फिलिप्पियो 2:13 - मंडयाली नंऊँआं नियम

¹³ क्यूंकि परमेसर ही आ, जो तुस्सा जो एह्ड़ी इच्छा होर सक्ति देहां कि तुस्से से काम करहा जो तेस जो खुस करहा।

फिलिप्पियो 2:13 Iomraidhean Croise

लूका 12:32

“हे छोटे झुंड, मत डर; क्यूंकि तुस्सा रे बापू परमेसरा जो ये खरा लग्या कि, तुस्सा जो परमेसरा रा राज दे।

लूका 2:14

“स्वर्गा मन्झ परमेसरा री महिमा होर धरती पर तिन्हा माह्णुं मन्झ जिन्हा ले से खुस आ, सांति हो।”

यहून्ना 3:27

यहून्ना बपतिस्मा देणे वाल़े जवाब दितेया, “जेबे तक माह्णुं जो स्वर्गा ले नी दितेया जाए तेबे तक से कुछ नी पाई सक्दा।

यहून्ना 6:45

केसी नबिये पवित्र सास्त्रा मन्झा ये लिखिरा आ कि, स्यों सब परमेसरा री तरफा ले सिखाई रे हुंगे। जेस केसिए बापू ले सुणेया होर सिखेया, से मेरे वाले आहूँआं।

यहून्ना 6:65

होर तिन्हें बोल्या, “इधी कठे मैं तुस्सा किन्हें बोल्या था कि जेबे तक केसी जो बापू नी भेज्दा तेबे तक से मेरे वाले नी आई सकदा।”

चुणिरे चेले रे काम 11:21

होर प्रभु री सामर्थ तिन्हा पर थी, होर बौह्त अन्यजाति लोक विस्वास करी किन्हें प्रभु वखा जो फिरी गये।

रोमियो 12:3

क्यूंकि हांऊँ तेस अनुग्रहा री वजहा ले जो मुंजो मिलीरा, तुस्सा मन्झा ले हर एकी किन्हें बोल्हा कि, जेह्ड़ा समझणा चहिए, तेता ले बढ़ी किन्हें कोई भी आपणे आपा जो नी समझे। एता रे बजाय खरी समझ रखी किन्हें होर परमेसरे जितना विस्वास तुस्सा जो दितिरा तेसरे ही मताबक आपणे आपा जो समझा।

रोमियो 9:11

होर हल्ली तक ना ता बच्चे जम्मिरे थे, होर ना तिन्हें बच्चे कुछ भला या बुरा कितिरा था, परमेसरे रिबका किन्हें बोलेया कि “तेरे जेठे मह्ठे छोटे मह्ठे री सेऊआ करणी।” परमेसरे ये गल जाहिर करणे रे कठे बोली कि से आपणे मना री इच्छा ले लोका जो चुणा, ना कि तिन्हारे कितिरे केसी कामा री वजहा ले।

रोमियो 9:16

इधी कठे ये माह्णुं री इच्छा होर कोसिसा पर नी, पर परमेसरा पर निर्भर आ कि से केस पर दया करणा चांहा।

1 कुरिन्थियो 12:6

होर परमेसर भी कई किस्मा किन्हें आस्सा री जिन्दगी मन्झ काम करहा, पर से एक ई परमेसर आ, जो आपणा काम आस्सा री जिन्दगी रे ज्रीए करहा।

1 कुरिन्थियो 15:10

पर अगर आज हांऊँ चुणिरा चेला आ ता परमेसरा रे अनुग्रह ले आ, होर तिन्हें जो अनुग्रह मेरे पर कितेया, से बेकार नी हुआ। पर मैं तिन्हा दूजे चुणिरे चेलेया ले बढ़ी किन्हें मैहनत किती; तेबे बी ये मेरी तरफा ले नी हुएया, पर परमेसरा रे अनुग्रहे मेरी बड़ी मदद किती कि हांऊँ तेसरा काम करी सकूं।

2 कुरिन्थियो 3:5

ये नी कि, आस्से आपणे आप ऐस लायक ऐं कि, आपणी तरफा ले केसी गल्ला रा विचार करी सक्हा ऐं; पर परमेसरा आस्सो आपणी योग्यता देआ।

इफिसियो 1:11

मसीह साउगी एक करी किन्हें, परमेसरे आस्सा यहूदी लोका जो भी आपणे लोक हूंणे रे कठे चुणी लितेया, क्यूंकि सुर्हू ले तेसरी ये ही योजना थी। से सब कुछ आपणी इच्छा ले होर खरे मकसदा रे कठे करहा।

इफिसियो 1:5

क्यूंकि परमेसर आस्सा किन्हें प्यार करहा, इधी कठे तिन्हें बौह्त पैहले ले ये फैसला करी दितिरा था कि, यीसू मसीहे जो काम कितेया तेसरे ज्रीए तेस आस्से आपणे बच्चे बनाणे। परमेसरे ये आपणी इच्छा ले होर खरे मकसदा साउगी कितेया।

इफिसियो 1:9

सेई कितेया, जेसरी तिन्हें योजना बणाईरी थी। तिन्हें आस्सा पर आपणी ल्कोईरी योजना जाहिर किती, जो तिन्हें पैहले ले ही मसीह रे ज्रीए पूरी करणे रा फैसला लितिरा था।

इफिसियो 2:8

क्यूंकि विस्वासा रे ज्रीए परमेसरा रे अनुग्रह ले ई तुस्सा रा उद्धार हुईरा, होर तुस्सा रा उद्धार तुस्सा री वजहा ले नी हुआ, पर ये परमेसरा रा दान आ।

2 थिस्सलुनकियो 1:11

इधी कठे आस्से हमेसा तुस्सा रे कठे प्रार्थना भी करहा ऐं कि, आस्सा रा परमेसर तुस्सा जो तेस जिन्दगी रे लायक बणाये, जेस जो जीणे रे कठे तुस्से सादिरे। होर तुस्सा री हर एक खरी इच्छा जो भलाई रे कामा मन्झ बदली दे, होर आपणी सामर्था रे ज्रीए विस्वासा रे मताबक जिन्दगी जीणे मन्झ मदद करहे।

2 तिमिथियुस 1:9

परमेसरे ही आस्सा रा उद्धार कितेया, होर आस्से पवित्र जिन्दगी जीणे रे कठे सादे; होर तिन्हें आस्से आस्सा रे भले कामा री वजहा ले नी पर आपणी योजना रे मताबक सादेया। परमेसरे एस संसारा जो रचणे ले पैहले ही तय करी लितिरा था कि यीसू मसीह जो एस संसारा मन्झ भेजी किन्हें आस्सा पर आपणा ये अनुग्रह दसणा।

1 पतरस 1:3

आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।