फिलिप्पियो 2:24 - मंडयाली नंऊँआं नियम

²⁴ होर मुंजो प्रभु मन्झ भरोसा आ कि, मां आपु भी तुस्सा वाले जल्दी आई जाणा।

फिलिप्पियो 2:24 Iomraidhean Croise

फिलिप्पियो 2:19

मुंजो प्रभु यीसू मन्झ आस ई कि, मां तिमिथियुसा जो झटपट तुस्सा वाले भेजी देणा, ताकि तुस्सा रा हाल सुणी किन्हें मुंजो हिम्मत मिली सके।

फिलेमोन 1:22

होर तेरे ले एक होर अर्ज कि, तुस्सा रे घरा मन्झ मेरे कठे एक कमरा त्यार करी किन्हें रख्या, क्यूंकि मुंजो आस ई कि, परमेसरा तुस्सा री प्रार्थना रा जवाबा देणा होर मां जेल्हा ले छुटी किन्हें दबारा तुस्सा वाले आई किन्हें तुस्सा किन्हें मिलणा।

2 यहून्ना 1:12

मैं तुस्सा किन्हें होर गल्ला करणा चाहां, पर हांऊँ तिन्हा गल्ला जो एक एह्ड़ी चिठ्ठी मन्झ लिखणा नी चाहन्दा। हांऊँ तुस्सा वाले आई किन्हें आम्हणें-साम्हणें गलबात करणा चाहां: तेबे आस्सा एक साउगी खुसी बनाणी।

3 यहून्ना 1:14

पर मुंजो आस ई कि मां बौह्त जल्दी तुस्सा किन्हें मिलणा होर तेबे आस्सा आम्हणें साम्हणें गलबात करणी।