इफिसियो 2:2 - मंडयाली नंऊँआं नियम

² तेस टैम तुस्से एस संसारा रे लोका साहीं जिन्दगी जीये थे। होर तुस्से सैताना जो मन्हें थे, जो दुस्ट आत्मा रा अधिकारी हुई किन्हें आसमाना मन्झ राज करहा, जो ऐबे भी परमेसरा रे हुक्मा जो नी मनणे वाले लोका जो काबू मन्झ रखणे री कोसिस करहा।

इफिसियो 2:2 Iomraidhean Croise

मत्ती 11:19

पर हांऊँ माह्णुं रा मह्ठा भी आम लोका साहीं खांहां पींहां, होर तुस्से बोल्हा ऐं कि से ता खाऊ होर पियक्कड़ माह्णुंआं, होर चुंगी लैणे वाल़ा होर पापिया रा दोस्त! पर माह्णुं रे काम एस गल्ला रा फैसला करहे कि बुद्धिमान कुणहां।”

मत्ती 13:22

होर कुछ लोक तेस बेजे साहीं ऐं जेह्ड़े झाकड़ा मन्झ बाहिरे, यूं स्यों माह्णुं ऐं, जिन्हें परमेसरा रा बचन सुणेया, होर एस संसारा री चिन्ता, पैसे रे धोखा मन्झ फसी किन्हें बचना मन्झ बढ़ने ले रुकी गये, होर स्यों परमेसरा री इच्छा पर नी चली पांदे।

मत्ती 13:38

डोहरिया संसार रे लोक ई, खरा बेजा परमेसरा रे राज्या रे लोक ऐं। होर जंगली बेजा स्यों लोक ऐं जो दुस्ट सैताना रे।

मरकुस 4:19

होर संसारा री चिन्ता, पैसे रा धोखा, होर चीजा रा लालचा तिन्हा मन्झ स्माई किन्हें बचना जो बढ़ने ले रोकी देहां, होर स्यों परमेसरा री इच्छा पर नी चली पांदे।

लूका 16:8

“माल्के तेस बईमान भंडारी री बड़ाई किती कि, तिन्हें चतुराई किन्हें काम कितेया। क्यूंकि एस संसारा रे लोक आपणे टैमा रे लोका साउगी व्यवहारा करणे मन्झ, ज्योति रे लोका ले ज्यादा चतर ऐं।

लूका 22:31

“समौन, हे समौन, सुण, सैताने परमेसरा ले तुस्से लोक मांगी लईरे कि तुस्सा जो कणका साहीं भूहा ले लग करी सके।

यहून्ना 12:31

ऐबे परमेसरा संसारा रा न्याय करणा, होर एस संसारा रा मुखिया सैतान काढी देणा।

यहून्ना 13:2

यीसू होर तेसरे चेले राती बयाली खांदे बैठिरे थे। सैतान समौना रे मह्ठे यहूदा इस्करयोति रे मना मन्झ ये पाई चुकिरा था कि, से यीसू जो पकड़ाये।

यहून्ना 13:27

जिहां ही तिन्हें रोटी रा ग्रा खांदे ही यीसूए तेस किन्हें बोल्या, “जो तू करणे वाल़ा आ, झटपट कर।” होर तेस टैम ही से सैतान रे बसा मन्झ आई गया।

यहून्ना 14:30

ऐबे मेरे वाले ज्यादा टैम नी आ कि हांऊँ तुस्सा किन्हें होर गल्ला करु। क्यूंकि एस संसारा रा मुखिया सैतान आहूँआं, होर मेरे पर तेसरा कोई हक नी आ।

यहून्ना 15:19

अगर तुस्से एस संसारा रे लोका साहीं हुंदे, ता संसारे रे लोक तुस्सा किन्हें प्यार रखदा। क्यूंकि तुस्से संसारा रे नी ऐ, होर मैं तुस्से संसारा रे लोका मन्झा ले चुणी लईरे, इधी कठे संसारा रे लोक तुस्सा किन्हें नफरत करहा।

यहून्ना 16:11

होर पवित्र आत्मा तिन्हा जो न्याया रे बारे मन्झ भी दसणा, इधी कठे कि संसारा रा मुखिया सैतान रा भी न्याय हुई चुकिरा।”

यहून्ना 7:7

संसारा रे लोक तुस्सा किन्हें नफरत नी करी सक्दा। पर से मेरे किन्हें बैर करहा, क्यूंकि हांऊँ तिन्हो दसा कि स्यों बुरे काम करहा ऐं।

