इफिसियो 2:3 - मंडयाली नंऊँआं नियम

³ आस्से भी तिन्हा साहीं जिन्दगी जीये थे, आस्से भी आपणे पापा रे स्वभावा री इच्छा पूरी किती। आस्से से सब कुछ कितेया, जो आस्सा री सरीरा री बुरी इच्छा होर मना रे बिचार बोलणे जो करहे थे। सभ लोका साहीं आस्से भी स्वभावा ले बुरे थे, होर परमेसरा री सजा रे हकदार थे।

इफिसियो 2:3 Iomraidhean Croise

मरकुस 4:19

होर संसारा री चिन्ता, पैसे रा धोखा, होर चीजा रा लालचा तिन्हा मन्झ स्माई किन्हें बचना जो बढ़ने ले रोकी देहां, होर स्यों परमेसरा री इच्छा पर नी चली पांदे।

यहून्ना 1:13

स्यों ना ता आपणे माऊ-बापू ले, ना सरीरा री इच्छा ले, ना लोका रे बच्चे जम्मणे री इच्छा ले, पर परमेसरा री इच्छा ले जम्मे।

यहून्ना 8:44

तुस्से आपणे बापू सैताना ले ऐं, होर आपणे बापू री इच्छा पूरी करणा चाहें। से ता सूरहू ले ई खूनी आ, होर सच्चाई पर खड़ा नी रैंहयां, क्यूंकि सच्चाई ता तेस अंदर हाई नी। जेबे से झूठ बोल्हा, ता से आपणी आदता री वजहा ले बोल्हा, क्यूंकि से झूठा आ, बल्कि झूठा रा बापू आ।

चुणिरे चेले रे काम 14:16

तिन्हें पिछले टैमा मन्झ सभ जातिया जो आपणे-आपणे पैंडे मन्झ चलने दितेया।

रोमियो 1:24

एस वजहा ले परमेसरे स्यों तिन्हारी मना री इच्छा रे मताबक आपणे सरीरा जो गलत कामा रे कठे छाडी दितेया, ताकि स्यों आपु मन्झ बुरे कामा जो करदे हुए आपणे सरीरा रा अनादर करहे।

रोमियो 11:30

क्यूंकि जिहां तुस्से अन्यजाति रे लोके पैहले परमेसरा रा हुक्म नी मन्या, पर ऐबे परमेसरे तुस्सा पर दया कितिरी, क्यूंकि ऐबे इस्राएली लोके परमेसरा रे हुक्म नी मन्नदे।

रोमियो 13:14

बल्की प्रभु यीसू मसीह रूपी हथियार जो पैन्ही लऊआ, ता तुस्सा पाप रे स्वभावा री इच्छा जो पूरी करणे री कोसिस नी करणी।

रोमियो 2:14

फेरी जेबे गैर-यहूदी लोका जिन्हा वाले मूसा री व्यवस्था नी हाई, पर स्यों व्यवस्था री कुछ गल्ला जो कुदरती तरीके ले मनी ले, ता चाहे तिन्हा वाले व्यवस्था नी हाई तेबे भी स्यों एस गल्ला जो जाहिर करहे कि तिन्हारे मना मन्झ एक व्यवस्था बसीरी।

रोमियो 5:10

क्यूंकि जेबे आस्से परमेसरा रे बरखलाप थे ता तेसरे मह्ठे री मौता रे ज्रीए आस्सा रा मेल मिलाप परमेसरा साउगी कुराया गया। जेबे कि मसीह ऐबे जिउंदा ये पक्की गल कि तेस आस्सा रा उद्धार करणा।

रोमियो 5:9

क्यूंकि मसीहे रे खून बहाई किन्हें आस्सा रे पाप रे कठे मरणे रे ज्रीए परमेसरे आस्से आपणी नजरा मन्झ धर्मी माह्णुं बणाए, इधी कठे मसीहा आस्से परमेसरा रे गुस्से ले पक्का बचाणे।

रोमियो 6:12

इधी कठे पापा री इच्छा जो आपणे सरीरा पर राज नी करणे देआ, एह्ड़ा नी हो कि तुस्से इन्हा पापा री इच्छा रे अधीन जीओ।

रोमियो 7:18

क्यूंकि हांऊँ जाणहां कि, जो पापा रा स्वभाव मेरे मन्झ आ से कोई खरी चीज नी करदी, भले काम करणे री इच्छा ता मेरे मन्झ हाई, पर खरे काम मेरे ले बणदे।

रोमियो 9:22

एह्ड़ा ही परमेसरे आस्सा साउगी भी कितिरा। से आपणा गुस्सा दसणे चांहां था होर आपणी सामर्थ जाहिर करणा चांहां था। से तिन्हा जो बड़े धीरज रखी किन्हें सैहां था, जिन्हा पर तेसरा गुस्सा जाहिर हूंणे वाल़ा था, होर जो विनास हूंणे रे लायक थे।

1 कुरिन्थियो 4:7

कुण बोल्हा कि तू केसी दूजे ले खरा आ? होर जो सभ कुछ तेरे वाले आ से परमेसरे तुजो दितिरा। होर जेबे परमेसरे ही तुजो सभ कुछ दितिरा, ता तुजो कोई हक नी आ तू केसी भी गल्ला मन्झ बडयाई करहे।

2 कुरिन्थियो 7:1

हे लाडले भाईयो होर बैहणो जेबे कि परमेसरे आस्सा किन्हें ये वादा कितिरा कि आस्से तेसरे लोक हूंणे। ता आऊआ, आस्से आपणे सरीर होर आत्मा री सब गंदगी जो दूर करहे; होर परमेसरा रा सम्मान करदे हुए पूरी तरहा पवित्र जिन्दगी जीणे री भी कोसिस करदे रहुआ।

