फिलिप्पियो 1:25 - मंडयाली नंऊँआं नियम

²⁵ होर इधी कठे कि मुंजो एस गल्ला रा भरोसा आ, हांऊँ जाणहां कि मां जिउंदा रैंह्णां, बल्की तुस्सा सभी साउगी रैंह्णां, ताकि प्रभु मन्झ मजबूत रैहणें होर तेस मन्झ खुस रैहणें मन्झ हांऊँ तुस्सा री मदद करी सकूं।

फिलिप्पियो 1:25 Iomraidhean Croise

लूका 22:32

पर मैं तेरे कठे प्रार्थना कितिरी कि, तेरा विस्वास चली नी जाए, होर जेबे तू पाप करना छाडी दे, ता आपणे भाईया जो मजबूत करेया कि स्यों मेरे पर विस्वास करहे।”

चुणिरे चेले रे काम 11:23

से तेथी पूजी किन्हें, होर परमेसरा रे अनुग्रह जो देखी किन्हें खुस हुएया; होर सभी जो उपदेस दितेया कि तन मन ल्गाई किन्हें प्रभु मन्झ बणी रहो।

चुणिरे चेले रे काम 14:22

होर हर गांऊँआं रे चेले रे मना जो मजबूत करदे रैहे होर ये उपदेस देंदे रैहे कि, “आस्सा जो बडे दुःख सही किन्हें परमेसरा रे राजा मन्झ दाखल करणा पऊणा।”

चुणिरे चेले रे काम 20:25

“होर ऐबे हांऊँ जाणहां कि, तुस्से सभ जिन्हा मन्झा ले मैं परमेसरा रे राजा रा प्रचार कितेया, तुस्सा मेरे किन्हें दबारा कधी नी मिलणा।

रोमियो 15:13

हांऊँ प्रार्थना करहा कि परमेसर जो तुस्सा जो आस देआ, से तुस्सा जो तेस पर विस्वास करणे रे कारण आपणी बड़ी खुसी होर सांति किन्हें भरे, ताकि पवित्र आत्मा री सामर्था ले तुस्सा री आस होर भी बढ़दी जाए।

रोमियो 15:18

क्यूंकि हांऊँ हिम्मत करी किन्हें बोली सक्हा कि जो काम मसीहे मेरे ज्रीए किते, तेसरी वजहा ले हांऊँ अन्यजाति लोका जो परमेसरा रा हुक्म मनणे रे कठे त्यार करी पाया। होर जेबे तिन्हें मेरी गल्ला सुणी होर मेरे काम देखे, तेबे तिन्हें परमेसरा पर विस्वास कितेया।

रोमियो 15:29

होर हांऊँ जाणहां कि, जेबे मां तुस्सा वाले आऊंणा, ता तुस्सा मेरे साउगी मसीह रे दितिरी महान आसीसा मन्झ साझीदार बणना।

रोमियो 5:2

आस्सा रे विस्वास करणे रे ज्रीए मसीहे आस्सा पर अनुग्रह कितेया, जेसरे ज्रीए आस्से टिकीरे, होर आस्से हिम्मत होर खुसी साउगी परमेसरा री महिमा जो बांडणे रे कठे उत्सुक ऐं।

2 कुरिन्थियो 1:24

एता रा मतलब ये नी कि, आस्से तुस्सा पर एस गल्ला रा हक जताया करहे कि तुस्सा जो केस गल्ला पर विस्वास करणा चहिए। क्यूंकि तुस्से आपणे ही विस्वासा रे ज्रीए मजबूत बणिरे, होर आस्से तुस्सा री ही खुसी रे कठे तुस्सा साउगी काम करणा चाहें।

फिलिप्पियो 1:24

पर तुस्सा री मददा रे कठे जिउंदे रैंह्णां होर भी ज्यादा जरूरी आ।

फिलिप्पियो 2:24

होर मुंजो प्रभु मन्झ भरोसा आ कि, मां आपु भी तुस्सा वाले जल्दी आई जाणा।

फिलेमोन 1:22

होर तेरे ले एक होर अर्ज कि, तुस्सा रे घरा मन्झ मेरे कठे एक कमरा त्यार करी किन्हें रख्या, क्यूंकि मुंजो आस ई कि, परमेसरा तुस्सा री प्रार्थना रा जवाबा देणा होर मां जेल्हा ले छुटी किन्हें दबारा तुस्सा वाले आई किन्हें तुस्सा किन्हें मिलणा।

1 पतरस 1:8

तुस्से कधी भी यीसू नी देखेया पर फेरी भी तुस्से तेस किन्हें प्यार करहे, होर तुस्से तेस जो नी देखदे पर फेरी भी विस्वास करहे। एह्ड़े करी किन्हें बड़े खुस हुंहाँ ऐं, एह्ड़ी खुसी जो ब्खान करणे ले बाहर होर महिमा किन्हें भ्हरीरा आ।