2 तिमिथियुस 4:18 - मंडयाली नंऊँआं नियम

¹⁸ होर प्रभुआ हांऊँ हर एक बुरे कामा ले बचाणा जो स्यों करहा ऐं, होर स्वर्गा मन्झ आपणे राजा मन्झ तेस हांऊँ सम्भाली किन्हें लई जाणा; तेसरी महिमा जुग-जुग हुन्दी रहे। आमीन।

2 तिमिथियुस 4:18 Iomraidhean Croise

मत्ती 13:43

तेस टैम धर्मी माह्णुंआं आपणे बापू परमेसरा रे राजा मन्झ सूरजा साहीं चमकणा। होर यीसूए बोल्या, जो मेरी गल्ला सुणदा लगीरा, से बड़े ध्याना किन्हें सुणें।”

मत्ती 25:34

तेबे मां राजे आपणी ओरली वखा वाली किन्हें बोलणा, हे मेरे बापू रे धन्य लोको, आऊआ, तेस राज्या रे अधिकारी हुई जाऊआ, जो संसारा री सुर्हूआता ले तुस्सा रे कठे त्यार कितिरा।

मत्ती 6:13

होर आस्सा री परखणी नी कर, पर आस्सा जो तेस दुस्ट सैताना ले बचा; क्यूंकि राज्य होर सामर्थ होर महिमा हमेसा तुस्सा रे ई ऐं।’ आमीन।”

लूका 11:4

होर आस्सा रे पाप माफ करी दे, क्यूंकि आस्से भी आपणे हर एक गुन्हेगारा जो माफ करहा ऐं, होर आस्सा जो परखणी मन्झ नी पऊणे दे। पर आस्सा जो तेस दुस्ट सैताना ले बचा।’”

लूका 12:32

“हे छोटे झुंड, मत डर; क्यूंकि तुस्सा रे बापू परमेसरा जो ये खरा लग्या कि, तुस्सा जो परमेसरा रा राज दे।

लूका 22:29

होर हांऊँ तुस्सा जो तिहां ईं एक राज देआ करहा जिहां मेरे बापू जिए मुंजो दितिरा था, तिहां ईं हांऊँ भी तुस्सा रे कठे देहां।

यहून्ना 17:15

हांऊँ ऐं प्रार्थना नी करदा कि, तू तिन्हा जो संसारा ले लग करी दे, पर ये भी कि तू तिन्हा जो तेस दुस्ट सैताना ले तिन्हारी हिफाजत कर।

रोमियो 11:36

क्यूंकि सभ कुछ परमेसरा री तरफा ले आ, होर तेसरे ज्रीए ही बणी रैहयां, होर तेसरे ही महिमा रे कठे आ। हांऊँ प्रार्थना करहा कि लोक परमेसरा री महिमा जुग-जुग करदे रहे। आमीन।

रोमियो 16:27

यीसू मसीह रे ज्रीए तेस ज्ञानी होर बुद्धिमान परमेसरा री जुग-जुग बढ़ाई हुन्दी रहे। आमीन।

1 कुरिन्थियो 1:21

क्यूंकि जेबे परमेसरे आपणे ज्ञाना रे मताबक देखेया कि संसारा रे लोक आपणे ज्ञाना रे ज्रीए तेस जो कधी नी जाणी सकदे, ता परमेसरा जो ये ठीक लग्या कि आस्सा री खुसी री खबरा जो प्रचार करणे रे ज्रीए विस्वास करणे वाले लोका रा उद्धार करहे, भले ही कुछ लोका जो ये गल नर्क्कली लगाई।

1 कुरिन्थियो 10:13

तुस्से कोई एह्ड़ी परखणी मन्झ नी पईरे, जो माह्णुं रे सैहणे ले बाहर हो। परमेसर भरोसे रे लायक आ; क्यूंकि से तुस्सा जो एह्ड़ी परीक्सा मन्झ नी पऊणे देंदा, जेस्सा रा तुस्से साम्हणा नी करी सकदे, पर एता रे बजाय तेस तुस्सा जो सामर्थ देणी, जेता री तुस्सा जो जरूरत ई, ताकि तुस्से पापा ले बची सको।

1 कुरिन्थियो 15:50

हे भाईयो होर बैहणो, हांऊँ तुस्सा किन्हें बोल्हा, एस संसारा मन्झ आस्सा रा मास होर खूना रा बणीरा सरीर स्वर्गा मन्झ परमेसरा रे राजा मन्झ वास नी करी सक्दा। आस्से आपणे मरणे वाले सरीरा किन्हें स्वर्गा मन्झ नी जी सकदे क्यूंकि तेथी मौत नी।

2 कुरिन्थियो 1:10

परमेसरे ही आस्से एह्ड़ी बडी मौता ले बचाए, होर तेस बचाणें भी; होर आस्सा जो होंसला कि तेस आस्से अगे भी बचान्दे रैंह्णां।

