2 तिमिथियुस 4:19 - मंडयाली नंऊँआं नियम

¹⁹ प्रिसकिल्ला होर तेस्सा रे लाड़े अक्विला जो, होर उनेसिफुरुसा भाई रे पुरे परिवारा जो मेरा नमस्कार।

2 तिमिथियुस 4:19 Iomraidhean Croise

मत्ती 5:47

होर अगर तुस्से आपणे भाई बैहणा जो ही नमस्ते करघे, ता कुण जे बडा काम करहा ऐं? क्यूंकि गैर-यहूदी जो परमेसरा री व्यवस्था जो नी मन्नदे स्यों भी एह्ड़ा करहे?

चुणिरे चेले रे काम 18:18

पौलुस बौह्त ध्याड़े तक कुरुन्थी सैहरा मन्झ रैंहयां, तेता ले बाद से विस्वासिया ले विदा हुई किन्हें किंख्रिया सैहरा जो चली गया। होर तेस सैहरा मन्झ आपणे सिर मुंडाया, क्यूंकि तिन्हें मन्नत मांगी री थी। होर तेता बाद से जहाजा ले सीरिया ईलाके जो चली गया होर तेस साउगी प्रिसकिल्ला होर अक्विला थे।

चुणिरे चेले रे काम 18:2

तेथी से पुन्तुस ईलाके रा रैहणे वाल़ा अक्विला नांऊँआं रे एक यहूदी किन्हें मिल्या; जो आपणी लाड़ी प्रिसकिल्ला साउगी नंऊँआं-नंऊँआं इतालिया देसा (इटली) ले आईरा था, क्यूंकि रोम देसा री सम्राट क्लौदियुसे सभ यहूदी लोका जो रोम देसा ले निकली जाणे रा हुक्म दितिरा था, इधी कठे स्यों कुरुन्थी सैहरा मन्झ रैह्न्दे लगे थे होर पौलुस तिन्हा वाले मिलदा गया।

चुणिरे चेले रे काम 18:26

से यहूदी सभा मन्झ न्डरे हुई किन्हें बोल्दा लग्या, पर प्रिसकिल्ले होर अक्विले तेसरी गल्ला सुणी किन्हें, तेस जो आपणे घरा ल्याई किन्हें होर परमेसरा रा पैंडा तेस जो होर भी साफ-साफ समझाई दितेया।

1 कुरिन्थियो 16:19

आसिया रे ईलाके री कलीसिया रे विस्वासी लोका री तरफा ले तुस्सा जो नमस्कार। अक्विला होर तेसरी लाड़ी प्रिसकिल्ला रा होर तिन्हारे घरा मन्झ कठा हूंणे वाली कलीसिया रे विस्वासी भाई बैहणा री तरफा ले भी तुस्सा जो प्रभु मन्झ बौह्त-बौह्त नमस्कार।