इफिसियो 3:2 - मंडयाली नंऊँआं नियम

² परमेसरे आपणे बड़े अनुग्रहा ले मुंजो तुस्सा जो खुसी री खबर सुणाणे रा काम दितिरा, तेता रे बारे मन्झ तुस्से जरुर सुणिरा हुन्घा।

इफिसियो 3:2 Iomraidhean Croise

चुणिरे चेले रे काम 13:2

जेबे स्यों ब्रता साउगी अराधना करेया करहा ऐं थे, ता पवित्र आत्मे बोल्या, “मेरे कठे बरनबास होर साऊला जो तेस सेऊआ रे कठे लग करा जेसरे कठे मैं स्यों सादिरे।”

चुणिरे चेले रे काम 13:46

तेबे पौलुसे होर बरनबासे बगैर डरे बोल्या, “जरूरी था कि, परमेसरा रा बचन पैहले तुस्सा जो सुणाया जाए; पर जेबे की तुस्से तेस जो नकारी देयां ऐं, होर आपणे आपा जो अनंत जिन्दगी रे लायक नी बणान्दे, ता देखा, आस्से अन्यजाति लोका वाले जाई करहा ऐं।”

चुणिरे चेले रे काम 22:21

होर प्रभुए मेरे किन्हें बोल्या, ‘चली जा; क्यूंकि मां तू बौह्त सारी जातिया वाले दूर-दूर भेजणा।’”

चुणिरे चेले रे काम 9:15

पर प्रभुए तेस किन्हें बोल्या कि, “तू चला जा; क्यूंकि साऊल ता अन्यजाति लोका होर राजे माहराजे, होर इस्राएल देसा रे साम्हणें मेरा नांऊँ रा प्रचार करणे रे कठे मेरा चुणिरा एक जरीआ।

रोमियो 1:5

मसीह रे ज्रीए परमेसरे आस्सा जो चुणिरे चेले हूंणे रा सौभाग्य होर हक दितिरा कि आस्से मसीह रे कठे सारे जातिया रे लोका जो ये दसी सके कि परमेसरे तिन्हारे कठे क्या कितिरा। जेसरे ज्रीए स्यों मसीह पर विस्वास करी किन्हें तेसरे हुक्मा जो मने।

रोमियो 11:13

हांऊँ तुस्सा अन्यजाति लोका किन्हें ये गल्ला बोल्हा। जेब्की हांऊँ अन्यजाति लोका रे कठे चुणिरे चेले आ, ता हांऊँ आपणी सेऊआ री बड़ाई करहा।

रोमियो 12:3

क्यूंकि हांऊँ तेस अनुग्रहा री वजहा ले जो मुंजो मिलीरा, तुस्सा मन्झा ले हर एकी किन्हें बोल्हा कि, जेह्ड़ा समझणा चहिए, तेता ले बढ़ी किन्हें कोई भी आपणे आपा जो नी समझे। एता रे बजाय खरी समझ रखी किन्हें होर परमेसरे जितना विस्वास तुस्सा जो दितिरा तेसरे ही मताबक आपणे आपा जो समझा।

1 कुरिन्थियो 4:1

तुस्से आस्सा जो मसीह रे सेऊआदार समझा जिन्हा जो परमेसरा रे लुख्ही रे ज्ञाना जो लोका जो समझाणे रा काम सौंपी दितिरा।

गलातियो 1:13

तुस्से जाणहां ऐं कि हांऊँ यहूदी धर्मा री बिधिया रे मताबक जिन्दगी जीया था, हांऊँ परमेसरा री कलीसिया रे लोका जो बौह्त स्ताहां था, होर मसीह पर विस्वास करणे वाल़ेया जो नास करणे री कोसिस करहा था।

इफिसियो 1:10

परमेसरा री ये योजना थी कि ठीक टैम आऊणें पर स्वर्गा होर धरती मन्झ जो भी कुछ आ, से सब कुछ मसीह रे हका मन्झ करी दे।

