2 तिमिथियुस 4:2 - मंडयाली नंऊँआं नियम

² कि तू परमेसरा रे बचना रा प्रचार कर; होर चाहे हालात खरे हो या नी, तू बचना रा प्रचार करणे रे कठे त्यार रेह। अगर लोके गलती कितिरी ता तू तिन्हों दसी दे, होर तिन्हा जो तिन्हारे पाप करणे रे कठे प्रुआच होर तिन्हों होंसला भी दे। ये सभ काम तू ध्याना किन्हें स्खान्दे हुए बड़े सबरा किन्हें करेया।

2 तिमिथियुस 4:2 Iomraidhean Croise

लूका 7:23

होर धन्य ऐं स्यों, जो मेरे पर विस्वास करणा नी छाडदे।”

लूका 7:4

स्यों यीसू वाले आई किन्हें तेस किन्हें बड़ी मिन्नत करदे लगे, “से एस लायक आ कि, तू तेसरे कठे ये करहे।

लूका 9:60

यीसूए तेस किन्हें बोल्या, “मरिरे या जो आपणे मुर्दे आपु दबाणे दे, पर तू जाई किन्हें परमेसरा रे राज्या रा प्रचार सुणा।”

चुणिरे चेले रे काम 13:5

होर सलमीसा मन्झ पुज्ही किन्हें, परमेसरा रा बचन यहूदी लोका री यहूदी सभा मन्झ सुणाया; होर यहून्ना जेस जो मरकुस भी बोल्हा ऐं से तिन्हारी सेऊआ करणे रे कठे तिन्हा साउगी था।

चुणिरे चेले रे काम 16:13

फेरी अरामा रे ध्याड़े आस्से सैहरा रे फाटका रे बाहर नदी रे बाढे ये समझी किन्हें गये कि, तेथी यहूदी लोका रा प्रार्थना करणे रे कठे कोई जगहा हूणीं; होर बैठी किन्हें तिन्हा ज्नानिया किन्हें जो कठी हुईरी थी, तिन्हा किन्हें गल्ला करदे लगे।

चुणिरे चेले रे काम 20:7

हफ्ते रे पैहले ध्याड़े जेबे आस्से प्रभु भोजा मन्झ सामिल हूणे रे कठे, कठे हुए, ता पौलुस जो दूजे ध्याड़े जाणे वाल़ा था, ता तिन्हें तिन्हा किन्हें गलबात किती होर आधी रातिया तक गल्ला करदा रैंहयां।

चुणिरे चेले रे काम 28:16

जेबे आस्से रोम सैहरा मन्झ पूजे, ता पौलुसा जो एकी स्पाही साउगी जो तेसरी देखभाल करहा था; कल्हे रैहणे रा हुक्म हुआ।

रोमियो 10:15

होर कोई तिन्हा वाले जाई किन्हें किधियो सुणाये, जेबे तक कि प्रभुऐ स्यों नी भेजिरे हो? होर इधी कठे पवित्र सास्त्रा मन्झ लिखिरा, “तिन्हा लोका रे पैर कितने बांके ऐं, जो खरी खबरा री खुसी री खबर ल्याए!”

रोमियो 12:12

खुस रैहया क्यूंकि तुस्सा वाले बौह्त बड़ी आस ई; दुःखा मन्झ सबर रखा; प्रार्थना मन्झ लगातार लगी रैहया।

गलातियो 6:6

जिन्हा लोका जो परमेसरा रा बचना सखाई जाहाँ, तेस जो आपणे स्खाणे वाले साउगी आपणा सभ कुछ (पैसा या खाणा) साझा करहे।

कुलुस्सियो 1:25

परमेसरे हांऊँ नियुक्त कितेया कि हांऊँ तुस्सा जो परमेसरा रे बचना जो पूरी तरहा समझाऊँ, होर एस वजहा ले ही हांऊँ कलीसिया रा सेऊआदार बणेया।

कुलुस्सियो 4:3

होर एता साउगी-साउगी आस्सा रे कठे भी प्रार्थना करदे रैंहयां कि, परमेसर आस्सा रे कठे बचन सुनाणे रा एह्ड़ा मौका दे कि, आस्से मसीह रे तेस भेदा रा ब्खान करी सके होर एस खबर जो सुनाणे री वजहा ले ऐबे भी हांऊँ जेल्हा मन्झ आ।

1 थिस्सलुनकियो 1:6

होर तुस्से बड़े दुःखा रे बीचा मन्झ भी पवित्र आत्मा रे ज्रीए मिलणे वाली खुसी साउगी खुसी री खबर ग्रैहण कितेया। होर तुस्से आस्सा रा होर आस्सा रे प्रभु यीसू मसीह साहीं जिन्दगी जींदे लगे।

