फिलिप्पियो 1:23 - मंडयाली नंऊँआं नियम

²³ हांऊँ दुंहीं फैसले रे बीचा मन्झ लटकीरा; इच्छा ता ये करहा ई कि हांऊँ ये दुनिया छाडी किन्हें मसीह वाले चला जाऊं, क्यूंकि मेरे कठे ये ज्यादा खरा हूंणां।

फिलिप्पियो 1:23 Iomraidhean Croise

लूका 12:50

मा बड़े भारी दुखा रे बपतिस्मा हाल्ले लेणा, होर जेबे तक हांऊँ तेता जो नी लू तेबे तक मां बौह्त दुआस रैंह्णां।

लूका 23:43

तिन्हें तेस किन्हें बोल्या, “हांऊँ तुध किन्हें सच्च -सच्च बोल्हा कि, आज ई तुध मेरे साउगी स्वर्गलोका मन्झ हूंणां।”

लूका 8:38

जेस आदमी ले जे दुस्टात्मा काढी री थी, से यीसू ले अर्ज करदा लग्या कि, मुंजो आपणे साउगी रैहणे दे, पर यीसूए से वापस भेजी दितेया, होर तेस किन्हें बोल्या,

यहून्ना 12:26

अगर जो कोई मेरी सेऊआ करणा चाहां, ता से आई किन्हें मेरा चेला बणे; होर जेथी हांऊँ आ तेथी मेरा सेऊआ करणे वाल़ा भी हूंणां। अगर कोई मेरी सेऊआ करघा, ता बापू तेसरी इज्जत करणी।”

यहून्ना 13:1

ऐबे ये फसहा रे साजे ले पैहले हुआ। यीसूए जाणी लया कि, तेसरा सही टैम पूरा हुई गईरा होर तेस संसारा जो छाडी किन्हें बापू वाले वापस चली जाणा। जो संसारा मन्झ तेसरे आपणे थे तिन्हा किन्हें तिन्हें आखरी तक तेह्ड़ा ई प्यार रख्या, जेह्ड़ा प्यार से तिन्हा किन्हें रख्दा आईरा था।

यहून्ना 14:3

होर अगर हांऊँ जाई किन्हें जगहा त्यार करूं, ता दबारा वापस आई किन्हें मां तुस्से आपणे साउगी लई जाणें, ताकि जेथी हांऊँ रहूं तेथी तुस्से भी रहो।

यहून्ना 17:24

हे बापू, हांऊँ चाहां कि जेह्ड़े लोक तैं मुंजो दितिरे, जेथी हांऊँ आं, तेथी स्यों भी मेरे साउगी हो कि स्यों मेरी तेस महिमा जो देखी सके जो तैं मुन्जो दितीरी, क्यूंकि तैं संसारा रे रचणे ले पैहले ले ई मेरे किन्हें प्यार रख्या।”

चुणिरे चेले रे काम 7:59

होर स्यों स्तिफनुसा जो पत्थरवाह करदे रैहे, होर से ये बोली किन्हें प्रार्थना करदा रैंहयां कि, “हे प्रभु यीसू, मेरी आत्मा जो ग्रहण करी ले।”

2 कुरिन्थियो 5:8

इधी कठे आस्से हिम्मत रख्हा ऐं, होर मरणे रे बाद एस सरीरा जो छाडी किन्हें प्रभु साउगी रैंह्णां होर भी खरा समझ्हा ऐं।

2 कुरिन्थियो 6:12

तुस्सा रे कठे आस्सा रा प्यार कधी कम नी हुआ, पर तुस्सा रा प्यार आस्सा रे कठे घटी गईरा।

फिलिप्पियो 1:24

पर तुस्सा री मददा रे कठे जिउंदे रैंह्णां होर भी ज्यादा जरूरी आ।

1 थिस्सलुनकियो 2:1

हे भाईयो होर बैहणो, तुस्से आपु ई जाणहां ऐं कि आस्सा रा तुस्सा वाले आऊंणा फायदेमंद हुआ।

1 थिस्सलुनकियो 2:13

इधी कठे आस्से भी परमेसरा रा धन्यावाद लगातार करहा ऐं; कि जेबे तुस्से आस्सा रे ज्रीए परमेसरा रा बचन रा प्रचार सुणेया, ता तुस्से तिन्हा बचना जो माह्णुंआं रा नी, पर परमेसरा रा बचन समझी किन्हें ग्रैहण कितेया, होर सच्चे ये परमेसरा रा बचन आ, जो तुस्सा विस्वासी लोका री जिन्दगी मन्झ काम करहा।

1 थिस्सलुनकियो 4:17

तेता ले बाद आस्से विस्वासी लोक, जो जिउंदे ऐं, तिन्हा साउगी आसमाना मन्झ प्रभु किन्हें मिलणे रे कठे बदला पर उठाए जाणे, होर तेबे ले आस्सा जुग-जुग आपणे प्रभु साउगी रैंह्णां।

2 तिमिथियुस 4:6

हांऊँ ये आदेस तुजो इधी कठे देईं करहा, पर परमेसरा रे कठे मेरी जिन्दगी होर मेरा काम दुहें खत्म हूंणे वाले, क्यूंकि हांऊँ जाणहां कि मां बौह्त जल्दी दुनिया छाडी किन्हें चली जाणा।

प्रकासना री गल्ला 14:13

होर मैं दबारा स्वर्गा ले केसी जो मेरे किन्हें ग्लांदे करदे हुए सुणेया कि इन्हा गल्ला जो लिख। ऐबे ले लेई किन्हें प्रभु पर विस्वास रखी किन्हें मरणे वाले लोक धन्य ऐं। तेबे पवित्र आत्मे एस गल्ला ले राजी हुई किन्हें बोल्या, “हां ये गल सच्च ई। स्यों लोक धन्य ऐं, क्यूंकि तिन्हा आपणी मैहनता किन्हें अराम पाणा, होर जो तिन्हें कितिरा तेता रे बदले तिन्हों इनाम मिलणा।”