फिलिप्पियो 2:29 - मंडयाली नंऊँआं नियम

²⁹ तुस्से मसीह रे प्यारा मन्झ होर बड़ी खुसी किन्हें तेसरा स्वागत करेया, होर तेसरी होर तेस जेह्ड़े लोका री इज्जत करदे रैंह्णां।

फिलिप्पियो 2:29 Iomraidhean Croise

लूका 9:5

जो कोई तुस्सा जो नी अपनाए तेस गांऊँआं ले निकल्दे हुए आपणे पैरा री धूड़ा जो झाड़ी देआ, ताकि तिन्हारे बरखलाफ ये गुआही हो।”

यहून्ना 13:20

हांऊँ तुस्सा किन्हें सच्च -सच्च बोल्हा कि, जो कोई मेरे भेजीरे जो अपनाहां, से मुंजो अपनाहां, होर जो मुंजो अपनाहां, से मेरे भेजणे वाले परमेसरा जो अपनाहां।”

चुणिरे चेले रे काम 2:46

होर स्यों हर रोज एक मन हुई किन्हें मन्दरा मन्झ कठे हुंहा ऐं थे, होर एक दूजे रे घरा मन्झ साउगी रोटी तोड़दे होर खुसी म्नांदे होर एक मन हुई किन्हें खाणे रे कठे कठा हुएं थे।

चुणिरे चेले रे काम 28:10

होर तिन्हें आस्सा रा कई तरीके किन्हें आदर-खातर कितेया। जेबे तीन महीने बाद आस्से तेथी ले जांदे लगे ता तिन्हें आस्सा री सारी चीजा जहाजा पर लादी दिती।

चुणिरे चेले रे काम 8:8

होर तेस सैहरा मन्झ लोके बड़ी खुसी मनाई।

रोमियो 10:15

होर कोई तिन्हा वाले जाई किन्हें किधियो सुणाये, जेबे तक कि प्रभुऐ स्यों नी भेजिरे हो? होर इधी कठे पवित्र सास्त्रा मन्झ लिखिरा, “तिन्हा लोका रे पैर कितने बांके ऐं, जो खरी खबरा री खुसी री खबर ल्याए!”

रोमियो 16:2

तुस्से ये जाणी किन्हें तेस्सा रा स्वागत करहा कि तुस्से सभ प्रभु रे लोक ऐं; होर अगर एस्सा जो कुछ चीजा री ज्रूरत हो ता तुस्से मदद करेया। क्यूंकि एस्से मेरी होर मेरे साउगी कईया री मदद कितिरी।

1 कुरिन्थियो 16:10

अगर तिमिथियुस कुरुन्थी सैहरा मन्झ आई जाए, ता तेसरा आदर-खातर इज्जता किन्हें करेया, क्यूंकि से मेरे साहीं प्रभु रा काम करहा।

1 कुरिन्थियो 16:18

तिन्हें मेरे मना जो हिम्मत दिति होर आसा करहा कि मेरे ले ये खबर सुणी किन्हें तुस्सा रे मना जो भी हिम्मत मिलणी, इधी कठे तुस्सा जो भी एह्ड़े लोका री इज्जत करणी चहिए।

2 कुरिन्थियो 10:18

क्यूंकि जो आपणी बड़ाई करहा, से नी, बल्की जेसरी बड़ाई प्रभु करहा, तेस जो ई परमेसर ग्रैहण करहा।

2 कुरिन्थियो 7:2

तुस्से आस्सा किन्हें पूरा दिला ले प्यारा करहा। आस्से ना ता केसी किन्हें अन्याय कितेया, ना केसी रा कुछ बिगाड़ेया, होर ना केसी किन्हें बईमानी किती।

फिलिप्पियो 2:28

इधी कठे मैं इपफ्रुदीतुस जो तुस्सा वाले वापस भेजणे री होर भी इच्छा रखा ताकि तेस जो दबारा देखी किन्हें तुस्से खुस हुई जाओ होर तुस्सा रे कठे मेरी चिंता कम हुई जाए।

कुलुस्सियो 4:10

अरिस्तर्खुस जो मेरे साउगी जेल्हा मन्झ कैदी आ, होर यहून्ना मरकुस जो बरनबासा रा रिस्तेदार आ, तिन्हारा तुस्सा जो नमस्कार। होर हांऊँ जाणहां कि मरकुसा रे बारे मन्झ तुस्सा जो पैहले दसी दितिरा कि, जेबे से तुस्सा वाले आये, ता तेस किन्हें ठीक ढंगा रा व्यवहार करेया।

1 थिस्सलुनकियो 5:12

होर हे भाईयो होर बैहणो, आस्से तुस्सा ले अर्ज करहा ऐं कि, तिन्हारी इज्जत करहा जो तुस्सा रे बीचा मन्झ रैहन्दे हुए तुस्सा रे कठे बौह्त मैहनत करहा ऐं, होर जो प्रभु मन्झ तुस्सा रे अगुवे ऐं, होर तुस्सा जो स्खाहें, तिन्हारी मना।

1 तिमिथियुस 5:17

जो कलीसिया रे अगुवा आपणा सारा काम खरे ढंगा किन्हें करदा हो, खास करी किन्हें जो परमेसरा रे बचना जो सुनाणे होर स्खाणे रे कठे मैहनत करहा हो, स्यों आदर होर पूरी मजदूरी, इन्हा दुहीं जो पाणे रे लायक समझे जाएं।

इब्रानियो 13:17

आपणे अगुवे रा हुक्म मना, होर तिन्हारे अधीन रैहया, क्यूंकि ये तिन्हारी जिम्मेदारी कि स्यों तुस्सा री आत्मा री रखवाली करहे, होर एस कामा रे कठे तुस्सा रे खातर तिन्हो परमेसरा जो लेखा देणा पऊणा। स्यों एस कामा जो खुसी किन्हें करहे, ना कि दुःखी हुई किन्हें, क्यूंकि तिन्हारे एह्ड़ा करणे ले तुस्सा जो कोई फायदा नी आ।

3 यहून्ना 1:10

इधी कठे जेबे मां आऊंणा ता मां कलीसिया रे लोका किन्हें सीधे गल करणी कि से क्या करी करहा। से आस्सा पर झूठा दोस लगा कि आस्से बुरे काम करहा ऐं। इतना ही नी से सफर करी किन्हें खुसी री खबरा रा प्रचार करणे वाले विस्वासी लोका रा स्वागत भी नी करदा, होर से तिन्हा लोका जो कलीसिया री सभा ले बाहर काढी देआ।