फिलिप्पियो 2:15 - मंडयाली नंऊँआं नियम

¹⁵ ताकि तुस्से बेकसूर होर भोले हुई किन्हें संसारा रे टेढ़े होर ढीठ लोका रे बीचा मन्झ परमेसरा रे सिद्ध बच्चे बणी किन्हें रैहया। एस संसारा रे लोका रे बीचा मन्झ आसमाना रे तारे साहीं चमकदे हुए तिन्हो परमेसरा रा बचन सुणाऊआ जो तिन्हो अनंत जिन्दगी देआ।

फिलिप्पियो 2:15 Iomraidhean Croise

मत्ती 10:16

“हांऊँ तुस्सा जो भेडा साहीं एह्ड़े लोका वाले भेज्या करहा जो भेड़िये साहीं खतरनाक ऐं, इधी कठे कीड़े साहीं बुद्धिमान होर कबूतरा साहीं भोले बणा।

मत्ती 17:17

यीसू ये जवाब दितेया कि, “हे विस्वास नी करणे वाले होर जिद्दी लोको मां केभे तक तुस्सा साउगी रैंह्णां? होर कधी तक तुस्सा री सैहणी? तेस मह्ठे जो एथी मेरे वाले ल्याऊआ।”

मत्ती 5:45

जेस ले तुस्सा आपणे स्वर्गीय बापू रे बच्चे बणना क्यूंकि से खरे होर बुरे लोको पर आपणा सूरज प्रयासा करहा। होर धर्मी होर पापी लोको पर आपणी बरखा देहां।

मत्ती 5:48

इधी कठे कि तुस्से सिद्ध बणा, जेह्ड़ा तुस्सा रा स्वर्गीय बापू सिद्ध आ।

लूका 1:6

होर स्यों दुहें परमेसरा रे साम्हणें धर्मी थे, होर प्रभु रे सारे हुक्मा होर बिधिया पर खराई किन्हें चलणे वाल़े थे।

लूका 6:35

बल्कि आपणे दुसमणा किन्हें प्यार रखा, होर तिन्हारा भला करा: होर दबारा वापस पाणे री आस नी रखी किन्हें धुआर देआ; होर तुस्सा जो बड़ा इनाम मिलणा। होर तुस्सा परमप्रधाना रे बच्चे बणना, क्यूंकि से तिन्हा पर जो धन्यावाद नी करदे होर बुरे ऐं से तिन्हा दुहींया पर तरस करहा।

यहून्ना 5:35

यहून्ना एह्ड़ा दिऊया था जो भख्हा होर चमक्हा था। होर तुस्सा जो कुछ देरा तक तेसरे प्रयासे मन्झ, मगन हूंणां बांका लग्या।

चुणिरे चेले रे काम 2:40

होर पतरसे बौह्त गल्ला मन्झ भी गुआही देई-देई किन्हें अर्ज किती कि, “आपणे आपा जो एस्सा बुरे पीढ़ी ले बचाऊआ।”

चुणिरे चेले रे काम 20:30

तुस्से जे विस्वासी ऐं तुस्सा रे बीचा मन्झा ले भी एह्ड़े-एह्ड़े टेढ़े लोक उठणे, जिन्हा विस्वासिया जो आपणा चेला बनाणे रे कठे चलाकी वाली गल्ला करणी।

रोमियो 16:19

होर सभ लोक जाणांहे कि तुस्से किहाँ बढ़िया तरीके किन्हें प्रभु रे हुक्मा जो मन्हें; इधी कठे हांऊँ तुस्सा रे बारे मन्झ खुसी मनाहां। पर हांऊँ ये चाहां कि, तुस्से ये जाणने मन्झ कि क्या बांका एता रे कठे बुद्धिमान, होर बुरे कामा रे कठे भोले बणी किन्हें रहो।

1 कुरिन्थियो 1:8

परमेसरा तुस्से आखरी तक तुस्सा रे विस्वास मन्झ मजबूत बणाई रखणे, ताकि तुस्से आस्सा रे प्रभु यीसू मसीह रे वापस आऊणें रे ध्याड़े मन्झ बेकसूर रही सको।

