फिलिप्पियो 1:12 - मंडयाली नंऊँआं नियम

¹² हे भाईयो होर बैहणो, हांऊँ चाहां कि, तुस्से ये जाणी लो कि, जो कुछ मेरे पर बीतिरा, तेसरी वजहा ले खुसी री खबरा फैलाणे मन्झ मेरी मदद हुईरी।

फिलिप्पियो 1:12 Iomraidhean Croise

लूका 21:13

पर तुस्सा जो मौका मिली जाणा कि तुस्से मेरे बारे मन्झ गुआही देई सको।

चुणिरे चेले रे काम 8:4

जो लोक तितर-बितर हुई गईरे थे, स्यों खुसी री खबर सुणांदे हुए फिरदे लगे।

रोमियो 8:28

होर आस्से जाणहां ऐं कि जो लोक परमेसरा किन्हें प्यार रख्हा ऐं, होर जो परमेसरा री इच्छा रे मताबक चुणिरे तिन्हारे कठे सब गल्ला मिली किन्हें भलाई पैदा करहा ई।

रोमियो 8:37

पर इन्हा सभी गल्ला ले आस्से मसीह रे ज्रीए जिन्हें जे आस्सा किन्हें प्यार कितेया, जयवन्ता ले भी बढ़ी किन्हें आ।

फिलिप्पियो 1:5

इधी कठे कि, तुस्से पैहले ध्याड़े ले जेबे तुस्से खुसी री खबर पर विस्वास कितेया था ता आजा तक खुसी री खबर फैलाणे मन्झ मेरे साथी रहे।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 2:22

पर तिमिथियुस जो ता तुस्से जाणी गईरे कि से सच्चा आ, जेह्ड़ा मह्ठा बापू साउगी करहा, तिहां ई तिन्हें खुसी री खबरा रे फैलाणे मन्झ मेरे साउगी मैहनत किती।

फिलिप्पियो 4:15

होर हे फिलिप्पी सैहरा रे लोको, तुस्से आपु भी जाणहां ऐं कि, जेबे मै तुस्सा जो खुसी री खबरा सुणाई किन्हें मकीदुनिया ईलाके मन्झ चली गया, ता तेबे सिर्फ तुस्सा री कलीसिया रे लोके मददा रे कठे पैसे देई किन्हें मेरी मदद किती।

फिलिप्पियो 4:3

होर हे सच्चे, सहकर्मी हांऊँ तेरे ले ये अर्ज करहा कि, तू इन्हा दुहीं बैहणा री आपु मन्झा री बैहसा जो सुल्हा करा, क्यूंकि तिन्हें मेरे साउगी खुसी री खबर सुनाणे रे कठे, क्लेमेन्स होर मेरे दूजे सहकर्मी साउगी मैहनत किती। होर ऐबे इन्हा सभीरा नांऊँ जिन्दगी री कताबा मन्झ लिखिरा।

1 तिमिथियुस 2:8

इधी कठे हांऊँ चाहां कि, हर मण्डली मन्झ मर्ध बगैर गुस्से कितिरे होर बगैर बैहसा ले, परमेसरा रे कठे समर्पित हाथा जो चक्की किन्हें प्रार्थना करेया करहे।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।

2 तिमिथियुस 4:17

पर प्रभु मेरा मददगार रैहया, होर तिन्हें मुंजो सामर्थ दिती; ताकि हांऊँ तेस कच्हरी मन्झ बैठीरे सभी लोका जो मसीह रे बारे मन्झ खुसी री खबरा रा प्रचार करी सकेया, होर सभ तेस गैर-यहूदी लोक तेसरे प्रचारा जो सुणी सके। होर एस तरहा तिन्हें हांऊँ मरणे ले बचाई लेया जिहां एक भूखे सेरा रे मुंहा ले बचाया।