यहून्ना 8:23

यीसूए तिन्हा किन्हें बोल्या, “तुस्से धरती रे ऐं, पर हांऊँ स्वर्गा ले आईरा। तुस्से संसारा रे ऐं, हांऊँ संसारा नी आ।

यहून्ना 8:44

तुस्से आपणे बापू सैताना ले ऐं, होर आपणे बापू री इच्छा पूरी करणा चाहें। से ता सूरहू ले ई खूनी आ, होर सच्चाई पर खड़ा नी रैंहयां, क्यूंकि सच्चाई ता तेस अंदर हाई नी। जेबे से झूठ बोल्हा, ता से आपणी आदता री वजहा ले बोल्हा, क्यूंकि से झूठा आ, बल्कि झूठा रा बापू आ।

चुणिरे चेले रे काम 19:35

तेबे सैहरा रे मंत्री लोका जो सांत करी किन्हें बोल्या, “हे इफिसियो सैहरा रे लोको, ये सब जाणहां ऐं कि, इफिसुस सैहरा रे लोक म्हान अरतिमिसा माता रे मन्दर रे पैहरेदार आ, जेसरी पवित्र मूर्ति आसमान ले पईरी थी।

चुणिरे चेले रे काम 5:3

पर पतरसे बोल्या, “हे हनन्याह! सैताने तेरे मना मन्झ ये गल किधियो पाई कि तू पवित्र आत्मा किन्हें झूठ बोले, होर जमीना री कीमता मन्झा ले कुछ रखी लितेया?

रोमियो 12:2

होर एस संसारा रे लोका साहीं नी बणा; पर परमेसर तुस्सा री सोचा जो बदली दे, जेस ले तुस्सा री जिन्दगी भी बधली जाए। तेबे तुस्से, तुस्सा रे कठे परमेसरा री जो खरी, होर खुस करणे वाली, होर सिद्ध इच्छा जो आपणे अनुभवा ले जाणी लेणा।

1 कुरिन्थियो 5:10

मेरा ये बिल्कुल मतलब नी था कि तुस्से एस दुनिया रे व्यभिचारिया, लालची, ठगणे वाले या मूर्ति पूजणे वाले किन्हें कोई रिस्ता नी रखा; अगर तुस्सा जो एह्ड़ा करणा ता तुस्सा जो एस संसारा जो छाडणा पऊणा।

1 कुरिन्थियो 6:11

होर तुस्सा मन्झा ले कुछ लोक पैहले एह्ड़े ई थे, पर प्रभु यीसू मसीह रे नांऊँआं ले होर परमेसरा री दितिरी आत्मा ले तुस्सा रे पाप धोई दितिरे, ताकि तुस्से पवित्र होर परमेसरा री नजरा मन्झ धर्मी बणी सको।

2 कुरिन्थियो 4:4

होर तिन्हा अविस्वासी लोका रे कठे, जिन्हारी बुद्धि ऐस संसारा रे इस्वर सैताने काणी करी दितीरी, ताकि स्यों मसीह री खुसी री खबरा जो होर तेसरी महिमा जो नी समझी सके। होर मसीह ही परमेसरा रा स्वरूप आ।

गलातियो 1:4

आस्सा रे परमेसर होर बापू री इच्छा रे मताबक, मसीह यीसूए आस्सा रे पापा रे कठे आपणे आपा जो बलिदान करी दितेया, ताकि से आस्सा जो संसारा मन्झ ऐबे बुरे काम करणे वाली सामर्था ले बचाई सके।

इफिसियो 1:21

होर तेथी मसीह सब हक, होर हक, होर सामर्थ, होर प्रभुता रे गास राज करहा। एस लोका मन्झ, होर आऊणें वाले लोका मन्झ, तेसरा नांऊँ सभी ले गास आ।

इफिसियो 2:11

इधी कठे याद करा कि, तुस्से जन्मा ले ही गैर-यहूदी ऐं, होर यहूदी लोका तुस्सा रा मजाक ड़ुआयें कि, तुस्से खतना नी कुरांदे, होर स्यों खतना कुराहें, पर तिन्हें लोके ये खतना सिर्फ सरीरा रा कितिरा, पर दिला रा नी।

