इफिसियो 5:3 - मंडयाली नंऊँआं नियम

³ होर जेह्ड़ा परमेसरा रे पवित्र लोका रे खरा आ, तुस्सा मन्झ ना ता व्यभिचार, ना केसी किस्मा रे गंदे काम, होर ना पैसे रे लालचा री गल तक हो।

इफिसियो 5:3 Iomraidhean Croise

मत्ती 15:19

क्यूंकि बुरे-बुरे सोच रखणा, खून करणा, नजायज रिस्ते रखणा, व्यभिचार करणा, चोरी करणा, झूठी गुआही देणा होर बदनामी करणा, जेह्ड़ी गल्ला मना ले बाहर निकल्हा ई।

लूका 12:15

होर यीसूए तिन्हा किन्हें बोल्या, “चतन्न जे रैंहयां करहा, होर हर किस्मा रे लालचा ले आपणे आपा जो बचाई रखा: क्यूंकि केसी री जिन्दगी तेसरी बौह्त ज्यादा जायदाद हूंणे री वजहा ले नी हुन्दी।”

लूका 16:14

फरीसी लोक जो लालची थे, ये सभ गल्ला सुणी किन्हें यीसू रा मजाक डुआन्दे लगे।

चुणिरे चेले रे काम 15:20

पर तिन्हा जो एक चिठ्ठी लिखी किन्हें हुक्म दे कि स्यों, लोका रे ज्रीए मूर्तिया जो चढ़ाई रे खाणे जो नी खाये, होर व्यभिचार होर गला घुटी किन्हें मारिरे डांगरे रा मास होर खूना ले परे रैहे।

चुणिरे चेले रे काम 20:33

“मैं केसी री चांदी रा सोने या कपड़े रा लालच नी कितेया।

रोमियो 1:29

होर स्यों सभ किस्मा रे अधर्मा रे काम, होर दुस्टता, होर लालच, होर बैर-भाव किन्हें भर्ही गये। होर हिर्ख, होर हत्या, होर झगड़े, होर धोखा, होर बुरे बिचारा किन्हें बर्ताव करणे वाले, होर चुगलखोर बणी गईरे।

रोमियो 16:2

तुस्से ये जाणी किन्हें तेस्सा रा स्वागत करहा कि तुस्से सभ प्रभु रे लोक ऐं; होर अगर एस्सा जो कुछ चीजा री ज्रूरत हो ता तुस्से मदद करेया। क्यूंकि एस्से मेरी होर मेरे साउगी कईया री मदद कितिरी।

रोमियो 6:13

होर आपणे सरीरा रे अंगा जो बुरी काम करणे रे कठे पाप जो ना सौंपा, पर आपणे आपा जो मरिरे मन्झा ले जिउंदा जाणी किन्हें आपणी जिन्दगी परमेसरा जो सौंपा। आपणे सरीरा रे अंगा जो धार्मिकता रे कामा रे कठे परमेसरा जो पूरी तरहा सौंपा।

1 कुरिन्थियो 10:8

लज्जा वाल़ा कोई काम नी करहे; जेह्ड़ा की आस्सा रे बापदादेया मन्झ ले कई कितेया; होर एक ई ध्याड़े त्रेई हजार लोक मरी गये।

1 कुरिन्थियो 5:1

कुछ लोके मुंजो दसिरा कि तुस्सा री कलीसिया मन्झ कुछ लोक व्यभिचार मन्झ पई गईरे, पर एह्ड़ा व्यभिचार जो अन्यजाति लोके मन्झ भी नी हुन्दा। एक माह्णुं आपणी सौतेली माऊआ किन्हें नजायज रिस्ता रख्हा।

1 कुरिन्थियो 6:13

तुस्से ये भी बोली सके कि, खाणा पेटा रे कठे, होर पेट खाणे रे कठे आ, ये ता सच्च आ, पर परमेसरा यूँ दुहें नास करी देणे। आस्सा रे सरीर भी व्यभिचारा रे कठे नी ऐं, पर आस्सा रा सरीर प्रभु रा होर एता ले प्रभु री सेऊआ करणी चहिए।

