इफिसियो 1:3 - मंडयाली नंऊँआं नियम

³ आस्सा रे प्रभु यीसू मसीह रा बापू, होर परमेसरा री बड़ाई हो। परमेसरे आस्सो स्वर्गा ले हर तरहा री आत्मिक आसीसा दितिरी, क्यूंकि आस्से मसीह साउगी एक ऐं।

इफिसियो 1:3 Iomraidhean Croise

लूका 2:28

तेबे तिन्हें से आपणी गोदा मन्झ चक्या होर परमेसरा रा धन्यावाद करी किन्हें बोल्या:

यहून्ना 14:20

तेस ध्याड़े जेस ध्याड़े मां मरिरे मन्झ ले जिउंदे हुई जाणा तुस्सा जाणना कि हांऊँ आपणे बापू मन्झ वास करहा, होर ये भी कि तुस्से मेरे मन्झ वास करहा, होर हांऊँ तुस्सा मन्झ वास करहा।

यहून्ना 17:21

जिहां बापू मेरे मन्झ वास करहा, होर हांऊँ तेरे मन्झ वास करहा, तिहां ईं स्यों भी आस्सा मन्झ वास करहे; ताकि संसार रे लोक विस्वास करहे कि, तुस्से ई हांऊँ भेजिरा।

यहून्ना 20:17

यीसूए तेस्सा किन्हें बोल्या, “मेरे पैरा किन्हें लिपटी किन्हें मुंजो मत रोक, क्यूंकि हांऊँ हल्ली बापू वाले नी गईरा। पर पैहले मेरे भाईया वाले जाई किन्हें तिन्हा जो बोली दे कि, ‘हांऊँ आपणे बापू होर परमेसर होर जो तुस्सा रा भी बापू होर परमेसरा वाले जाया करहा।’”

रोमियो 12:5

तिहां ईं आस्से जो मसीह मन्झ विस्वासी ऐं, आस्से सब मसीह रे सरीरा रे अंग ऐं, होर आस्से सभ एक दूजे किन्हें जुड़ीरे भी ऐं।

रोमियो 15:6

ताकि तुस्से सभ मिली किन्हें आस्सा रे परमेसर, प्रभु यीसू मसीह रे बापू री बड़ाई करा।

1 कुरिन्थियो 1:30

पर परमेसरे तुस्सा जो मसीह यीसू साउगी एक कितिरा होर मसीह रे ज्रीए से आस्सो आपणा ज्ञान देआ। होर परमेसर आस्सा जो आपणी नजरा मन्झ धर्मी भी बणा। मसीह रे ज्रीए आस्से पवित्र कितिरे होर से आस्सो आस्सा रे पापा ले अजाद करहा।

1 कुरिन्थियो 12:12

क्यूंकि जिहां माह्णुं रे सरीर रे बौह्त सारे अंग हुयें, होर बौह्त सारे अंग मिली किन्हें एक पूरा सरीर बणा, तिहां ही मसीह भी आ होर स्यों लोक भी, जो तेस पर विस्वास करहे।

2 कुरिन्थियो 1:3

आस्सा रे प्रभु यीसू मसीह रा बापू, होर परमेसरा री बड़ाई हो, जो आस्सा पर दया करणे वाल़ा बापू, होर जो हमेसा आस्सो तस्सली देणे वाल़ा परमेसर आ।

2 कुरिन्थियो 11:31

परमेसर, जो यीसू मसीह रा बापू, जो हमेसा बड़ाई रे लायक आ, से जाणहां कि, हांऊँ झूठ नी बोल्दा।

2 कुरिन्थियो 5:17

इधी कठे अगर कोई मसीह पर विस्वास करहा, ता से नौंईं सृस्टी ई। पुराणी गल्ला बीती गई; होर स्यों सभ गल्ला नौंईं हुई गईरी।

2 कुरिन्थियो 5:21

मसीह जो पापा ले अनजाण था, तेस जो ही परमेसरे आस्सा रे कठे पापी बणाया, ताकि आस्से परमेसरा री नजरा मन्झ धर्मी माह्णुं बणी जाये, क्यूंकि मसीहे आस्सा रे पापा री सजा जो आपणे गास लेई लितिरा।

गलातियो 3:9

इधी कठे जो लोक परमेसरा पर विस्वास करहा ऐं, परमेसर तिन्हो भी अब्राहमा साहीं आसीस देआ।

इफिसियो 1:10

परमेसरा री ये योजना थी कि ठीक टैम आऊणें पर स्वर्गा होर धरती मन्झ जो भी कुछ आ, से सब कुछ मसीह रे हका मन्झ करी दे।

इफिसियो 1:17

हांऊँ प्रार्थना करहा कि परमेसर, आस्सा रे प्रभु यीसू मसीह रा महिमामय बापू, तुस्सा पर जो आत्मिक ज्ञान होर समझ दे, ताकि तुस्से पूरी तरहा ये जाणी लो परमेसर कुणहां।

इफिसियो 1:20

जेसरे ज्रीए परमेसरे मसीह जो मरिरे मन्झा ले भी जिउंदा कितेया, होर स्वर्गा मन्झ आपणी सीधी जगहा वखा जो यानि इज्जत देणे वाली जगहा मन्झ बठाया।

इफिसियो 2:6

मसीह यीसू साउगी एक हूंणे री वजहा ले परमेसरे आस्से मरिरे मन्झ ले जिउंदे किते, होर स्वर्गीय स्थाना मन्झ तेस साउगी बैठाया।

इफिसियो 3:10

परमेसरा रा मकसद ये था कि ऐबे कलीसिया रे ज्रीए, तेसरे ज्ञाना जो जेसरी कोई सीमा नी, सारी आत्मा पर जाहिर करी दे, जो कधी नी देखिरी जगहा मन्झ हक रखी होर राज करही।

फिलिप्पियो 2:11

होर बापू परमेसर री महिमा रे कठे हर एक माह्णुं मनी ले कि यीसू मसीह ई प्रभु आ।

इब्रानियो 8:5

जो काम ये याजक लोक करहे स्यों स्वर्गा री चीजा रे प्रतिरूप होर परछाई ऐं, पर हुबहू तेहड़ा नी जेहड़ा स्वर्गा मन्झ आ। क्यूंकि जेबे मूसा तम्बू बणान्दे जांदा लगिरा था, तेस ई टैम परमेसरे तेजो चेतावनी दिति कि, “तू हर चीज ठीक तिहां ई बणाया जो तुजो प्हाड़ा पर दस्सीरा था।”

इब्रानियो 9:23

इधी कठे जरूरी आ कि, तम्बू होर तेसरी सारी चीजा जो स्वर्गा री चीजा रा प्रतीक ई, जानवरा रे खूना ले सुद्ध किती जाऐ। पर स्वर्गा री असली चीजा जो सुद्ध करणे रे कठे ता जानवरा रे खूना ले भी खरे बलिदाना री जरूरत थी।

1 पतरस 1:3

आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।