इफिसियो 2:13

एक टैम था जेबे तुस्से परमेसरा ले दूर थे, पर ऐबे तुस्से यीसू मसीह साउगी एक हूंणे री वजहा ले, मसीह रे बहाईरे खूना रे ज्रीए परमेसर तुस्सा जो आपणे वाले लेई किन्हें आईरा।

इफिसियो 2:3

आस्से भी तिन्हा साहीं जिन्दगी जीये थे, आस्से भी आपणे पापा रे स्वभावा री इच्छा पूरी किती। आस्से से सब कुछ कितेया, जो आस्सा री सरीरा री बुरी इच्छा होर मना रे बिचार बोलणे जो करहे थे। सभ लोका साहीं आस्से भी स्वभावा ले बुरे थे, होर परमेसरा री सजा रे हकदार थे।

इफिसियो 4:17

इधी कठे जो हक मुंजो प्रभुए दितिरा, तेस हका किन्हें हांऊँ बोल्हा कि, परमेसरा पर विस्वास नी करणे वाले लोका साहीं आपणी जिन्दगी मत जीया, जिन्हारी सोच बेकार ई।

इफिसियो 4:22

तुस्सा रे स्खाणे वाले तुस्सा जो पुराणे जिन्दगी जीणे रे तरीके जो छाडणे रे कठे सखाईरा था, जेथी तुस्सा री बुरी इच्छे तुस्सा जो धोखा देई किन्हें तुस्सा री जिन्दगीया जो भ्रष्ट करी दितिरा था।

इफिसियो 5:6

कोई तुस्सा जो धोखा देई किन्हें तुस्सा जो भी आपणे साहीं बुरे काम नी कुराये, क्यूंकि इन्हा गल्ला री वजहा ले हुक्म नी मनणे वाले पर परमेसरा रा गुस्सा भड़क्हा।

इफिसियो 5:8

क्यूंकि तुस्से ता पैहले नहयारे मन्झ थे पर ऐबे जेब्की तुस्से प्रभु साउगी एक बणी गईरे, ता तुस्से ज्योति मन्झ ऐं, होर इधी कठे प्रयासे मन्झ जीणे वाले साहीं आपणी जिन्दगी जीया।

कुलुस्सियो 1:21

एक टैम था जेबे तुस्से बुरे कामा री वजहा ले परमेसरा ले लग थे होर तुस्सा रे मना मन्झ बैर था।

2 तिमिथियुस 4:10

देमास भाई एस संसारा री चीजा किन्हें बौह्त प्यार रखा, इधी कठे तिन्हें हांऊँ छाडी दितेया, होर थिस्सलुनिके सैहरा जो चली गया। होर क्रेसक्रेंस भाई गलातिया ईलाके जो चली गया, होर तितुस भाई दलमातिया ईलाके जो चली गया।

याकूब 1:27

आस्सा रे बापू परमेसरा रे साम्हणें सच्ची होर सुद्ध भक्ति येई कि, अनाथा होर विधवा रे दुःखा मन्झ तिन्हारा ख्याल रखे, होर संसारा मन्झ हूंणे वाले बुरे कामा ले आपणे आपा जो दूर रखा।

याकूब 1:7

एह्ड़ा बैह्मी आदमी ये नी समझे कि, तेस जो प्रभु ले कुछ मिलणा,

याकूब 4:4

हे व्यभिचारीया साहीं धोखा देणे वाले लोको, क्या तुस्से नी जाणदी कि, संसारा री चीज़ा किन्हें दोस्ती करणी परमेसरा किन्हें दुस्मणी रखणा आ? इधी कठे जो कोई संसारा किन्हें दोस्ती रखणा चाहां, से आपणे आपा जो परमेसरा रा दुस्मण बणाहां।

1 पतरस 1:14

होर हुक्म मनणे वाले बच्चे साहीं परमेसरा रा हुक्म मन्हा। बुरे काम नी करहा, जेस जो करणे री इच्छा तुस्से पैहले रखे थे जेबे परमेसरा री सच्चाई जो नी जाणदे थे।

1 पतरस 4:3

क्यूंकि परमेसरा पर विस्वास नी करणे वाले जिन्हा गल्ला ले खुस हुए, तिन्हा गल्ला जो करणे मन्झ तुस्से पैहले ई टैम गुआई दितेया, होर ऐबे भतेरा हुआ। होर स्यों गल्ला येई कि-लुचपन करणे री बुरी इच्छा, पी किन्हें मुताली जाणा, रंगरलिया, दारू-बाजी, होर घृणित मूर्ति री पूजा करणा।