1 कुरिन्थियो 6:18

पूरी तरहा व्यभिचारा ले बची किन्हें रहा; एसरे अलावा माह्णुं रे ज्रीए कितिरा कोई भी पाप तेसरे सरीरा जो प्रभाव नी करदा, पर व्यभिचार करणे वाल़ा आपणे ई सरीरा रे बरखलाफ पाप करहा।

2 कुरिन्थियो 12:21

केते एह्ड़ा नी हो जेबे हांऊँ दबारा वापस तुस्सा किन्हें मिलणे आऊँ मेरा परमेसर मुंजो बेज्जत करहे। होर मुंजो तिन्हा कईया रे कठे रोणा नी पई जाए, जिन्हें पैहले गंदे काम होर अपवित्रता, होर व्यभिचार, होर भोग विलास जेह्ड़े पाप कितिरे हो, होर तिन्हें पाप करणा नी छाडीरा हो।

इफिसियो 5:12

क्यूंकि परमेसरा पर विस्वास नी करणे वाले लोक जो स्यों लुख्ही-लुख्ही किन्हें काम करहा ऐं, तिन्हारे बारे मन्झ गल्ला करणा भी सरमा री गल ई।

इफिसियो 5:5

क्यूंकि तुस्से ये खरी तरीके किन्हें जाणहां ऐं कि, व्यभिचार करणे वाल़ा, या गन्दा आदमी, या लालची माह्णुं जो मूर्ति पूजणे वाले रे बराबर ऐं, यूँ त्राए मसीह होर परमेसरा रे राजा मन्झ विरासत नी पाई सकदे।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

कुलुस्सियो 3:5

इधी कठे आपणे पाप रे स्वभाव ले जुड़ीरे बुरे कामा जो करणा छाडी देआ, जिहां कि व्यभिचार, असुद्धता, बुरी कामना, होर बुरी इच्छा। होर तुस्से केसी भी गल्ला रा लालच नी करहा क्यूंकि ये मूर्ति री पूजा करणे रे बराबर आ।

1 थिस्सलुनकियो 4:3

क्यूंकि परमेसरा री इच्छा येई कि, तुस्से पवित्र बणां; होर व्यभिचारा ले बची किन्हें रहा।

1 थिस्सलुनकियो 4:7

क्यूंकि परमेसरे आस्से असुद्ध जिन्दगी जीणे रे कठे नी, पर पवित्र जिन्दगी जीणे रे कठे सादिरे।

1 तिमिथियुस 2:10

रे बजाय, दूजे लोका रे कठे खरे काम करी किन्हें आपणे आपा जो जचाणा तिन्हारे कठे खरा आ।

1 तिमिथियुस 3:3

से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

1 तिमिथियुस 6:10

क्यूंकि धन रा मोह सभ किस्मा री बुराईया री जड़ ई, जेस धना जो पाणे री कोसिस करदे-करदे कुछ लोक मजे-मजे मसीह रे उपदेसा पर विस्वासा करणा छाडी दे। एता री वजहा ले स्यों लोक कई किस्मा रे दुःख सहन करहे, तेस माह्णुं साहीं जिन्हें हथियारा किन्हें आपणे आपा जो छलनी करी दितिरा हो।

2 तिमिथियुस 3:2

लोका सिर्फ आपणे आपा ले होर धना किन्हें प्यार करणे वाले बणी जाणा, बडयाई करणे वाले, घमंड करणे वाले, दूजेया री बदनामी करणे वाले, माऊ बापू रा हुक्म नी मनणे वाले, एहसान नी मनणे वाले, होर अपवित्र लोक हूंणे।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

तितुस 2:3

इंहां ही खपरी ज्नानिया रा स्वभाव भी पवित्र लोका साहीं हो। दूजेया जो बदनाम करणे वाली नी हो, होर ना सराबी नी हो; पर दूजेया जो खरा काम करणे रे कठे स्खाणे वाली हो।

इब्रानियो 12:16

एह्ड़ा नी हो कि, कोई आदमी व्यभिचारी, या आदमा रे पोत्रू एसावा साहीं अधर्मी हो। क्यूंकि से जेठा था होर तेस वाले पैहले पोत्रू हूंणे रे सारे हक थे, पर तिन्हें आपणे जन्मसिद्ध हक जो हल्का समझी किन्हें एक टैमा रे खाणे रे कठे तिन्हें से आपणे छोटे भाई याकूबा जो बेची दितेया।

