फिलिप्पियो 2:26 - मंडयाली नंऊँआं नियम

²⁶ क्यूंकि तेस जो तुस्सा सभी किन्हें मिलणे रा बड़ा मन आ। से बेचैन हुईरा क्यूंकि तुस्सा लोका जो तेसरे ब्मार हूंणे रा पता लगी गईरा।

फिलिप्पियो 2:26 Iomraidhean Croise

मत्ती 11:28

हे सभ मैहनत करणे वाल़ेओ होर बोझा किन्हें दभीरे लोको, मेरे वाले आऊआ; मां तुस्सा जो अराम देणा।

मत्ती 26:37

होर से पतरस होर जब्दी रे दुंहें मह्ठे जो आपणे साउगी लई गया, होर दुआस होर परेसान हुँदा लग्या।

चुणिरे चेले रे काम 21:13

एता पर पौलुसे जवाब दितेया कि, “तुस्से क्या करेया करहा ऐं कि, रोई-रोई किन्हें मेरा दिल तोड़हा ऐं, हांऊँ ता प्रभु यीसू रे नांऊँआं रे कठे यरुस्लेम सैहरा मन्झ सिर्फ बान्हेया जाणे रे कठे नी, पर मरणे रे कठे भी त्यार आ।”

रोमियो 1:11

क्यूंकि हांऊँ तुस्सा किन्हें मिलणे री इच्छा करहा ताकि हांऊँ तुस्सा जो कोई आत्मिक आसरीवाद देऊँ, जेस ले तुस्से आपणे विस्वासा मन्झ मजबूत हुई जाओ।

रोमियो 12:15

खुसी मनाणे वाले साउगी खुसी मनाऊआ होर रोणे वाले साउगी रोआ।

1 कुरिन्थियो 12:26

होर अगर सरीरा रे एक अंग बीमार हुंहाँ, ता पुरे सरीरा मन्झ पीड़ा हुंहाँ ऐं, होर तिहां ही अगर सरीरा रे एकी अंगा रा लाज करहे, ता पूरा सरीर ठीक हुंहाँ होर खुसी बणा।

2 कुरिन्थियो 9:14

होर तिन्हा तुस्सा रे कठे परमेसरा ले प्रार्थना करणी। स्यों तुस्सा किन्हें प्यार करहा ऐं, क्यूंकि स्यों जाणांहे कि परमेसरे तुस्सा लोका पर बड़ा अनुग्रह कितिरा।

गलातियो 6:2

जेबे कोई परेसान मन्झ ऐं आ, ता तेसरी मदद करहा, होर इंहां करी किन्हें तुस्से मसीह री व्यवस्था जो पूरी करणी।

इफिसियो 3:13

इधी कठे हांऊँ अर्ज करहा कि जो दुःख हांऊँ तुस्सा रे कठे सहन करी करहा, तेता री वजहा ले हिम्मत नी छाडा, क्यूंकि ये सब कुछ तुस्सा रे भले रे कठे आ।

फिलिप्पियो 1:3

हांऊँ जेबे-जेबे तुस्सा जो याद करहा, तेबे-तेबे हांऊँ आपणे परमेसर रा धन्यावाद करहा।

फिलिप्पियो 1:8

क्यूंकि परमेसर मेरा गुआह आ; कि हांऊँ मसीह यीसू रे प्यारा साहीं तुस्सा सभी जो देखणे कितना चाहां।

फिलिप्पियो 2:25

पर मैं इपफ्रुदीतुस जो तुस्सा वाले भेजणा जरूरी समझ्या, जो मेरा भाई होर साउगी काम करणे वाल़ा, होर खुसी री खबरा रे बचाव रे कठे मेरे साउगी योद्धा, होर जरूरता मन्झ मेरी सेऊआ टैहल करणे रे कठे तुस्सा री वखा ले भेजिरा दूत आ।

फिलिप्पियो 2:27

सच्चे से बौह्त ब्मार हुई गईरा था, एथी तक कि से मरणे वाल़ा ई था। पर परमेसरे तेस पर दया करी किन्हें से ठीक कितेया होर मेरे पर भी परमेसरे दया किती कि, जेल्हा मन्झ रैहन्दे हुए जेहड़ा दुःखा हांऊँ सहन करदा लगिरा तेता प्र्याहले होर दुःखा मन्झ नी पऊ।

फिलिप्पियो 4:1

इधी कठे हे लाडले भाईयो होर बैहणो, हांऊँ तुस्सा किन्हें प्यार रखा होर मुंजो तुस्सा लोका किन्हें मिलणे री बढ़ी इच्छा ई। तुस्से लोक मेरे खुसी होर मेरे ताज ऐं, होर तुस्से प्रभु पर आपणे विस्वासा मन्झ मजबूत बणी रहा।

1 पतरस 1:6

इन्हा सारी होर एस वजहा ले तुस्से खुस हुंहाँ ऐं, जेब्की ऐबे तुस्सा जो थोह्ड़े टैमा रे कठे कई किस्मा री परेसानिया मन्झ पई किन्हें दुःख उठाणा जरूरी आ।