इफिसियो 3:3 - मंडयाली नंऊँआं नियम

³ यानि परमेसरे ही मुंजो आपणी ल्कोईरी योजना जाहिर किती, जेता रे मन्झ मैं पैहले थोड़ा बौह्त लिखी चुकिरा।

इफिसियो 3:3 Iomraidhean Croise

चुणिरे चेले रे काम 22:17

“जेबे हांऊँ दबारा यरुस्लेम सैहरा मन्झ आई किन्हें मन्दरा मन्झ प्रार्थना करेया करहा था, ता मै एक दर्सन देख्या।

चुणिरे चेले रे काम 22:21

होर प्रभुए मेरे किन्हें बोल्या, ‘चली जा; क्यूंकि मां तू बौह्त सारी जातिया वाले दूर-दूर भेजणा।’”

चुणिरे चेले रे काम 23:9

तेथी बौह्त रौल्आ पया, कुछ व्यवस्था स्खाणे वाल़े जो फरीसी लोका मन्झा ले थे उठी किन्हें बैहस करदे हुए बोल्दे लगे, “एस आदमी मन्झ आस्से कोई खोट नी पांदे, अगर केसी दुस्टात्मे या केसी स्वर्गदूते एस किन्हें गल्ला किती ता फेरी क्या हुएया?”

रोमियो 11:25

हे भाईयो होर बैहणो, हांऊँ चाहां कि तुस्से एस गुप्त सच्चाई जो समझी लो ताकि तुस्से बडयाई ना करो। होर इस्राएल रे लोका रे बारे मन्झ गुप्त सच्चाई ये ही कि जेबे तक सब अन्यजाति रे लोक मसीह वाले नी आई जांदे, तेबे तक इस्राएल देसा रे कुछ लोका एह्ड़े ही ढीठ बणी रैंह्णां।

रोमियो 16:25

ऐबे आस्से परमेसरा री बढ़ाई करहे, जो तुस्सा जो मेरे सुणाई री खुसी री खबरा रे ज्रीए यानि यीसू मसीह रे बारे मन्झ कितिरे प्रचार रे मताबक, तुस्सा जो विस्वासा मन्झ मजबूत करी सक्हा। यीसू मसीह रे एस प्रचारे तुस्सा अन्यजाति लोका रे कठे परमेसरा री योजना जो जाहिर करी दितिरा, से योजना जो सुर्हू ले ही भेदा मन्झ ल्कोई रखिरी थी।

2 कुरिन्थियो 12:1

जेब्की बडयाई करणा ता मेरे कठे खरा नी आ, तेबे बी करणा पहूंआं; पर मां प्रभु रे दितिरे दर्सन होर प्रकासना रे बारे मन्झ दसेया करहा।

गलातियो 1:12

क्यूंकि मैं ये गल्ला आपणे बापदादेया ले नी सीखी, होर नहीं मुंजो केसी धर्मा रे स्खाणे वाले स्खाईरी, पर यीसू मसीहे युयां गल्ला मुंजो समझाई।

इफिसियो 1:17

हांऊँ प्रार्थना करहा कि परमेसर, आस्सा रे प्रभु यीसू मसीह रा महिमामय बापू, तुस्सा पर जो आत्मिक ज्ञान होर समझ दे, ताकि तुस्से पूरी तरहा ये जाणी लो परमेसर कुणहां।

इफिसियो 3:4

जिहां तुस्से एस्सा चिठ्ठी जो पढ़ी करहे ता तुस्सा जाणी लेणा कि, सच्चे हांऊँ मसीह रे बारे मन्झ कितने खरे किन्हें तेस ल्कोईरी योजना जो समझ्हा।

इफिसियो 3:6

परमेसरा री योजना ये ई: मसीह यीसू साउगी एक हूंणे री वजहा ले गैर-यहूदी लोका भी खुसी री खबरा रे ज्रीए तेस विरासता रे साझीदार हूंणे जो यहूदी लोका रा। स्यों एक ही सरीरा रे अंग ऐं, होर परमेसरा रे कितिरे वादे रे साझी ऐं, जो तिन्हें यहूदी लोका किन्हें कितिरा।

इफिसियो 3:9

होर ये भी कि हांऊँ सभ लोका जो परमेसरा री एस लकोईरी योजना जो समझाई सकूं, जेस योजना जो सभ चीजा जो रचणे वाले सुर्हू ले लकोई किन्हें रखिरा था।

इफिसियो 6:19

होर मेरे कठे भी प्रार्थना करदे रैहया कि, परमेसर मुंजो बोलणे रे टैम सही सब्द दे, ताकि हांऊँ बगैर डरे खुसी री खबरा रे बारे मन्झ लुख्ही री योजना जो सुणाई सकूं कि, ये खुसी री खबर सभ लोका रे कठे ई।

कुलुस्सियो 2:2

हांऊँ इधी कठे मेहनत करहा ताकि तुस्सा सभी जो आत्मिक रूपा ले होंसला मिले, होर तुस्से सभ प्यारा मन्झ किन्हें मिली जुली किन्हें रहो। हांऊँ चाहां कि तिन्हो पूरा भरोसा हो क्यूंकि तिन्हो बापू परमेसर रे गुप्त विचारा री पूरी समझ ई। होर ये गुप्त विचार मसीह आपु आ।

कुलुस्सियो 4:3

होर एता साउगी-साउगी आस्सा रे कठे भी प्रार्थना करदे रैंहयां कि, परमेसर आस्सा रे कठे बचन सुनाणे रा एह्ड़ा मौका दे कि, आस्से मसीह रे तेस भेदा रा ब्खान करी सके होर एस खबर जो सुनाणे री वजहा ले ऐबे भी हांऊँ जेल्हा मन्झ आ।

इब्रानियो 13:22

हे भाईयो होर बैहणो, हांऊँ तुस्सा ले बिनती करहा कि, तुस्सा जो हिम्मत देणे रे कठे जो ये गल्ला मैं लिखिरी तिन्हा गल्ला जो बड़े सबरा किन्हें सुणी लऊआ; क्यूंकि मैं तुस्सा जो ये गल्ला थोह्ड़े सब्दा मन्झ लिखिरी।

1 पतरस 5:12

मैं सिलासा री मददा किन्हें ये छोटी जे चिठ्ठी लिखी किन्हें तुस्सा वाले भेजिरी, हांऊँ तेस जो एक भरोसे रे लायक विस्वासी भाई समझ्हा। एता जो लिखणे रा मेरा मकसद ये आ कि हांऊँ तुस्सा जो हिम्मत होर होंसला देई सकूं कि, ये सच्चे तुस्सा रे कठे परमेसरा रा अनुग्रह ही आ, जेता रा तुस्से मैहसूस करी करहे। एस अनुग्रहा मन्झ ही मजबूत बणी किन्हें रहा।

2 पतरस 3:15

होर आस्सा रे प्रभु रे सबरा जो एक एह्ड़ा मौका समझा, जेथी लोक पाप करना छाडी सके, फेरी परमेसर तिन्हारे उद्धार करी किन्हें तिन्हा ओ आऊणें वाले न्याय ले बचाई सक्हा। होर ये ही गल परमेसरा रे ज्रीए दितिरे ज्ञाना रे मताबक पौलुसे भी आपणी चिठ्ठी मन्झ तुस्सा रे कठे लिखी जो आस्सा रा लाडला विस्वासी भाई आ।