इफिसियो 3:7

परमेसरा रे अनुग्रह रे ज्रीए तिन्हें मेरे मन्झ आपणी नौखे सामर्था जो काम करणे दितेया, जेसरी वजहा ले हांऊँ खुसी री खबरा रा प्रचार करणे रे कठे एक सेऊआदार बणेया।

इफिसियो 3:8

हालांकि परमेसरे रे पवित्र लोका मन्झा ले हांऊँ सभी ले छोटा आ। फेरी भी परमेसरे मेरे पर ये अनुग्रह कितेया कि हांऊँ गैर-यहूदी लोका जो ये खुसी री खबर सुणाई सकूं कि, मसीह ले मिलणे वाली आसीसे इतनी बडी कि तिन्हारा आस्से बखान नी करी सकदे।

इफिसियो 3:9

होर ये भी कि हांऊँ सभ लोका जो परमेसरा री एस लकोईरी योजना जो समझाई सकूं, जेस योजना जो सभ चीजा जो रचणे वाले सुर्हू ले लकोई किन्हें रखिरा था।

इफिसियो 4:21

मुंजो कोई सक नी आ कि जेबे तुस्से मसीह यीसू रे बारे मन्झ सुणिरा था, होर तुस्से आपणे स्खाणे वाले ले तेसरे सच्चे उपदेस सिखिरे थे।

इफिसियो 4:7

पर मसीहे आस्सा सभी जो अनुग्रह रे नापा रे मताबक तेसरे कामा जो करणे रे कठे खास बरदान दितिरे।

कुलुस्सियो 1:4

क्यूंकि आस्से सुणिरा कि, तुस्से मसीह यीसू पर विस्वासा करहे, होर तुस्से सभ परमेसरा रे पवित्र लोका किन्हें प्यार करहे।

कुलुस्सियो 1:6

ये खुसी री खबर जिहां तुस्सा रे बीचा मन्झ सुणाई गई, तिहां ही संसारा रे कई देसा मन्झ सुणाई जाई करहा ई, होर बौह्त लोक तुस्सा साहीं मसीह पर विस्वास करेया करहा ऐं। होर पैहले ध्याड़े ले ही तुस्से तेस सच्ची खबरा जो पुरे तरीके किन्हें समझी गये कि, किहाँ परमेसरे बड़ा अनुग्रह करी किन्हे मसीह पर विस्वास करणे वाल़ेया रे पापा जो माफ करी देआ।

1 तिमिथियुस 1:11

ये सच्चा उपदेस आस्सा रे परमप्रधान परमेसरा री महिमा री खुसी री खबरा रे मताबक ई, जिन्हें मुंजो एता री प्रचार करणे री जिम्मेदारी दितिरी।

1 तिमिथियुस 1:4

होर लोका किन्हें बोल कि स्यों पुराणी मन घड़न्त काह्णियां, होर तिन्हारे बापदादेया री नांऊँआ री लम्बी सूची रे बारे री गल्ला पर आपणा टैम बर्बाद नी करहे। इन्हा गल्ला ले सिर्फ बैहस हुंहाँ ईं; होर बैहस करणे ले आस्सा री जिन्दगी मन्झ परमेसरा री योजना पूरी नी हुन्दी, होर एह्ड़ी योजना सिर्फ तेस पर विस्वासा करणे वाले रे ज्रीए ही पूरी हुईं।

1 तिमिथियुस 2:7

एस वजहा ले परमेसरे मुंजो खुसी री खबरा रा प्रचारक होर चुणिरा चेला नियुक्त कितिरा। तिन्हें हांऊँ चुणिरा कि हांऊँ अन्यजाति लोका जो विस्वास होर सच्चाई रे बारे मन्झ सखाई सकूं। हांऊँ सच्च बोल्हा, झूठ नी बोलदा।

2 तिमिथियुस 1:11

एस वजहा ले परमेसरे मुंजो खुसी री खबरा रा प्रचारक होर चुणिरा चेला नियुक्त कितिरा। ताकि हांऊँ अन्यजाति लोका जो सखाई सकूं।