2 तिमिथियुस 4:4 - मंडयाली नंऊँआं नियम

⁴ तिन्हा सच्चाई नी सुणनीं, पर झूठी मन घड़ंत काह्णियां सुणनीं।

2 तिमिथियुस 4:4 Iomraidhean Croise

मत्ती 13:15

क्यूंकि इन्हा लोका रा मन सुस्त हुई गईरा, होर स्यों काना ले ऊँचा सुणहां ऐं, होर तिन्हें आपणी हाखिया बन्द करी लईरी; केथी एह्ड़ा नी हो कि स्यों हाखिया ले देखे, होर काना ले सुणे, होर मना ले समझे, होर फिरी जाए, होर हांऊँ तिन्हा जो ठीक करी देऊं।’

चुणिरे चेले रे काम 7:57

तेबे स्यों जोरा किन्हें चिंगे होर आपणे कान बंद करी दिते, होर एक मन हुई किन्हें तेस पर झपटे।

2 थिस्सलुनकियो 2:11

होर एस वजहा ले परमेसरे सच्चाई ले भटकाणे वाली एक सामर्थ तिन्हा वाले भेजी, ताकि स्यों तेस झूठा पर विस्वास करहे, जो से दुस्ट आदमी तिन्हो दसा।

1 तिमिथियुस 1:4

होर लोका किन्हें बोल कि स्यों पुराणी मन घड़न्त काह्णियां, होर तिन्हारे बापदादेया री नांऊँआ री लम्बी सूची रे बारे री गल्ला पर आपणा टैम बर्बाद नी करहे। इन्हा गल्ला ले सिर्फ बैहस हुंहाँ ईं; होर बैहस करणे ले आस्सा री जिन्दगी मन्झ परमेसरा री योजना पूरी नी हुन्दी, होर एह्ड़ी योजना सिर्फ तेस पर विस्वासा करणे वाले रे ज्रीए ही पूरी हुईं।

1 तिमिथियुस 4:7

मन घड़न्त होर नर्क्कली काह्णियां रे कठे आपणा टैम बर्बाद नी करा, जेता ले जे परमेसरा जो इज्जत नी मिल्दी; होर भक्ति री जिन्दगी जीणे रे कठे आपणे आपा जो लगातार कोसिस करदा रेह।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 1:15

तू जाणहां कि, आसिया रे ईलाके वाले कई विस्वासी लोके हांऊँ छाडी दितिरा, जिन्हा मन्झ फुगिलुस होर हिरमुगिनेस भाई ऐं।

तितुस 1:14

यहूदी लोका री काह्णियां पर होर तिन्हा माह्णुंआं रे हुक्मा पर मन नी ल्गाऊआ, जो सच्चाई ले भटकी जाहें।

इब्रानियो 13:25

परमेसर तुस्सा सभी जो जुग-जुग अनुग्रह देंदा रहे। आमीन।

2 पतरस 1:16

जेबे आस्से चुणिरे चेले तुस्सा जो प्रभु यीसू मसीह रे दबारा वापस आऊंणा होर तेसरी सामर्था रे बारे मन्झ दसेया था, ता आस्से चुतुराई किन्हें मन घड़न्त कहाणीया नी सुणाई री थी। बल्की आस्से आपणी हाखिया ले तेसरी महानता देखी थी।