2 तिमिथियुस 4:17 - मंडयाली नंऊँआं नियम

¹⁷ पर प्रभु मेरा मददगार रैहया, होर तिन्हें मुंजो सामर्थ दिती; ताकि हांऊँ तेस कच्हरी मन्झ बैठीरे सभी लोका जो मसीह रे बारे मन्झ खुसी री खबरा रा प्रचार करी सकेया, होर सभ तेस गैर-यहूदी लोक तेसरे प्रचारा जो सुणी सके। होर एस तरहा तिन्हें हांऊँ मरणे ले बचाई लेया जिहां एक भूखे सेरा रे मुंहा ले बचाया।

2 तिमिथियुस 4:17 Iomraidhean Croise

मत्ती 10:19

जेबे स्यों तुस्सा जो पकड़वाये ता ये फिकर मत करदे कि, आस्सा क्या होर क्या बोलणा; क्यूंकि जो कुछ तुस्सा जो बोलणा हुन्घा, से परमेसरा तुस्सा जो तेस ई टैम दसी दितेया जाणा।

लूका 1:1

हे आदरणीय थिऊफिलुस! बौह्त लोके आस्सा रे बीचा मन्झ हुईरी घटना रे बारे मन्झ लिखणे रा काम कितरा।

लूका 21:15

क्यूंकि मां तुस्सा जो एह्ड़ी बोली होर बुद्धि देणी कि, तुस्सा रे सारे व्रोधिया तुस्सा रे खिलाफ बोलणे होर तुस्सा जो झूठे साबित करणे रे लायक नी रैंह्णां।

चुणिरे चेले रे काम 23:11

तेस ई रात प्रभु यीसूए तेस वाले आई किन्हें बोल्या, “हे पौलुस, हिम्मत कर, क्यूंकि जिहां तैं यरुस्लेम सैहरा मन्झ मेरी गुआही दिती, तिहां ईं तुजो रोम सैहरा मन्झ भी गुआही देणी पऊणी।”

चुणिरे चेले रे काम 9:15

पर प्रभुए तेस किन्हें बोल्या कि, “तू चला जा; क्यूंकि साऊल ता अन्यजाति लोका होर राजे माहराजे, होर इस्राएल देसा रे साम्हणें मेरा नांऊँ रा प्रचार करणे रे कठे मेरा चुणिरा एक जरीआ।

रोमियो 15:31

कि परमेसर मुंजो यहूदिया ईलाके मन्झ रैहणे वाले अविस्वासी लोका ले बचाई रखे। होर ये ढब्बे री मदद जो हांऊँ यरुस्लेम सैहरा रे मन्झ लेई जाई करहा, एता ले तेथी रैहणे वाले परमेसरा रे पवित्र लोका जो खुसी मिली सके।

2 कुरिन्थियो 12:9

होर तिन्हें मेरे किन्हें बोल्या, “मेरा अनुग्रह तेरे कठे काफी आ; क्यूंकि तुस्सा री कमजोरी मन्झ मेरी सामर्थ सिद्ध हुंहाँ ईं।” इधी कठे मां बड़ी खुसी किन्हें आपणी कमजोरिया पर बडयाई करणी, ताकि मसीह मुंजो सामर्थ देंदा रहे।

इफिसियो 3:8

हालांकि परमेसरे रे पवित्र लोका मन्झा ले हांऊँ सभी ले छोटा आ। फेरी भी परमेसरे मेरे पर ये अनुग्रह कितेया कि हांऊँ गैर-यहूदी लोका जो ये खुसी री खबर सुणाई सकूं कि, मसीह ले मिलणे वाली आसीसे इतनी बडी कि तिन्हारा आस्से बखान नी करी सकदे।

1 तिमिथियुस 1:12

होर हांऊँ, आस्सा रे प्रभु यीसू मसीह रा धन्यावाद करहा, जिन्हें मुंजो सामर्थ दिती; कि तिन्हें मुंजो भरोसे लायक समझी किन्हें आपणी सेऊआ रे कठे नियुक्त कितेया।

2 तिमिथियुस 2:1

इधी कठे हे मेरे मह्ठे तिमिथियुस, तू ये जाणी किन्हें आपणे आपा जो मजबूत कर कि, परमेसरे तुजो से अनुग्रह दितिरा, जो आस्सा रे मसीह यीसू साउगी एक हूंणे ले वजहा ले मिला।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।

2 तिमिथियुस 3:11

लोके हांऊँ सताया जेसरी वजहा ले मैं बौह्त दुःख सहन कितेया। तू तिन्हा डरावणी गल्ला रे बारे जाणहां, जो पिसिदिया जिल्ले रे अन्ताकिया सैहरा होर इकुनियुम होर लुस्त्रा सैहरा मन्झ रैहणे वाले लोके मेरे साउगी कितेया, होर किहाँ तेथी मैं दुःख सहन किते, पर प्रभुए हांऊँ सारे दुखा ले छुड़ाई लितेया।

2 तिमिथियुस 4:5

हर हालात मन्झ आपणे आपा पर काबू रख चाहे कुछ भी हुई जाये, दुःख सहन कर, होर पूरी मेहनत करी किन्हें खुसी री खबर सभी लोका जो सुणा होर जो सेऊआ तुजो सौंपीरी तेता जो पूरी कर।

तितुस 1:3

पर ऐबे ठीक टैमा पर, परमेसरे एस खुसी री खबर आस्सा पर जाहिर किती होर एता रा प्रचार आस्से सभी किन्हें करहे, आस्सा रे उद्धारकर्ता परमेसरे मुंजो ये जिम्मेदारी सौम्पी री होर हुक्म दितिरा कि हांऊँ ये काम तेसरे कठे करूं।

इब्रानियो 11:33

इन्हें विस्वास करणे ले ई राज्य जीते, धर्मा रे काम किते, वादा कितिरी चीजा पाई, होर सेर तिन्हो खाई नी सकेया,

1 पतरस 5:8

चतन्न रैहया, होर त्यार रैहया, क्यूंकि सैतान तुस्सा रा व्रोधी आ, जो तुस्सा पर वार करणा चाहां ताकि तुस्से परमेसरा रे हुकमा जो नी मान्नो। से गुर्राणे वाले सेरा साहीं एस ताका मन्झ रैंहयां कि, केस जो फाड़ी किन्हें खाई दे।

2 पतरस 2:9

इन्हा गल्ला ले जो परमेसरे कितिरा आस्से जाणांहे कि परमेसर आपणे लोका जो परखणी ले बचाणा जाणहां, होर न्याय रे ध्याड़े तक बुरे लोका जो सजा देणा भी जाणहां।