गलातियो 1:5

हांऊँ प्रार्थना करहा कि लोक परमेसरा री महिमा जुग-जुग करदे रहे। आमीन।

1 थिस्सलुनकियो 5:23

सांति देणे वाल़ा परमेसर आपु ई तुस्सा जो पूरी तरहा ले पवित्र करहे; होर तुस्सा री पूरी आत्मा होर प्राण होर सरीर आस्सा रे प्रभु यीसू मसीह रे दबारा वापस आऊणें रे ध्याड़े तक बेकसूर होर सुरक्षित रहे।

2 थिस्सलुनकियो 3:3

पर प्रभु भरोसे रे लायक आ, तेस तुस्से आत्मिक रूपा ले मजबूत करणे, होर तेस दुस्ट सैताना ले बचाणे।

1 तिमिथियुस 1:17

ऐबे अनंतकाला रा राजा, कधी भी नी मरणे वाल़ा, अनदेखे, होर एक सच्चा परमेसरा रा आदर होर महिमा जुग-जुग हुन्दी रहे। आमीन।

1 तिमिथियुस 6:16

सेई आ जो हमेसा रे कठे जिउंदा, होर जो एह्ड़े तेज प्रयासे मन्झ रैंहयां, जेसरे नजदीक कोई नी आई सकदा, जेस जो केसी माह्णुंऐ ना ता देखिरा, होर ना ता देखी सकदा, तेसरा आदर होर सामर्थ जुग-जुग रहे। आमीन।

2 तिमिथियुस 1:12

होर एस वजहा ले ही हांऊँ एथी जेल्हा मन्झ दुःख सहन करी करहा, पर सर्मिन्दा नी हुन्दा, क्यूंकि हांऊँ मसीह जो जाणहां, जेस पर मैं भरोसा रखीरा कि, मसीह आपणे वापस आऊणें रे ध्याड़े तक तेस चीजा री रखवाली करी सक्हा, जो तिन्हें मुंजो सौंपीरी।

2 तिमिथियुस 4:1

जेबे मसीह यीसू राजेया साहीं राज करदे आऊंणा, तेबे तेस जिउंदेया रा होर मरिरे दुहीं रा न्याय करणा। होर इधी कठे परमेसर होर मसीह जो गुआह मनी किन्हें हांऊँ तुजो आदेस देआ,

इब्रानियो 11:16

पर स्यों एक खरे स्वर्गा रे देसा रे चाहणे वाले ऐं, इधी कठे परमेसर तिन्हारा परमेसर कैहलाए जाणे मन्झ तिन्हा ले नी सरमान्दा, इधी कठे तिन्हें तिन्हारे कठे एक सैहर त्यार करी लया।

इब्रानियो 12:22

पर तुस्से सिय्योना रे प्हाड़ा पर आई गईरे जो जिउंदे परमेसरा रा स्वर्गीय यरुस्लेम सैहरा आ, होर तेथी बेहिसाब स्वर्गदूत खुसी रा साजा बणाए।

याकूब 2:5

हे लाडले भाईयो होर बैहणो, सुणा; परमेसरे एस संसारा रे गरीबा जो नी चुणिरा कि विस्वासा मन्झ अमीर होर तेस राज्या रे वारस हो, जेसरा देणे रा वादा परमेसरे तिन्हा कठे कितिरा, जेह्ड़े परमेसरा किन्हें प्यार करहे।

1 पतरस 1:5

परमेसरा आपणी सामर्था ले तुस्सा री हिफाजत करहा, क्यूंकि तुस्से मसीह यीसू पर भरोसा रखे, होर मसीह रे वापस आऊणें रे आखरी ध्याड़े तक तेस तुस्सा री हिफाजत करदे रैहणा। तेबे तुस्सा जाणी लेणा कि परमेसरे तुस्से पाप होर मौता दुहीं ले पूरी तरहा बचाई लितिरे।

1 पतरस 5:11

तेस सामर्था किन्हें जुग-जुग राज करदा रेहणा। आमीन।

2 पतरस 1:11

ठीक एस तरहा परमेसरा बड़े आदर साउगी अनंत राजा मन्झ दाखल करणा, जेथी आस्सा रा प्रभु होर उद्धारकर्ता प्रभु यीसू मसीहा जुग-जुग रे कठे राज करणा।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।

यहूदा 1:1

हांऊँ यहूदा एस चिठ्ठी जो लिखी करहा। हांऊँ यीसू मसीहा रा सेऊआदार होर याकूबा रा छोटा भाई आ। परमेसरे जिन्हा लोका जो आपणे गास विस्वास करणे रे कठे सादिरे, हांऊँ तिन्हा लोका जो ये चिठ्ठी लिखी करहा। बापू परमेसर तुस्सा किन्हें प्यार करहा होर यीसू मसीहा रे ज्रीए तुस्से सुरक्षित ऐं।