1 पतरस 5:2

कि विस्वासी लोका रे झुंडा री देखभाल करा; जो परमेसरा री, होर जो तुस्सा जो दितिरी की तुस्से तिन्हारी देखभाल करी सको। होर तिन्हारी देखभाल खुसी किन्हें करहा, कोई जोर जबरदस्ती किन्हें नी, क्यूंकि ये ही परमेसरा री इच्छा ई। एह्ड़ा तुस्से नीच कमाई रे कठे नी, पर सच्चे तिन्हारी मदद करणे रे कठे करा।

2 पतरस 2:10

परमेसर सभ बुरे लोका जो सजा देणी पर तेस तिन्हो झूठे उपदेस स्खाणे वाले जो पक्का सजा देणी। जो आपणे बुरी होर पापा री अभिलासा रे मताबक जिन्दगी जीये होर परमेसरा रे हका जो आपणे जिन्दगी ले नकारा ऐं। स्यों ढीठ होर घमंडी ऐं, तिन्हो स्वर्गा रे महिमामय प्राणिया रे बारे मन्झ बुरा बोलणे ले डर नी लगदा।

2 पतरस 2:14

जेस्सा भी जन्नानी स्यों देखे सभी किन्हें व्यभिचारा करणा चाहे, होर स्यों पाप किते बगैर नी रुकी सकदे। होर जो मसीह पर पूरा भरोसा नी रखदे एह्ड़े लोका जो स्यों धोखा देई किन्हें तिन्हा ले पाप कुराहें। होर कधी नी मरणे वाले लालच री वजहा ले परमेसरा तिन्हो सजा देणी।

2 पतरस 2:3

एह्ड़े स्खाणे वाले लोक लालची हूंणे, होर मन घड़न्त कहाणीया बणाई किन्हें पैसा कमाणे रे कठे तुस्सा जो धोखा देणा। परमेसरे बौह्त पैहले ले ही इन्हों सजा देणे रा फैसला कितिरा था। होर ऐबे से करणे रे कठे त्यार आ, तेस सच्चे स्यों नास करी देणे।

प्रकासना री गल्ला 2:14

पर हांऊँ तेरे बरखलाफ ये बोलणा चाहां, क्यूंकि तू कलीसिया मन्झ गलत उपदेस देणे वाल़ा रा विरोध नी करदा, जो पुराणे टैमा रे बिलाम नबी साहीं स्खाये। तिन्हें इस्राएल देसा रे लोका जो पाप कुराणे रे कठे राजा बालाक जो सखाया, जेता री वजहा ले राजे इस्राएली लोका जो मूर्ति रे आगे बलिदान कितिरी चीजा जो खाणा, होर व्यभिचार करणा सखाया।

प्रकासना री गल्ला 2:21

मैं तेस्सा जो मौका दितेया कि से पाप करणा छाडी दे, पर से व्यभिचार करणा छाडणा नी चाहन्दी।

प्रकासना री गल्ला 21:8

पर जो मेरे पर विस्वास नी रखदे, स्यों तेस आगी री झीला मन्झ पाई देणे जो गन्धका किन्हें भख्दी रैंहयां ई, जो कि दूजी मौत ई। होर तिहां ही सभ लोक, जो दूजेया रे साम्हणें मुंजो मनणे ले डरे, होर बुरे काम होर खून करहे। जो व्यभिचारी ऐं होर जादू टोणा करहे, होर मूर्तिया री अराधना करहे; होर झूठ बोल्हे, तेस आगी री झीला मन्झ पाई देणे।”

प्रकासना री गल्ला 22:15

पर कुत्ते साहीं अपवित्र लोक, होर जादू टोणा करणे वाले, होर व्यभिचार करणे वाले, होर हत्या करणे वाले लोक, होर मूर्तिया री अराधना करणे वाले लोक, होर हरेक लोक जो झूठ बोलणा पसंद करहे, तिन्हा सभिया एस सैहरा ले बाहर रैहणां।