1 थिस्सलुनकियो 5:14

होर हे भाईयो होर बैहणो, आस्से तुस्सा ले अर्ज करहा ऐं कि, जो काम करणे मन्झ आलस करहा, तिन्हा जो समझाऊआ, डरपोका जो हिम्मत देआ, जो विस्वासा मन्झ कमजोर ऐं तिन्हो संभाला, सभी किन्हें सैहनसीलता रखा।

1 थिस्सलुनकियो 5:20

तिन्हा भविस्यवाणिया जो बेकार मत समझा जो परमेसरे आपणे लोका रे कठे जाहिर कितिरी।

1 तिमिथियुस 4:13

जेबे तक हांऊँ नी आऊँ, तेबे तक पवित्र सास्त्रा जो विस्वासी लोका जो जोरा किन्हें पढ़ी किन्हें तिन्हो सुनाणे रे कठे टैम काढ, तिन्हो हिम्मत दे होर पवित्र सास्त्रा रे मतलबा जो समझाणे मन्झ लगी रैह।

1 तिमिथियुस 5:20

पाप करणे वाले जो सभी विस्वासी लोका रे साम्हणें प्रुआची दे, ताकि बाकि विस्वासी लोक भी डरे।

2 तिमिथियुस 2:21

एस तरीके किन्हें जो कोई विस्वासी आपणे आपा जो इन्हा बुरी गल्ला ले दूर रखा, ता से तेस कीमती भांडे साहीं हूंणा जो खास कामा रे कठे हुआ, जेसरा जिन्दगी पवित्र हुंगी; होर तेस आपणे माल्का रे काम आऊंणा, होर हर भले कामा रे कठे त्यार हूंणां।

2 तिमिथियुस 2:25

होर से आपणे व्रोधिया जो नम्रता किन्हें सुधारे, सैताने इन्हा लोका जो इंहां फसाई दितिरा कि स्यों तेसरे मताबक जीए, पर तुस्सा रा तिन्हा साउगी सबर रखणे री वजहा ले हुई सक्हा कि, परमेसर तिन्हारी मदद करहे कि स्यों पाप करणा छाडी दे, होर मसीह रे बारे मन्झ सच्चाई जो पछयाणी ले। ताकि स्यों आपणे होसा मन्झ आई किन्हें सैताना ले दूर चली जाये।

2 तिमिथियुस 3:10

पर तू तिमिथियुस खरे किन्हें जाणहां कि हांऊँ क्या सखा, हांऊँ किहाँ आपणी जिन्दगी जी आ, होर मेरी जिन्दगी रा मकसद क्या, होर हांऊँ क्या विस्वास करहा। तू जाणहां कि हांऊँ सभी लोका किन्हें सबर रखा होर सभी किन्हें प्यार करहा, होर दुखा रे टैमा मन्झ धीरज रखा।

तितुस 1:13

क्रेते टापू मन्झ रैहणे वाले लोका रे कठे ये गल ऐबे भी सच्ची ई, इधी कठे तिन्हा जो कड़ी चेतावनी देआ कर कि, स्यों यीसू मसीह रे बारे मन्झ सच्चे उपदेसा पर विस्वासा करहे।

तितुस 2:15

इधी कठे हे तितुस, हांऊँ चाहां कि ये गल्ला जो मैं तेरे किन्हें कितिरी क्रेते टापू रे विस्वासी लोका जो सखा, तिन्हो हिम्मत दे कि स्यों इन्हा गल्ला जो इंहां ही करहे, होर जेथी जरूरत ई तिन्हो सुधारे, एह्ड़ा करणे रा तुजो पूरा हक आ। एस गल्ला जो पक्का करी ले कि जो तू सखा, तेता जो कोई बेकार नी जाणे।

इब्रानियो 13:22

हे भाईयो होर बैहणो, हांऊँ तुस्सा ले बिनती करहा कि, तुस्सा जो हिम्मत देणे रे कठे जो ये गल्ला मैं लिखिरी तिन्हा गल्ला जो बड़े सबरा किन्हें सुणी लऊआ; क्यूंकि मैं तुस्सा जो ये गल्ला थोह्ड़े सब्दा मन्झ लिखिरी।

प्रकासना री गल्ला 3:19

हांऊँ जिन्हा जो प्यार करहा, तिन्हा सभी जो डांटहा होर सुधारी देहां, इधी कठे सही काम करणे रे कठे उत्साही बणा, होर गुणगुणे हूंणे साहीं आपणे पापा जो करणा छाडी दे।