गलातियो 3:22

पर पवित्र सास्त्र दसा कि आस्से सभ पापी ऐं, ताकि मसीह यीसू पर विस्वास करणे वाले जो परमेसरे जो देणे रा वादा कितिरा से देई दे।

इफिसियो 2:2

तेस टैम तुस्से एस संसारा रे लोका साहीं जिन्दगी जीये थे। होर तुस्से सैताना जो मन्हें थे, जो दुस्ट आत्मा रा अधिकारी हुई किन्हें आसमाना मन्झ राज करहा, जो ऐबे भी परमेसरा रे हुक्मा जो नी मनणे वाले लोका जो काबू मन्झ रखणे री कोसिस करहा।

इफिसियो 4:22

तुस्सा रे स्खाणे वाले तुस्सा जो पुराणे जिन्दगी जीणे रे तरीके जो छाडणे रे कठे सखाईरा था, जेथी तुस्सा री बुरी इच्छे तुस्सा जो धोखा देई किन्हें तुस्सा री जिन्दगीया जो भ्रष्ट करी दितिरा था।

कुलुस्सियो 1:21

एक टैम था जेबे तुस्से बुरे कामा री वजहा ले परमेसरा ले लग थे होर तुस्सा रे मना मन्झ बैर था।

1 थिस्सलुनकियो 4:13

हे भाईयो होर बैहणो, आस्से चाहें कि, तुस्से जाणी लो कि तिन्हा मरिरे विस्वासी लोका साउगी क्या हूंणा। एह्ड़ा नी हो कि, तुस्से अविस्वासी लोका साहीं दुःखी हो, जिन्हों ये आसा नी हुन्दी कि परमेसर तिन्हारे मरणे रे बाद तिन्हो जिउंदा करी सक्हा।

1 थिस्सलुनकियो 5:6

इधी कठे आस्से अविस्वासी साहीं सौंदे नी रही जाए, पर प्रभु यीसू रे दबारा वापस आऊणें रे ध्याड़े रे कठे त्यार होर चतन्न रैहया।

1 तिमिथियुस 6:9

पर जो माह्णुं अमीर बणना चाहें, स्यों असानी किन्हें हर प्रकारा रे पाप करणे री परखणी मन्झ पई जाहें, होर एक जानवरा साहीं फसी जाहें। स्यों नर्क्कले होर खतरनाक कामा जो करणा चाहें, जो पूरी तरहा ले तिन्हारा विनास करी देईं।

तितुस 3:3

क्यूंकि आस्से भी मसीह बणने ले पैहले नर्क्कले थे होर आस्से परमेसरा रा हुक्म नी मनदे थे, होर लोक आस्सो धोखा दे थे। आस्से आपणे आपा जो तिन्हा सब बुरे काम करणे ले नी रोकी सकदे थे, जिन्हों आस्से करणा चाहें थे होर जेस जो करी किन्हें आस्से बड़े खुस हुयें थे। आस्से आपणी जिन्दगी बैर-भाव करणे मन्झ होर दूजे लोका किन्हें हिर्खा रखणे मन्झ बिताहें थे, आस्से एह्ड़े लोक थे जिन्हा किन्हें लोक नफरत करहे थे, होर आस्से भी एक दूजे किन्हें नफरत रख्हा ऐं थे।

1 पतरस 1:14

होर हुक्म मनणे वाले बच्चे साहीं परमेसरा रा हुक्म मन्हा। बुरे काम नी करहा, जेस जो करणे री इच्छा तुस्से पैहले रखे थे जेबे परमेसरा री सच्चाई जो नी जाणदे थे।

2 पतरस 2:14

जेस्सा भी जन्नानी स्यों देखे सभी किन्हें व्यभिचारा करणा चाहे, होर स्यों पाप किते बगैर नी रुकी सकदे। होर जो मसीह पर पूरा भरोसा नी रखदे एह्ड़े लोका जो स्यों धोखा देई किन्हें तिन्हा ले पाप कुराहें। होर कधी नी मरणे वाले लालच री वजहा ले परमेसरा तिन्हो सजा देणी।

2 पतरस 2:18

जेबे स्यों लोको स्खायें, स्यों बेकार होर बडयाई री गल्ला जो बोल्हे। स्यों बोल्हे कि स्यों आपणी सरीरा री इच्छा रे मताबक बेज्जत करणे वाली सारी गल्ला जो करही सक्हा ऐं। होर जिन्हें लोके ऐबे-ऐबे बुरे काम करणा छाडी किन्हें विस्वासी बणिरे, स्यों तिन्हा जो धोखा देई किन्हें वापस पाप करणे रे कठे हिम्मत दे।

1 यहून्ना 2:16

क्यूंकि जो कुछ संसारा मन्झ आ, सरीरा ई इच्छा, होर हाखिया चाहत होर कमाई रा बडयाई, से बापू परमेसरा री तरफा ले नी आ, पर संसारा री वखा ले ही आ।

1 यहून्ना 2:8

फेरी हांऊँ तुस्सा जो नंऊँआं हुक्म लिख्हा; होर जेसरी सच्चाई मन्झ यीसू भी चलेया होर तुस्से भी एस सच्चाई मन्झ चलाए; क्यूंकि न्हयारा मिट्दा लगीरा होर सच्चाई रा प्रयासा चमक्दा रैंहयां।