फिलिप्पियो 2:12 - मंडयाली नंऊँआं नियम

¹² हे लाडले भाईयो होर बैहणो, जेबे हांऊँ तुस्सा साउगी था ता तुस्से हमेसा ले मेरी बिधिया मनी री। होर ऐबे जेबे हांऊँ तुस्सा ले दूर आ ता तिन्हा बिधिया जो मनणा तुस्सा रे कठे होर भी ज्यादा जरूरी आ। डर किन्हें होर बड़ी इज्जत साउगी परमेसरा रे हुकमा जो मना। होर आपणे उद्धारा रे कामा जो पूरा करणे रे कठे कड़ी मेहनत करा।

फिलिप्पियो 2:12 Iomraidhean Croise

मत्ती 11:12

यहून्ना बपतिस्मा देणे वाल़े रे प्रचार करणे रे टैमा ले ऐबे तक स्वर्ग रे राज पुरे जोरा सोरा किन्हें फैल्या, होर ताकतवर लोक तेता पर हमला करदे लगिरे।

मत्ती 11:29

मेरा जुआ आपणे गास चकी लऊआ; होर मेरे ले सिखा; क्यूंकि हांऊँ नम्र होर मना मन्झ दीन आ: होर तुस्सा आपणे मना मन्झ अराम पाणा।

चुणिरे चेले रे काम 16:29

होर से दिउआ लई किन्हें अंदर गया, होर काम्मदा हुई किन्हें पौलुस होर सिलासा रे पैरा पई गया।

चुणिरे चेले रे काम 9:6

पर ऐबे उठी किन्हें सैहरा मन्झ जा, होर तेथी कोई एह्ड़ा हूंणा तेस तुजो दसी देणा तुध क्या करणा।”

रोमियो 2:7

जो लोक खरे कामा जो करदे हुए परमेसरा री वखा ले मिलणे वाली महिमा, आदर होर कधी ना खत्म हूंणे वाली जिन्दगी री तोपा मन्झ रैंहयां ऐं, परमेसरा तिन्हा सभी जो अनंत जिन्दगी देणी।

1 कुरिन्थियो 15:58

इधी कठे हे मेरे प्यारे भाईयो होर बैहणो, आपणे विस्वासा मन्झ मजबूत रैहया, कोई तुस्सा जो नी भड़काए, होर प्रभु रे कामा मन्झ हमेसा बढ़दे जाऊआ, क्यूंकि तुस्से जाणहां ऐं कि, तुस्से प्रभु रे कठे मैहनत करहे, से बेकार नी ई।

1 कुरिन्थियो 2:3

जेबे हांऊँ तुस्सा रे बीच रैंहयां था हांऊँ कमजोर था होर डरा साउगी काम्दा रैंहयां था।

1 कुरिन्थियो 4:14

हांऊँ तुस्सा जो ये गल्ला सर्मिन्दा करणे रे कठे नी पर सुधारणे रे कठे लिखी करहा, क्यूंकि तुस्से सभ मेरे बच्चे साहीं ऐं जिन्हा किन्हें हांऊँ बौह्त प्यार करहा।

2 कुरिन्थियो 7:15

जेबे तितुसा जो याद आहूँआं ईं तुस्से सभ केह्ड़े आज्ञाकारी थे, होर किहाँ तुस्से डर होर आदरा किन्हें तेसरा स्वागत कितेया था; तेबे तेसरा प्यार तुस्सा सभी रे कठे होर भी ज्यादा बढ़ी जाहाँ।

इफिसियो 6:5

हे गुलामो, जिहां तुस्से खरे मना ले मसीह रा हुक्म डर किन्हें होर बड़ी इज्जत साउगी मन्हां ऐं, तिहां ईं तुस्से आपणे संसार रे माल्का रा भी गल्ला मन्हा।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

फिलिप्पियो 1:29

क्यूंकि मसीह री वजहा ले तुस्सा पर ये अनुग्रह हुईरा कि ना सिर्फ तेस पर विस्वास करा पर तेसरे कठे दुःख भी सहन करा।

फिलिप्पियो 1:5

इधी कठे कि, तुस्से पैहले ध्याड़े ले जेबे तुस्से खुसी री खबर पर विस्वास कितेया था ता आजा तक खुसी री खबर फैलाणे मन्झ मेरे साथी रहे।

