु री नजरा मन्झ एक ध्याड़ा हजार साला रे बराबर आ, होर हजार साल एक ध्याड़े रे बराबर। (तेसरे कठे एक ध्याड़ा होर एक हजार साल सभ एक बराबर ऐं)