फिलिप्पियो 1:13 - मंडयाली नंऊँआं नियम

¹³ एथी तक कि महाराजे रे राजमहला री सारी पलटन होर बाकि लोका ये जाणी गईरे कि, मसीह रा सेऊआदार हूंणे री वजहा ले हांऊँ जेल्हा मन्झ आ।

फिलिप्पियो 1:13 Iomraidhean Croise

चुणिरे चेले रे काम 26:29

पौलुसे जवाब दितेया, “थोह्ड़े टैमा मन्झ, या ज्यादा टैमा मन्झ, परमेसरा ले मेरी प्रार्थना ई कि ना सिर्फ तू बल्कि स्यों सभ, जो भी आज मुंजो सुणेया करहा ऐं जिहां मैं यीसू पर विस्वास कितरा तिहां ईं तिन्हा भी विस्वास करणा, पर हांऊँ नी चाहन्दा की स्यों भी मेरे साहीं बन्धना मन्झ रहे।”

चुणिरे चेले रे काम 26:31

होर जांदे-जांदे आपु मन्झ बोल्दे लगे, “ये आदमी एह्ड़ा ता कुछ नी करदा, जो मौता री सजा या जेल्हा मन्झ पाणे रे लायक हो।”

चुणिरे चेले रे काम 28:17

तीन ध्याड़े ले बाद पौलुसे खास यहूदी अगुवे री सभा सादी, होर जेबे स्यों कठे हुई गये ता तिन्हा किन्हें बोल्या, “हे भाईयो, मैं आपणे लोका रे या बापदादे रे व्यवहारा रे बरखलाफ कुछ नी कितेया, तेबे बी कैदी हुई किन्हें यरुस्लेम सैहरा ले रोम देसा रे सरकारा रे हाथा सौम्पेया गया।

चुणिरे चेले रे काम 28:20

इधी कठे मैं तेरे ले ये अर्ज किती कि तू मेरे वाले एथी आई जा ताकि हांऊँ तुस्सा जो ये दसी सकूं, हांऊँ कैदा मन्झ इधी कठे आ कि जो इस्राएल देसा रे लोक परमेसरा ले आस करहा ऐं जो की मसीहा रे कठे ई, हांऊँ तेस उम्मीदा पर विस्वास करहा।”

चुणिरे चेले रे काम 28:30

होर से दो साल तक आपणे भाड़े रे घरा मन्झ रैंहयां।

इफिसियो 3:1

क्यूंकि तुस्सा गैर-यहूदी लोका रे कठे परमेसरे ये सभ कुछ कितिरा, हांऊँ पौलुस तुस्सा रे कठे प्रार्थना करहा। होर तुस्सा गैर-यहूदी लोका जो खुसी री खबर सुणाणे री वजहा ले हांऊँ जेल्हा मन्झ आ।

इफिसियो 4:1

इधी कठे हांऊँ, जो प्रभु यीसू री सेऊआ करणे री वजहा ले जेल्हा मन्झ कैद आ, तुस्सा ले अर्ज करहा कि, जेस बुलाहटा ले परमेसरे तुस्से आपणे लोक हूंणे रे कठे सादीरे, तेता रे मताबक आपणी जिन्दगी जीया।

इफिसियो 6:20

होर इधी कठे हांऊँ जंजीरा मन्झ जकड़ीरे राजदूत साहीं सेऊआ करदा लगिरा। होर इधी कठे भी प्रार्थना करहा कि जेहड़ा मुंजो बोलणा चहिए, तेह्ड़ा हांऊँ बगैर डरे खुसी री खबरा रा प्रचार कर सकूं।

फिलिप्पियो 1:30

तुस्से मुंजो फिल्लिपी सैहरा मन्झ भी कस्ट सहन करदे हुए देखीरा होर ऐबे भी मेरे दुखा रे बारे मन्झ सुणे जो मुंजो जेल्हा मन्झ हुआ। ऐबे तुस्सा जो भी मेरे साहीं कस्ट सहन करणा पऊणा।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 4:22

पवित्र लोक, खास करी किन्हें जो महाराजे रे घराने रे ऐं, तुस्सा जो नमस्कार बोल्हा ऐं।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।