फिलिप्पियो 1:6

होर मुंजो एस गल्ला रा भरोसा आ कि, जेस परमेसरे तुस्सा मन्झ खरा काम सुर्हू कितिरा, तेस ई से काम यीसू मसीह रे दबारा वापस आऊणें रे ध्याड़े तक पूरा करणा।

फिलिप्पियो 2:19

मुंजो प्रभु यीसू मन्झ आस ई कि, मां तिमिथियुसा जो झटपट तुस्सा वाले भेजी देणा, ताकि तुस्सा रा हाल सुणी किन्हें मुंजो हिम्मत मिली सके।

फिलिप्पियो 4:1

इधी कठे हे लाडले भाईयो होर बैहणो, हांऊँ तुस्सा किन्हें प्यार रखा होर मुंजो तुस्सा लोका किन्हें मिलणे री बढ़ी इच्छा ई। तुस्से लोक मेरे खुसी होर मेरे ताज ऐं, होर तुस्से प्रभु पर आपणे विस्वासा मन्झ मजबूत बणी रहा।

फिलिप्पियो 4:15

होर हे फिलिप्पी सैहरा रे लोको, तुस्से आपु भी जाणहां ऐं कि, जेबे मै तुस्सा जो खुसी री खबरा सुणाई किन्हें मकीदुनिया ईलाके मन्झ चली गया, ता तेबे सिर्फ तुस्सा री कलीसिया रे लोके मददा रे कठे पैसे देई किन्हें मेरी मदद किती।

1 थिस्सलुनकियो 1:3

होर जेबे आस्से आपणे बापू परमेसरा किन्हें प्रार्थना करहा ऐं, तुस्सा रे कामा रे कठे जो विस्वासा री वजहा ले तुस्से करहा ऐं, होर दूजेया किन्हें प्यार करणे रे कठे जो मैहनत करहा ऐं, होर आस्सा रे प्रभु यीसू मसीह मन्झ उम्मीद रखणे रे वजहा ले जो धीरज पैदा हुंहाँ, तिन्हा गल्ला जो आस्से हमेसा याद करहा ऐं।

2 तिमिथियुस 2:10

इधी कठे हांऊँ परमेसरा रे चुणिरे लोका रे कठे सभ कुछ सैहन करहा, ताकि स्यों भी मसीह यीसू पर विस्वास करी किन्हें उद्धार पाए, होर अनंत महिमा पाए।

इब्रानियो 12:1

एस वजहा ले जेबे बौह्त लोका री विस्वासा री गुआहिया आस्सो इतने बड़े बादला साहीं घिर्ही गईरे, ता आऊआ, आस्से हर एक रोकणे वाली चीज, होर उलझाणे वाले पाप दूर करी किन्हें, से दौड़ जेस मन्झ जे आस्सा जो दौड़ना आ, सब्र रखी किन्हें दौड़े।

इब्रानियो 4:1

इधी कठे तेसरे अरामा री जगहा मन्झ दाखल हूंणे रा वादा आज भी आस्सा वाले हाया, ता आस्सा जो एस बारे मन्झ होर भी ध्यान रखणा चहिए। एह्ड़ा नी हो कि, तुस्सा मन्झा ले कोई जन तेस अरामा री जगहा मन्झ दाखल हूणें बगैर रही जाए जेसरा वादा परमेसरे कितिरा।

इब्रानियो 4:11

इधी कठे आस्से भी तेस अराम री जगहा मन्झ दाखल हूंणे कठे कड़ी मेहनत करिए। एह्ड़ा नी हो कि कोई भी तिन्हा लोका साहीं परमेसरा रे हुक्म ना मनणे री वजहा ले तेस अराम री जगहा मन्झ दाखल हूंणे ले रही जाए।

इब्रानियो 5:9

होर सिद्ध बणने पर, तेसरे हुक्म मनणे वाले सभ लोका रे कठे से जुग-जुग रे कठे उद्धारा री वजहा बणी गया।

1 पतरस 2:11

हे लाडले भाईयो होर बैहणो, हांऊँ तुस्सा ले अर्ज करहा कि, तुस्से आपणे आपा जो एस संसारा मन्झ परदेसी होर यात्री जाणी किन्हें हर एक सरीरा री पापा री इच्छा ले दूर रैहया, क्यूंकि स्यों हमेसा तुस्सा रे खलाफ युद्ध करहा ई।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।