2 तिमिथियुस 4:3 - मंडयाली नंऊँआं नियम

³ हांऊँ ये तुस्सा जो इधी कठे बोल्या करहा कि, एक टैम एह्ड़ा आऊंणा; कि लोका खरा उपदेस सुणना नी चाहणा, पर आपणी इच्छा जो पूरी करणे रे कठे एह्ड़े लोक तोपी किन्हें स्यों सुणना चाहें।

2 तिमिथियुस 4:3 Iomraidhean Croise

लूका 20:19

तेस टैम व्यवस्था स्खाणे वाल़े होर मुख्य याजके यीसू जो पकड़णा चाहेया, क्यूंकि स्यों समझी गये कि, यीसूए आस्सा रे बरखलाप ये उदाहरण बोल्या, पर स्यों लोका ले डरी गये।

लूका 6:26

होर तुस्से जेजो सभ लोक खरा बोले, तुस्सा जो बौह्त सजा मिलणी! क्यूंकि तिन्हारे बापदादे भी झूठे नबिया जो खरा बोल्हा ऐं थे।”

यहून्ना 8:45

पर हांऊँ जो सच्च बोल्हा, इधी कठे तुस्से मेरा विस्वास नी करदे।

चुणिरे चेले रे काम 17:21

इधी कठे कि कई एथेंस सैहरा रे लोको, होर जो परदेसी तेथी रैंहयां थे स्यों आपणा ज्यादातर टैम नौंईं-नौंईं गल्ला बोलणे होर सुणने मन्झ गुजार्हा ऐं थे।

1 कुरिन्थियो 2:1

हे भाईयो होर बैहणो, जेबे हांऊँ तुस्सा वाले आया होर मैं तुस्सा जो परमेसरा री खबरा रे बारे मन्झ दसेया, ता मैं बडी-बडी गल्ला नी बोली होर ना ही मैं आपणे आपा जो बडा ज्ञानवान दसेया।

1 कुरिन्थियो 2:4

मेरा सिखाणा होर मेरा प्रचार करणा माह्णुंआं रे ज्ञाना रे मताबक लुभाणे वाली गल्ला रे ज्रीए नी था, पर पवित्र आत्मे सामर्थी रूपा किन्हें जाहिर कितेया कि जो खबर मैं तुस्सा जो दसी से सच्च थी।

गलातियो 4:16

पर ऐबे एह्ड़ा लगा कि हांऊँ तुस्सा रा दुसमण बणी गईरा, क्यूंकि हांऊँ तुस्सा किन्हें सच्च जे बोल्या करहा।

1 तिमिथियुस 1:10

व्यभिचारीया, समलैंगिक, माह्णुंआं रा अपहरण करणे वाले, झूठ बोलणे वाले, झूठी कसम खाणे वाले, हर एक एह्ड़ा काम करहे, जो खरे उपदेसा रे बरखलाफ ऐे।

2 तिमिथियुस 1:13

जो सच्चे उपदेस तैं मेरे ले सुणीरे, तिन्हा जो आपणा उदाहरण बणाई किन्हें रख। विस्वास होर प्यारा किन्हें तू इन्हा उपदेसा जो पूरा कर क्यूंकि तू यीसू मसीह साउगी एक आ।

यहूदा 1:18

स्यों तुस्सा किन्हें बोल्हा ऐं थे कि, “आखरी ध्याड़े मन्झ आस्सा रे प्रभु यीसू मसीह रे वापस आऊणें ले पैहले एह्ड़े मखौलिये हूंणे, जिन्हा प्रभु रा होर तेसरे लोका रा मजाक डूआणा।” ये एह्ड़े लोक ऐे जो आपणी बुरी इच्छा रे मताबक आपणी जिन्दगी जीये।