2 पतरस 2:14

जेस्सा भी जन्नानी स्यों देखे सभी किन्हें व्यभिचारा करणा चाहे, होर स्यों पाप किते बगैर नी रुकी सकदे। होर जो मसीह पर पूरा भरोसा नी रखदे एह्ड़े लोका जो स्यों धोखा देई किन्हें तिन्हा ले पाप कुराहें। होर कधी नी मरणे वाले लालच री वजहा ले परमेसरा तिन्हो सजा देणी।

1 यहून्ना 3:10

परमेसरा रे बच्चे होर सैताने रे बच्चे जो तुस्से इंहां जाणी सक्हा ऐं; हरेक आदमी जो भले काम नी करदा होर आपणे भाई होर बैहण किन्हें प्यार नी रखदा, से परमेसरा रा नी आ।

1 यहून्ना 3:8

जो कोई बार-बार पाप करहा, से सैताना रा आ, क्यूंकि सैतान संसारा रे रचणे रे पैहले ले ही पाप करदा आईरा; परमेसरा रा मह्ठा इधी कठे आया ताकि से सैताने रे कामा रा नास करहे।

1 यहून्ना 4:4

हे लाडले बच्चेयो, तुस्से परमेसरा रे ऐं; इधी कठे तुस्से तिन्हा झूठे नबिया पर जीत पाई लईरी, क्यूंकि जो पवित्र आत्मा तुस्सा मन्झ आ, से तेस सैताना ले बडा आ जो एस संसारा मन्झ आ।

1 यहून्ना 5:19

आस्से जाणहां ऐं कि, आस्से परमेसरा रे ऐं, होर सारा संसार तेस दुस्ट सैताना रे कब्जे मन्झ आ।

1 यहून्ना 5:4

क्यूंकि जो कोई परमेसरा रा बच्चा आ, से संसारा पर जीत हासल करहा। होर जो जीत संसारा जो हराई देई, से आस्सा रा विस्वास ही आ।

प्रकासना री गल्ला 12:9

होर स्यों धरती पर डयाई दिते। होर से बडा अजगर, सेई पुराणा सांप, जेस जो जे सैतान बोल्हा ऐं। सेई आ जो सारे संसारा रे लोका जो भड़काहां।

प्रकासना री गल्ला 13:14

होर पैहले राक्सा जो दूजे राक्सा रे साम्हणें ये सारे चिन्हा दसणे रा हक दितिरा था। होर इन्हा चिन्हा रे ज्रीए से धरती पर रैह्णे वाले सभ लोका जो भड़काई करहा था। तिन्हें आदेस दितिरा था कि स्यों पैहले राक्सा री मूर्ति बणाए, जेस जो तलवारा किन्हें चोट लगीरी थी पर ऐबे से ठीक हुई गईरा था।

प्रकासना री गल्ला 13:8

होर धरती रे सभ रैहणे वाले लोका तेसरी राक्सा री अराधना करणी, यानि स्यों सारे लोक जिन्हारे नांऊँ संसारा री सुर्हूआता ले लेई किन्हें छेलू री जिन्दगी री कताबा मन्झ नी लिखी गईरे। छेलू ई आ जो मारी दितिरा था।

प्रकासना री गल्ला 16:17

होर सातुवे स्वर्गदूते जाई किन्हें आपणे डोंगें मन्झ ले परमेसरा रे गुस्से जो बागर पर दली दितेया। होर स्वर्गा रे मन्दरा रे अंदर परमेसरा री राजगद्दी वाले ले मुंजो केसी रे बोलणे री अवाज आई कि, “सभ कुछ पूरा हुई गया।”

प्रकासना री गल्ला 20:2

होर तिन्हें तेस अजगरा जो, यानि पुराणे सांपा जो, जेसरा नाऊँ सैतान भी आ, पकड़ी लेया। होर से बान्ही किन्हें डुगहे गड्ढे मन्झ डयाई दितेया, होर दुराजा बंद करी दितेया होर तेस पर मोहर ल्गाई दिती, ताकि हज़ार साल पुरे हूंणे तक से जाति-जातिया रे लोका जो दबारा नी भड़काई सके। होर जेबे से टैम खत्म हुई जाणा, ता तेस जो थोह्ड़ी देरा रे कठे अजाद करी दितेया जाए।