2 कुरिन्थियो 6:17

इधी कठे प्रभु पवित्र सास्त्रा रे ज्रीए आस्सा किन्हें बोल्हा, “अविस्वासी लोका रे बीचा मन्झा ले बाहर निकला होर आपणे आपा जो तिन्हा ले लग रखा; असुद्ध चीजा किन्हें कोई रिस्ता मत रखा, तेबे मां तुस्से ग्रैहण करणे।”

इफिसियो 5:27

होर आपणी कलीसिया जो एक तेजस्वी कलीसिया बणाई किन्हें सभ लोका जो आपणी उपस्थिति मन्झ खड़ी करी सके। तेता मन्झ दाग, झुरिया, या एह्ड़ी कोई भी बुरी चीज नी हो, बल्की से पवित्र होर बेकसूर हो।

फिलिप्पियो 1:10

ताकि तुस्से खरी गल्ला जो चुणी सको होर मसीह रे दबारा वापस आऊणें रे ध्याड़े तक हर बुरी गल्ला ले दूर होर बेकसूर बणी किन्हें रैंहयां।

फिलिप्पियो 3:6

जेथी तक मेरे जोसा रा सुआल आ, ता हांऊँ कलीसिया जो सताणे वाल़ा; होर यहूदी बिधियो जो मनणे मन्झ धार्मिक माह्णुं था, क्यूंकि हांऊँ सारी बिधियो जो मना था।

1 थिस्सलुनकियो 5:23

सांति देणे वाल़ा परमेसर आपु ई तुस्सा जो पूरी तरहा ले पवित्र करहे; होर तुस्सा री पूरी आत्मा होर प्राण होर सरीर आस्सा रे प्रभु यीसू मसीह रे दबारा वापस आऊणें रे ध्याड़े तक बेकसूर होर सुरक्षित रहे।

1 तिमिथियुस 3:10

होर तिन्हा जो कलीसिया रे सेऊआदार नियुक्त करणे ले पैहले ये गल परखी जाए कि तिन्हा वाले सही गुण हाए की नी, होर फेरी अगर सभिये तिन्हा जो बेकसूर पाईरा हो, ता स्यों कलीसिया रे सेऊआदारा रा काम करहे।

1 तिमिथियुस 3:2

होर इधी कठे ये जरूरी आ कि कलीसिया रे अगुवे वाले ये सारे गुण हो-कि से बेकसूर हो, होर तेसरी एक ई लाड़ी हो, होर समझदारी किन्हें काम करणे वाल़ा होर आपणे आपा पर काबू रखणे वाल़ा हो। होर से एह्ड़ा हो कि दूजे लोक तेसरी इज्जत करदे हो, होर आपणे घरा मन्झ प्रोहणेया रा आदर-खातर करणे वाल़ा, होर परमेसरा रे वचना जो सही ढंगा किन्हें स्खाणे वाल़ा हो।

1 तिमिथियुस 5:14

इधी कठे मुंजो ये ठीक लगहा कि, जुआन विधवा ब्याह करी ले; होर बच्चे जणे होर घर-बार संभाले, तेबे दुस्मणा जो तिन्हा जो बदनाम करणे रा मौका नी मिलणा।

1 तिमिथियुस 5:20

पाप करणे वाले जो सभी विस्वासी लोका रे साम्हणें प्रुआची दे, ताकि बाकि विस्वासी लोक भी डरे।

1 तिमिथियुस 5:7

सारे विस्वासी लोका जो इन्हा बिधिया रे बारे मन्झ दस, ताकि हर कोई इन्हा जो बेकसूर पाए।

तितुस 1:6

होर कलीसिया रा अगुवा एह्ड़ा हूंणा चहिए कि से बेकसूर हो, होर एक ई लाड़ी रे लाड़े हो, जिन्हारे बाल बच्चे विस्वासी हो, होर जिन्हा पर लुचपन करणे होर हुक्म नी मनणे रा दोष नी लगिरा हो।

