इफिसियो 4:2 - मंडयाली नंऊँआं नियम

² सारी दीनता होर नम्रता साउगी, होर सबर रखी किन्हें प्यारा किन्हें एक दूजे जो सही लो।

इफिसियो 4:2 Iomraidhean Croise

मत्ती 11:29

मेरा जुआ आपणे गास चकी लऊआ; होर मेरे ले सिखा; क्यूंकि हांऊँ नम्र होर मना मन्झ दीन आ: होर तुस्सा आपणे मना मन्झ अराम पाणा।

मरकुस 9:19

ये सुणी किन्हें यीसूए तिन्हा जो जवाब दितेया कि, “हे विस्वास नी करणे वाले लोको, मां केभे तक तुस्सा साउगी रैहणां? होर कधी तक तुस्सा री सैहणी? तेस मह्ठे जो मेरे वाले ल्याऊआ।”

चुणिरे चेले रे काम 20:19

मतलब बड़े दीन हुई किन्हें, होर आंसू बहाई-बहाई किन्हें, होर तिन्हा परीक्सा मन्झ ले जो यहूदी लोका री साजिसा री वजहा ले मेरे पर आई; हांऊँ प्रभु री सेऊआ करदा ई रैंहयां।

रोमियो 15:1

हुई सक्हा कि आस्से जो विस्वासा मन्झ मजबूत ऐं जाणांहे कि इन्हा सभी गल्ला ले कोई फर्क नी पउन्दा, पर आस्से इन्हा कामा जो आपणे आपा जो खुस करणे रे कठे नी करी सकदे। आस्सो तिन्हा लोका रे सक होर डरा पर विचार करणा चहिए जो सोचे ये कि ये चीजा करणा गलत आ।

1 कुरिन्थियो 13:7

स्यों लोक हमेसा सभ गल्ला जो सही लैहें, स्यों परमेसरा पर विस्वास करणा कधी नी छाडदे, स्यों हमेसा आस रखायें, जेबे तिन्हो परेसानिया होर कष्ट हुयें तेबे भी सबर रखे।

गलातियो 6:2

जेबे कोई परेसान मन्झ ऐं आ, ता तेसरी मदद करहा, होर इंहां करी किन्हें तुस्से मसीह री व्यवस्था जो पूरी करणी।

इफिसियो 1:4

संसारा जो रचणे ले पैहले ई, परमेसरे आस्सा जो आपणे लोक हूंणे रे कठे चुणी लितेया क्यूंकि आस्से मसीह साउगी एक ऐं, ताकि आस्से तेसरी नजरा मन्झ पवित्र होर बेकसूर बणी सके।

कुलुस्सियो 1:11

हांऊँ प्रार्थना करहा कि परमेसर आपणी महिमा री सक्ति रे मताबक तुस्से सभ किस्मा री सामर्था ले मजबूत करहे। ताकि जेबे तुस्से परेसानिया जो सहे तेबे हर तरहा ले धीरज होर सबर दसी सको। होर खुसी किन्हें भरी जाऊआ।

1 तिमिथियुस 6:11

पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

2 तिमिथियुस 2:25

होर से आपणे व्रोधिया जो नम्रता किन्हें सुधारे, सैताने इन्हा लोका जो इंहां फसाई दितिरा कि स्यों तेसरे मताबक जीए, पर तुस्सा रा तिन्हा साउगी सबर रखणे री वजहा ले हुई सक्हा कि, परमेसर तिन्हारी मदद करहे कि स्यों पाप करणा छाडी दे, होर मसीह रे बारे मन्झ सच्चाई जो पछयाणी ले। ताकि स्यों आपणे होसा मन्झ आई किन्हें सैताना ले दूर चली जाये।

याकूब 1:21

इधी कठे सारी गंदगी होर सब बुराई जो दूर करी किन्हें, परमेसरा रे तेस बचना जो बडी नम्रता किन्हें मनी लो, जो तुस्सा रे दिला मन्झ बोया गया होर जो तुस्सा रा उद्धार करी सक्हा।

1 पतरस 3:15

पर मसीह जो प्रभु जाणी किन्हें तेसरी इज्जत करहा, होर आपणे मना मन्झ तेसरा डर मन्हा। होर कोई तुस्सा ले तेस आसा रे बारे मन्झ कुछ पूछे, जो आस्से सभ विस्वासी लोक साझा करहे, ता तेस जो जवाब देणे रे कठे हमेसा त्यार रैहया। पर एह्ड़ा नम्रता होर आदर भाव किन्हें करहा,

1 पतरस 3:8

आखरी मन्झ हांऊँ तुस्सा किन्हें ये बोलणा चाहां कि सभ आपु मन्झ एकता रखा, एक दूजे रा ध्यान रखा, आपणे परिवारा समझी किन्हें एक दूजे किन्हें प्यार करहा, एक दूजे पर दया करहा, होर नम्र बणा।