फिलिप्पियो 2:5 - मंडयाली नंऊँआं नियम

⁵ जेह्ड़ा मसीह यीसू रा स्वभाव था, तेह्ड़ा ई तुस्सा रा स्वभाव भी हो।

फिलिप्पियो 2:5 Iomraidhean Croise

मत्ती 11:29

मेरा जुआ आपणे गास चकी लऊआ; होर मेरे ले सिखा; क्यूंकि हांऊँ नम्र होर मना मन्झ दीन आ: होर तुस्सा आपणे मना मन्झ अराम पाणा।

लूका 22:27

क्यूंकि बडा कुणहां, से जो खाणा खांदे बैठिरा या से जे सेऊआ करहा? क्या से नी आ जेह्ड़ा खाणा खांदे बैठीरा? पर हांऊँ तुस्सा मन्झ सेऊआदारा साहीं आ।

चुणिरे चेले रे काम 10:38

तुस्से नासरता रे यीसू रे बारे मन्झ जाणहां ऐं कि परमेसरे किहाँ पवित्र आत्मा होर सामर्था किन्हें तेसरा अभिसेक कितेया था, होर किहाँ यीसूए कई जगहा जाई किन्हें भलाई रे काम करदे हुए लोक ठीक किते, जो सैताना रे स्ताईरे थे। यीसू ये सभ काम करणे रे लायक था क्यूंकि परमेसर तेस साउगी था।

चुणिरे चेले रे काम 20:35

मैं तुस्सा जो सभ कुछ करी किन्हें दसेया कि, कड़ी मैहनत करी किन्हें आस्सा जो कमजोरा री मदद किहाँ करणी चहिए होर आस्सा जो प्रभु यीसू रा ये बचन याद रखणा चहिए, जो तिन्हें आपणे आप बोल्या था कि, ‘लेणे ले देणा खरा आ।’”

रोमियो 14:15

अगर तेरा भाई या बैहण तुस्सा रे खाणे रे वजहा ले दुःखी हुंहाँ, ता तेरे बर्ताव मन्झ प्यारा नी आ। क्यूंकि तुस्सा रे खाणे री वजहा ले अगर कोई भाई होर बैहण परमेसरा जो मनणा छाडी दे ता तू तेस खाणे जो मत खा। मसीह तिन्हा विस्वासी भाई होर बैहण रे कठे भी मरीरा।

रोमियो 15:3

क्यूंकि मसीहे आपणे आपा जो खुस नी कितेया, पर जिहां पवित्र सास्त्रा मन्झ लिखिरा कि, “तेरे निंदा करणे वाले री मेरी निंदा कितिरी।”

रोमियो 15:5

होर हांऊँ प्रार्थना करहा कि धीरज होर होंसला देणे वाल़ा परमेसर तुस्सा जो एक दूजे किन्हें सांति साउगी जीणे मन्झ तुस्सा री मदद करहे; जेह्ड़ी मसीह यीसू रे हुक्म मनणे वाले रे कठे सही समझा जां।

इफिसियो 5:2

एक दूजे किन्हें साउगी प्यारा किन्हें जिन्दगी जीया; जेह्ड़ा मसीहे भी तुस्सा किन्हें प्यार कितेया, होर तुस्सा रे पापा जो माफ करणे रे कठे आपणे आपा जो बलिदान करी दितेया। परमेसर एता ले खुस हुआ, क्यूंकि से बलिदान तेसरे कठे मीठी मुस्का साहीं था।

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

1 पतरस 2:21

होर एक वजहा ये भी की परमेसरे तुस्से चुणिरे कि तुस्से मसीह रे कठे दुःख सहन करो। मसीहे भी तुस्सा रे कठे दुःख उठाया, होर एह्ड़ा करी किन्हें तिन्हें तुस्सा रे कठे एक उदाहरण छाडेया कि, तुस्से भी तेसरे पद चिन्हा पर चली सको।

1 पतरस 4:1

इधी कठे मसीहे सरीरा मन्झ रैहन्दे हुए दुःख सहन कितेया, ता तुस्सा जो भी तेस साहीं दुःख सहन करणे रे कठे त्यार रेहणा चहिए। क्यूंकि अगर तुस्से मसीह रे कठे दुःख सहन करणे री इच्छा रखायें, ता तुस्से पाप नी करणे रा फैसला लेई लितिरा।

1 यहून्ना 2:6

जो कोई ये बोल्हा कि, हांऊँ तेस मन्झ वास करहा, तेस जो चहिए कि से आपु भी तेह्ड़ा ई जीए जिहां यीसू जिया था।