तितुस 2:10

चोरी, चलाकी नी करहे; पर एस गल्ला जो साबित करहे कि स्यों हमेसा ईमानदार ऐं, ताकि जो कुछ स्यों करहे लोक तिन्हारे खरे स्वभावा जो देखी किन्हें आस्सा रे उद्धारकर्ता परमेसरा रे उपदेसा रे बारे मन्झ सुणने री इच्छा करहे।

तितुस 2:15

इधी कठे हे तितुस, हांऊँ चाहां कि ये गल्ला जो मैं तेरे किन्हें कितिरी क्रेते टापू रे विस्वासी लोका जो सखा, तिन्हो हिम्मत दे कि स्यों इन्हा गल्ला जो इंहां ही करहे, होर जेथी जरूरत ई तिन्हो सुधारे, एह्ड़ा करणे रा तुजो पूरा हक आ। एस गल्ला जो पक्का करी ले कि जो तू सखा, तेता जो कोई बेकार नी जाणे।

इब्रानियो 7:26

क्यूंकि एह्ड़ा बडा याजक ही आस्सा री ज्रूरता जो पूरी सक्हा। जो पवित्र, होर बेदाग होर सुद्ध आ, होर जेस पर पापी लोका रा असर कधी नी पईरा हो, होर जो स्वर्गा ले भी ऊँचा कितेया गईरा हो।

1 पतरस 2:12

तुस्सा रे ओरे परे रैहणे वाले लोक जो परमेसरा पर विस्वास नी करदे बोली सके कि तुस्सा रे काम बुरे। एह्ड़ी खरी जिन्दगी जीया ताकि स्यों तुस्सा रे भले कामा जो देखी किन्हें मसीह रे दबारा वापस आऊणें रे ध्याड़े परमेसरा जो महिमा दे।

1 पतरस 2:9

पर तुस्से एह्ड़े लोक नी ऐं, तुस्से परमेसरा रे चुणिरे लोक ऐं। होर परमेसरा रे याजक लोक, जो राजे होर पवित्र लोक, होर परमेसरा रे आपणे लोक ऐे, तिन्हें तुस्से नहयारे मन्झा ले आपणी नौखे प्रयासे मन्झ सादी लईरे ताकि तुस्से परमेसरा रे नौखे कामा रा प्रचार करी सको।

2 पतरस 3:14

इधी कठे, हे लाडले भाईयो होर बैहणो, जेबे तुस्से तेस ध्याड़े रा इंतजार करहे जेबे परमेसरा संसारा रा न्याय करणा, ता पूरी कोसिस करा कि आपणे आपा जो बेदाग होर बेकसूर होर तेसरे साउगी सांति मन्झ रखी पाओ।

प्रकासना री गल्ला 2:5

इधी कठे याद कर कि, तू किहाँ मेरे किन्हें पैहले प्यार करहा था, पर ऐबे तेह्ड़ा प्यार नी करदा। एस पापा जो करणा छाडी दे, होर पैहले साहीं मेरे किन्हें प्यार कर। होर अगर तू नी बधल्घा, ता मां तेरे वाले आई किन्हें तेरी दीऊदानी जेथी से थी, तेस जगहा ले हटाई किन्हें तुजो सजा देणी।

प्रकासना री गल्ला 3:9

सुणा, मां सैताना रे मण्डली रे लोक, जो आपणे आपा जो परमेसरा रे चुणिरे लोक (यहूदी लोक) बोल्हे, पर स्यों हाये नी, स्यों झूठ बोल्हा ऐं, होर स्यों मां तेरे बसा मन्झ करी देणे। मां एह्ड़ा करणा कि तिन्हा आई किन्हें तेरे पैरा पर आपणा मूंड झुकाई देणा, होर तिन्हा ये जाणी लैणा कि, मैं तेरे किन्हें प्यार करहा।