2 तिमिथियुस 4:5 - मंडयाली नंऊँआं नियम

⁵ हर हालात मन्झ आपणे आपा पर काबू रख चाहे कुछ भी हुई जाये, दुःख सहन कर, होर पूरी मेहनत करी किन्हें खुसी री खबर सभी लोका जो सुणा होर जो सेऊआ तुजो सौंपीरी तेता जो पूरी कर।

2 तिमिथियुस 4:5 Iomraidhean Croise

मत्ती 25:16

तेबे जेस जो पांज तोड़े मिलिरे थे, तिन्हें झटपट जाई किन्हें तिन्हा किन्हें लेण देण कितेया, होर पांज तोड़े होर कमाए।

मरकुस 13:34

तेसरा आऊंणा तेस माह्णुं साहीं हूंणां, जिहां एक माह्णुं परदेसा जांदे वक्त आपणा घर छाडी जाए। होर आपणे नौकरा जो हक दे, होर हर एकी जो तेसरा काम समझाई दे, होर चौकीदारा जो जागदे रैहणे रा हुक्म दे।

मरकुस 13:37

होर जो हांऊँ तुस्सा किन्हें बोल्हा, तेह्ड़ा ई सभी किन्हें बोल्हा: जागदे रैहया।”

लूका 12:37

धन्य ऐं स्यों सेऊआदार, जो माल्का रे आऊणें पर से तेजो न्हयाल्दे हुए होर त्यार पाहें, हांऊँ तुस्सा किन्हें सच्च बोल्हा कि, माल्का ही सेऊआदारा रे कपड़े पैहनी किन्हें तिन्हो खाणा खुआणे रे कठे बैठ्या होर आपु ही खाणा बांडा।

चुणिरे चेले रे काम 21:8

दूजे ध्याड़े आस्से तेथी ले चली किन्हें कैसरिया सैहरा मन्झ आये, होर फिलिप्पुस जो खुसी री खबरा रे प्रचारका जेहड़ा सात सेऊआदारा मन्झा ले एक था होर जेस जो यरुस्लेम सैहरा मन्झ विधवाओ री सेऊआ करणे रे कठे नियुक्त कितिरा था, आस्से तेसरे घरा जाई किन्हें रैहे।

रोमियो 15:19

पवित्र आत्मा रे दितिरे सामर्था ले हांऊँ चिन्ह होर नौखे काम करहा। होर इधी कठे यरुस्लेम सैहरा ले लई किन्हे इल्लुरिकुमा जिल्ले तक हांऊँ जेथी तक गया तेथी मै सारे लोका किन्हें मसीह रे बारे मन्झ खुसी री खबरा रा प्रचार कितेया।

इफिसियो 4:11

मसीहे ही ये बरदान कलीसिया रे लोका जो दितिरे; तिन्हें कुछ लोका जो चुणी लितिरा कि स्यों चुणिरे चेले बणे, होर कुछ लोका जो इधी कठे कि स्यों नबी बणे। तिन्हें कुछ लोका जो इधी कठे चुणिरा कि स्यों खुसी री खबरा रा प्रचार करहे, होर कुछ लोक कलीसिया री रखवाली करणे रे कठे, होर कुछ लोका जो स्खाणे रे कठे चुणिरा।

इफिसियो 4:12

परमेसरे ये बरदान इधी कठे दितिरे, ताकि परमेसरा रे लोक तेसरी सेऊआ करणे रे लायक बणे, होर कलीसिया री बढ़ौतरी रे कठे काम करी सके, जो मसीह रा सरीर आ।

कुलुस्सियो 1:25

परमेसरे हांऊँ नियुक्त कितेया कि हांऊँ तुस्सा जो परमेसरा रे बचना जो पूरी तरहा समझाऊँ, होर एस वजहा ले ही हांऊँ कलीसिया रा सेऊआदार बणेया।

कुलुस्सियो 4:17

फेरी अरखिप्पुसा किन्हें बोल्या कि, “जो सेऊआ प्रभु मन्झ तुजो दितिरी, पक्का करी ले कि तुस्से से सेऊआ पूरी करी लिती।”

1 थिस्सलुनकियो 5:6

इधी कठे आस्से अविस्वासी साहीं सौंदे नी रही जाए, पर प्रभु यीसू रे दबारा वापस आऊणें रे ध्याड़े रे कठे त्यार होर चतन्न रैहया।

1 तिमिथियुस 4:12

कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

1 तिमिथियुस 4:15

इन्हा गल्ला जो बड़े ध्याना किन्हें करदा रह, होर आपणे आपा जो पूरी तरहा इन्हा गल्ला पर लगाई रख, ताकि हर कोई ये देखी सके कि तुस्से आपणे विस्वासा मन्झ बढ़ी करहा ऐ थे।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

2 तिमिथियुस 2:10

इधी कठे हांऊँ परमेसरा रे चुणिरे लोका रे कठे सभ कुछ सैहन करहा, ताकि स्यों भी मसीह यीसू पर विस्वास करी किन्हें उद्धार पाए, होर अनंत महिमा पाए।

2 तिमिथियुस 2:3

तू एक मसीह यीसू रा खरा स्पाही आ, इधी कठे जिहां दूजे लोक दुःख सहन करही करहे, तिहां तू भी तिन्हा दुःखा जो सहन कर।

2 तिमिथियुस 4:17

पर प्रभु मेरा मददगार रैहया, होर तिन्हें मुंजो सामर्थ दिती; ताकि हांऊँ तेस कच्हरी मन्झ बैठीरे सभी लोका जो मसीह रे बारे मन्झ खुसी री खबरा रा प्रचार करी सकेया, होर सभ तेस गैर-यहूदी लोक तेसरे प्रचारा जो सुणी सके। होर एस तरहा तिन्हें हांऊँ मरणे ले बचाई लेया जिहां एक भूखे सेरा रे मुंहा ले बचाया।

इब्रानियो 13:17

आपणे अगुवे रा हुक्म मना, होर तिन्हारे अधीन रैहया, क्यूंकि ये तिन्हारी जिम्मेदारी कि स्यों तुस्सा री आत्मा री रखवाली करहे, होर एस कामा रे कठे तुस्सा रे खातर तिन्हो परमेसरा जो लेखा देणा पऊणा। स्यों एस कामा जो खुसी किन्हें करहे, ना कि दुःखी हुई किन्हें, क्यूंकि तिन्हारे एह्ड़ा करणे ले तुस्सा जो कोई फायदा नी आ।

1 पतरस 1:13

एस वजहा ले आपणा-आपणा मन त्यार करा, जिहां लोक आपणी कमर कस्सी किन्हें काम करणे रे कठे त्यार हुंहाँ ऐं। चतन्न रहूआ की तुस्से क्या सोच्हे होर एह्ड़ा करणे ले तुस्से आपणे जिन्दगी एस आसा किन्हें जीये कि जेस ध्याड़े प्रभु यीसू मसीहा स्वर्गा ले वापस आऊंणा, तेस ध्याड़े परमेसरा तुस्सा जो आपणे अनुग्रहा रे ज्रीए उद्धारा रा दान देणा।

प्रकासना री गल्ला 3:2

इधी कठे, “जागी जाऊआ, होर मेरे पर जो विस्वास हाल्ले भी तुस्सा रा बचिरा तेस विस्वासा जो खत्म हूंणे रे पैहले आपणे विस्वासा जो मजबूत करहा। क्यूंकि मैं तेरे केसी भी कामा जो आपणे परमेसरा री नजरा मन्झ पूरा नी पाया।