2 तिमिथियुस 4:7 - मंडयाली नंऊँआं नियम

⁷ एक खरे स्पाही साहीं जो लड़ाई रे टैम कधी हिम्मत नी हारदा, मैं मसीह रे कामा जो पूरा करणे रे कठे बौह्त मेहनत कितिरी, होर मसीह पर मेरा विस्वास कधी नी बदली रा।

2 तिमिथियुस 4:7 Iomraidhean Croise

लूका 11:28

पर तिन्हें जबाब दितेया, “हां; पर धन्य ऐं स्यों, जो परमेसरा रा बचन सुणहां ऐं होर मन्हां ऐं।”

लूका 8:15

पर बढ़िया जमीना पर पऊणे वाल़ा बेजा तिन्हा लोका साहीं आ, जो भले होर खरे मना ले परमेसरा रे बचना जो सुणे होर सबर रखी किन्हें परमेसरा री इच्छा जो पूरी करहे।”

यहून्ना 17:6

“मैं तुजो तिन्हा माह्णुंआं पर जाहिर कितेया जो तैं संसारा मन्झा ले मुंजो दिते। स्यों तेरे थे होर तैं स्यों मुंजो दिते, होर तिन्हें तेरा बचन मनी लया।

यहून्ना 4:34

यीसूए तिन्हा किन्हें बोल्या, “मेरा खाणा ये आ कि, हांऊँ आपणे भेजणे वाले री इच्छा रे मताबक चलूं होर तेसरा काम पूरा करूं।

चुणिरे चेले रे काम 13:25

होर जो काम परमेसरे यहून्ना बपतिस्मा देणे वाल़े जो दितिरा था से काम यहून्ना पूरा करणे वाल़ा ही था, ता तिन्हें बोल्या, ‘क्या तुस्से मुंजो परमेसरा रा भेजिरा मसीह समझ्या करहा ऐं? हांऊँ से मसीहा नी आ! पर मसीह मेरे बाद आऊणें वाल़ा आ, होर हांऊँ एस लायक भी नी हाया कि हांऊँ तेसरे बूटा रे तस्मे खोल्ही सकूं।’”

चुणिरे चेले रे काम 20:24

पर मेरे कठे, मेरे जाना री कोई कीमत नी ई; मैं ता बस तेस दौड़ा जो होर सेऊआ जो पूरी करणा चाहां; जो मैं परमेसरा री अनुग्रह रे खुसी री खबरा पर गुआही देणे रे कठे प्रभु यीसू ले पाईरी थी।”

गलातियो 2:2

होर हांऊँ तेथी इधी कठे गया, क्यूंकि परमेसरे मुंजो दसिरा था कि हांऊँ तेथी जांऊँ। होर जेबे हांऊँ तेथी था ता सिर्फ जाणे-माने अगुवे किन्हें कल्हे मन्झ मिलेया, होर तेस खुसी री खबरा रे बारे मन्झ स्यों समझाए, जेसरे बारे मन्झ हांऊँ अन्यजाति लोका रे बीचा मन्झ प्रचार करदा आईरा। हांऊँ तिन्हा वाले इधी कठे गया ताकि जो काम मैं पिछले टैमा मन्झ कितिरा था, या जो ऐबे करेया करहा, से बेकार नी हुई जाए।

फिलिप्पियो 1:30

तुस्से मुंजो फिल्लिपी सैहरा मन्झ भी कस्ट सहन करदे हुए देखीरा होर ऐबे भी मेरे दुखा रे बारे मन्झ सुणे जो मुंजो जेल्हा मन्झ हुआ। ऐबे तुस्सा जो भी मेरे साहीं कस्ट सहन करणा पऊणा।

1 तिमिथियुस 1:18

मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

1 तिमिथियुस 6:12

एक खरे स्पाही साहीं जो लड़ाई रे टैम कधी हिम्मत नी हारदा, आपणे विस्वासा रे कठे खरी लड़ाई कर, होर अनंत जिन्दगी जो पकड़ी ले, जेसरे कठे तू सादी गईरा था, होर बौह्त लोका रे साम्हणें तैं गुआही दितीरी थी कि तू मसीह पर विस्वास करा।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 1:14

होर पवित्र आत्मा रे ज्रीए जो आस्सा मन्झ बस्सिरा, एस सच्चाई री रखवाली कर, जो तुजो सौंपीरी।

2 तिमिथियुस 3:10

पर तू तिमिथियुस खरे किन्हें जाणहां कि हांऊँ क्या सखा, हांऊँ किहाँ आपणी जिन्दगी जी आ, होर मेरी जिन्दगी रा मकसद क्या, होर हांऊँ क्या विस्वास करहा। तू जाणहां कि हांऊँ सभी लोका किन्हें सबर रखा होर सभी किन्हें प्यार करहा, होर दुखा रे टैमा मन्झ धीरज रखा।

प्रकासना री गल्ला 3:10

जेबे तुस्से दुखी थे ता तेता जो सबरा साउगी सहन करणे रे कठे तुस्से मेरी गल्ला जो मन्नेया, होर एस वजहा ले मां भी तू परीक्सा रे टैमा बचाई रखणा। ये परखणी रा टैम सभ संसारा रे लोका पर आऊंणा।

प्रकासना री गल्ला 3:8

हांऊँ जाणहां कि तू क्या काम करहा, होर तेरी सामर्थ थोह्ड़ी ई, पर तैं मेरी गल्ला मन्ही री, होर जो विस्वास तेरा मेरे पर आ, से विस्वास तैं नी छाडेया। इधी कठे मैं तेरे साम्हणें एक दुराजा खोल्ही किन्हें रखिरा, जेस जो कोई बंद नी करी सक्दा।

प्रकासना री गल्ला 6:11

तेबे तिन्हा मन्झा ले हर एकी जो चिटे कपड़े दिते, होर परमेसरे तिन्हा किन्हें बोल्या कि, “थोड़ी देरा तक न्हयाल्दे रेहा, क्यूंकि ऐबे भी तुस्सा रे संगी सेऊआदार होर संगी विस्वासी लोक ऐं जिन्हा जो भी तुस्सा साहीं मारी दिते जाणे। होर जेबे मारे जाणे वाले री गिणती पूरी हुंगी तेबे मां बदला लेणा।”