फिलिप्पियो 2:19 - मंडयाली नंऊँआं नियम

¹⁹ मुंजो प्रभु यीसू मन्झ आस ई कि, मां तिमिथियुसा जो झटपट तुस्सा वाले भेजी देणा, ताकि तुस्सा रा हाल सुणी किन्हें मुंजो हिम्मत मिली सके।

फिलिप्पियो 2:19 Iomraidhean Croise

मत्ती 12:21

होर जाति-जातिया रे लोका तेस पर आस रखणी।”

चुणिरे चेले रे काम 16:1

फेरी से दिरबे होर लुस्त्रा सैहरा मन्झ भी गये, होर तेथी तिमिथियुस नांऊँआं रा एक चेला था, जो केसी यहूदिया ईलाके री विस्वासणी रा मह्ठा था, पर तेसरा बापू यूनान देसा रा था।

रोमियो 15:12

होर फेरी यसायाह नबीये पवित्र सास्त्रा मन्झ लिखिरा, “यिसै री एक बंस आऊंणा, होर अन्यजाति रे लोका रा हाकम हूंणा, तेस पर अन्यजाति रे लोका आस रखणी कि, तेस तिन्हारा उद्धार करणा।”

रोमियो 16:21

तिमिथियुस भाई जो मेरा सहकर्मी आ, होर लूकियुस, यासोन होर सोसिपत्रुस जो मेरा यहूदी भाई आ, तुस्सा सभी जो तिन्हारा नमस्कार।

1 कुरिन्थियो 4:17

इधी कठे मैं तिमिथियुस तुस्सा वाले भेजिरा। हांऊँ तेजो एक मह्ठे साहीं प्यार करहा, होर से प्रभु रा भरोसे लायक सेऊआदार आ तेस तुस्सा जो दसणा कि हांऊँ क्या करहा होर कियां मसीह यीसू रा चेला बणी किन्हें जियां, ठीक स्यों गल्ला जो हांऊँ हर जगहा री सभ कलीसिया रे लोका जो सखा।

इफिसियो 1:13

होर तुस्सा साउगी भी एह्ड़ा हुईरा। तुस्से सच्ची खबर सुणी जो एस गल्ला री खुसी री खबर ई कि परमेसर किहाँ तुस्सा रा उद्धार करहा। होर जेबे तुस्से यीसू मसीह पर विस्वास कितेया ता परमेसरे तुस्सा जो से पवित्र आत्मा दिती, जेता रा देणे रा वादा तिन्हें आपणे लोका किन्हें कितिरा था। होर ये पवित्र आत्मा एस गल्ला री छाप ई कि तुस्से परमेसरा रे।

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

फिलिप्पियो 2:18

तिहां ईं तुस्से भी खुस हो, होर मेरे साउगी खुसी मणाऊआ।

फिलिप्पियो 2:28

इधी कठे मैं इपफ्रुदीतुस जो तुस्सा वाले वापस भेजणे री होर भी इच्छा रखा ताकि तेस जो दबारा देखी किन्हें तुस्से खुस हुई जाओ होर तुस्सा रे कठे मेरी चिंता कम हुई जाए।

1 थिस्सलुनकियो 3:2

होर मसीह रे खुसी री खबरा जो सुनाणे मन्झ आस्सा रा भाई, होर परमेसरा रा सेऊआदार तिमिथियुसा जो मैं तुस्सा वाले इधी कठे भेज्या, ताकि से तुस्सा जो मसीहा रे विस्वासा मन्झ मजबूत करहे; होर प्रभु पर विस्वासा बनाये रखणे रे कठे तुस्सा जो हिम्मत दे।

1 थिस्सलुनकियो 3:5

एता री वजहा ले जेबे मेरे ले होर इंतजार नी हुआ की तुस्सा रा हाल चाल जाणी लू, तेबे मै तुस्सा रे विस्वासा रा हाल जाणने रे कठे तिमिथियुस जो भेजी दितेया। क्यूंकि हांऊँ एस गल्ला ले डरा था कि परखणी करणे वाले दुस्ट सैताने तुस्सा री परखणी कितिरी हो, होर आस्सा री मैहनत बेकार हुई गईरी हो।

2 थिस्सलुनकियो 1:3

हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

2 तिमिथियुस 1:12

होर एस वजहा ले ही हांऊँ एथी जेल्हा मन्झ दुःख सहन करी करहा, पर सर्मिन्दा नी हुन्दा, क्यूंकि हांऊँ मसीह जो जाणहां, जेस पर मैं भरोसा रखीरा कि, मसीह आपणे वापस आऊणें रे ध्याड़े तक तेस चीजा री रखवाली करी सक्हा, जो तिन्हें मुंजो सौंपीरी।

याकूब 4:15

एता रे बदले तुस्सा जो ये बोलणा चहिए कि, “अगर प्रभु चाहे ता आस्सा जिउंदे रैंह्णां, होर ये या से काम भी करणा।”

1 पतरस 1:21

तिन्हें मसीहे जो कितिरा तेता री वजहा ले ई तुस्से परमेसरा पर विस्वास करहे। तिन्हें ही यीसू जो मरिरे मन्झा ले जिउंदा कितेया, होर तेस जो महिमा दिती। इधी कठे परमेसरा पर तुस्सा रा विस्वास होर आस दुहें मजबूत ऐं।