फिलिप्पियो 2:16 - मंडयाली नंऊँआं नियम

¹⁶ जिन्दगी रे बचना जो मजबूती किन्हें पकड़ी रखा ताकि मसीह रे दबारा वापस आऊणें रे ध्याड़े मुंजो एस गल्ला रा बडयाई हो कि, मेरी जिन्दगी री भाग दोड़ होर मेरी मैहनत बेकार नी हुई।

फिलिप्पियो 2:16 Iomraidhean Croise

मत्ती 10:27

जेसरा मतलब ये आ जो हांऊँ तुस्सा किन्हें नह्यारे मन्झ बोल्हा, तुस्से एता जो बिना डरे सभिरे साम्हणें बोली सके; होर जो गल्ला तुस्सा किन्हें चुपके-चुपके बोलिरी, तेता जो घरा री छता प्रयाह्ले ले प्रचार करा।

लूका 12:8

हांऊँ तुस्सा किन्हें बोल्हा जो कोई माह्णुं रे साम्हणें मुंजो मन्नी लैन्घा, से मां माह्णुं रे मह्ठे भी परमेसरा रे स्वर्गदूता रे साम्हणें मन्नी लैणा।

यहून्ना 6:63

परमेसरा री आत्मा ता जिन्दगी देणे वाली ई, माह्णुं री सक्ति कुछ नी करी सकदी। जो गल्ला मैं तुस्सा किन्हें बोलिरी स्यों आत्मा री वखा ले आहूँईं होर जिन्दगी देणे वाली ई।

यहून्ना 6:68

समौन पतरसे तेस जो जवाब दितेया कि, “हे प्रभु आस्से केस वाले जाईये? अनंत जिन्दगी री गल्ला ता तेरे ही वाले ई।

चुणिरे चेले रे काम 13:26

“हे भाईयो, तुस्से, जो अब्राहमा री संताना ई; होर तुस्से जो परमेसरा ले डरहा ऐं, तुस्सा वाले ऐस उद्धारा रा संदेस भेजिरा।

1 कुरिन्थियो 1:8

परमेसरा तुस्से आखरी तक तुस्सा रे विस्वास मन्झ मजबूत बणाई रखणे, ताकि तुस्से आस्सा रे प्रभु यीसू मसीह रे वापस आऊणें रे ध्याड़े मन्झ बेकसूर रही सको।

1 कुरिन्थियो 9:26

इधी कठे ही हांऊँ आपणी मसीह जिन्दगी जो एक पक्के मकसदा साउगी जिंदा लगीरा, जिहां एक कुस्ती लड़ने वाल़ा हाऊआ मन्झ नी पर आपणे व्रोधी रे सरीरा पर ही मुक्के मारहा।

गलातियो 2:2

होर हांऊँ तेथी इधी कठे गया, क्यूंकि परमेसरे मुंजो दसिरा था कि हांऊँ तेथी जांऊँ। होर जेबे हांऊँ तेथी था ता सिर्फ जाणे-माने अगुवे किन्हें कल्हे मन्झ मिलेया, होर तेस खुसी री खबरा रे बारे मन्झ स्यों समझाए, जेसरे बारे मन्झ हांऊँ अन्यजाति लोका रे बीचा मन्झ प्रचार करदा आईरा। हांऊँ तिन्हा वाले इधी कठे गया ताकि जो काम मैं पिछले टैमा मन्झ कितिरा था, या जो ऐबे करेया करहा, से बेकार नी हुई जाए।

गलातियो 4:11

तुस्सा रे एह्ड़े काम करणे ले मुंजो डर लगहा कि, केते एह्ड़ा नी हो कि जो सेऊआ मैं बड़ी मैहनता किन्हें तुस्सा रे बीचा मन्झ किती, से बेकार हुई जाए।

फिलिप्पियो 1:10

ताकि तुस्से खरी गल्ला जो चुणी सको होर मसीह रे दबारा वापस आऊणें रे ध्याड़े तक हर बुरी गल्ला ले दूर होर बेकसूर बणी किन्हें रैंहयां।

फिलिप्पियो 1:6

होर मुंजो एस गल्ला रा भरोसा आ कि, जेस परमेसरे तुस्सा मन्झ खरा काम सुर्हू कितिरा, तेस ई से काम यीसू मसीह रे दबारा वापस आऊणें रे ध्याड़े तक पूरा करणा।

1 थिस्सलुनकियो 2:19

आस्सा री आस, या खुसी, या महिमा रा ताज कुणहां आ? स्यों तुस्से लोक ही हूंणे जेबे आस्सा रा प्रभु यीसू वापस आऊंणा।

1 थिस्सलुनकियो 3:5

एता री वजहा ले जेबे मेरे ले होर इंतजार नी हुआ की तुस्सा रा हाल चाल जाणी लू, तेबे मै तुस्सा रे विस्वासा रा हाल जाणने रे कठे तिमिथियुस जो भेजी दितेया। क्यूंकि हांऊँ एस गल्ला ले डरा था कि परखणी करणे वाले दुस्ट सैताने तुस्सा री परखणी कितिरी हो, होर आस्सा री मैहनत बेकार हुई गईरी हो।

इब्रानियो 4:12

क्यूंकि परमेसरा रा बचन जिउंदा होर प्रबल आ। से हर एक दोधारी तलवारा ले ज्यादा पैना आ। से आत्मा होर प्राण, होर गांठ-गांठ, होर गुदे-गुदे तक डूगघा छेद पां। से मना री भावना होर विचारा जो परखी लेहां।

1 पतरस 1:23

क्यूंकि तुस्से परमेसरा ले नौंईं जिन्दगी पाईरी, तुस्से ये जिन्दगी नास हूंणे वाली चीजा ले नी पाईरी, पर हमेसा बणी रैहणे वाली चीजा ले पाईरी। यानि आस्से परमेसरा रे जिउंदे होर अनंत बचना रे ज्रीए ये जिन्दगी पाईरी।

1 यहून्ना 1:1

आस्से तेसरे बारे मन्झ लिखदे लगिरे जो जिन्दगी देणे वाल़ा बचन आ, जो पुरे संसारा जो रचणे ले पैहले से था, जेसरे बारे मन्झ आस्से सुणेयां, होर जेस जो आस्से आपणी हाखिया ले देख्या, बल्की से आस्से ध्याना किन्हें देख्या; होर से आपणे हाथा किन्हें छुहेया।

प्रकासना री गल्ला 22:17

होर परमेसर री आत्मा, होर छेलु री नौंईं लाड़ी यीसू किन्हें बोल्हा ई कि, “आऊआ!” होर जो भी इन्हा गल्ला जो सुणी करहा से भी बोले कि, “आऊआ!” होर जो सोखा हो, से आये, होर जिन्दगी देणे रा पाणी मुफ्ता मन्झ पीये।