2 तिमिथियुस 4:16 - मंडयाली नंऊँआं नियम

¹⁶ एथी रोम सैहरा मन्झ पैहली बार जेबे हांऊँ न्यायधिसा रे साम्हणें आपणे खलाफ लगाई रे इल्जाम रे बारे मन्झ जबाब देंदा गया, तेबे मेरे पक्सा मन्झ बोलणे रे कठे कोई नी आया। एता रे बजाय तिन्हें सभीए हांऊँ छाडी दितेया। हांऊँ प्रार्थना करहा कि परमेसर तिन्हों एह्ड़ा करणे रे कठे माफ करहे।

2 तिमिथियुस 4:16 Iomraidhean Croise

मरकुस 14:50

होर सभ गल्ला जो देखी किन्हें चेले यीसू जो छाडी किन्हें भगी गये।

लूका 12:11

“जेबे लोक तुस्सा जो यहूदी सभा, होर अधिकारी वाले होर साहबा रे साम्हणें लई जाए, ता फिकर नी करणा कि आस्से किहाँ या क्या जवाब दे, या क्या बोले।

यहून्ना 16:32

“देखा, से घड़ी आहूँआं ईं बल्कि आई पुजीरी कि तुस्सा सभीया ओरे परे हुई किन्हें आपणे-आपणे घरा होर गांऊँआं मन्झ चली जाणा, होर हांऊँ कल्हा छाडी देणा। तेबे बी हांऊँ कल्हा नी आ, बापू मेरे साउगी आ।

चुणिरे चेले रे काम 22:1

पौलुसे बोल्या, “हे भाईयो होर बडे बजुर्गो! मेरे बचाऊआ मन्झ ऐबे हांऊँ कुछ बोलणा चाहां।”

चुणिरे चेले रे काम 25:16

तेबे मैं जवाब दितेया कि रोम देसा रे लोका रा ये रूआज नी आ कि केसी आदमी जो, जेबे तक कि इल्जाम लगाणे वाले रे साम्हणें खड़े हुई किन्हें आपणे बचाऊआ मन्झ जवाब देणे रा मौका ना मिले; तेस जो सजा रे कठे सौम्पेया जाए।

चुणिरे चेले रे काम 7:60

फेरी से जांढू रे भारे झुकी किन्हें जोरा किन्हें चिंगेया, “हे प्रभु, इन्हा पर एस पापा रा दोस मत लगा।” होर ये बोली किन्हें से मरी गया।

1 कुरिन्थियो 13:5

स्यों लोक केसी री बेज्जती नी करदे, स्यों आपणी ही खुसी रे बारे मन्झ नी सोचदे, स्यों जल्दी गुस्सा नी करदे, होर स्यों तिन्हा बुरी गल्ला जो याद नी रखदे, जो तिन्हारे बरखलाफ कितिरी हो।

1 कुरिन्थियो 9:3

स्यों जे मेरे चुणिरा चेले हूंणे पर सुआल करहे तिन्हारे कठे मेरा येई जवाब आ।

2 कुरिन्थियो 7:11

एस गला जो सोचा कि परमेसरा री इच्छा ले जो दुःख तुस्से सहेया तेता ले तुस्सा री जिन्दगी मन्झ क्या-क्या बदलाऊ आईरा; एता ले तुस्सा रे अंदर हिम्मत बढ़ी गई, आपणे आपा जो बेकसूर जाहिर करणे री इच्छा, होर अन्याय रे तरफ तुस्सा रा गुस्सा, दुखा रे बीचा चतन्न रहणा, मेरे किन्हें मिलणे री बढ़ी इच्छा, परमेसरा री सेऊआ री तरफ तुस्सा री फिकर, होर गलत माह्णुं जो सजा देणे रे कठे तुस्से त्यार ऐं। इन्हा गल्ला रे ज्रीए तुस्से ये साबित कितेया कि सब गल्ला जो ठीक-ठीक करणे मन्झ तुस्से कोई कमी नी छाडी।

फिलिप्पियो 1:17

होर जो लोक मसीह रा प्रचार हीर्ख होर लड़ाई री वजहा ले करहा ऐं, स्यों खरे इरादे ले नी पर आपणे मतलबा कठे मसीहा रा प्रचार करहा ऐं। स्यों जेल्हा मन्झ भी मेरी कठे परेसानिया जो बढ़ाहें।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

2 तिमिथियुस 1:15

तू जाणहां कि, आसिया रे ईलाके वाले कई विस्वासी लोके हांऊँ छाडी दितिरा, जिन्हा मन्झ फुगिलुस होर हिरमुगिनेस भाई ऐं।

2 तिमिथियुस 4:10

देमास भाई एस संसारा री चीजा किन्हें बौह्त प्यार रखा, इधी कठे तिन्हें हांऊँ छाडी दितेया, होर थिस्सलुनिके सैहरा जो चली गया। होर क्रेसक्रेंस भाई गलातिया ईलाके जो चली गया, होर तितुस भाई दलमातिया ईलाके जो चली गया।

2 तिमिथियुस 4:15

तू भी तेस ले चतन्न रैंहयां, क्यूंकि तिन्हें मसीह रे बारे मन्झ आस्सा रे उपदेसा रा घोर व्रोध कितेया।

1 पतरस 3:15

पर मसीह जो प्रभु जाणी किन्हें तेसरी इज्जत करहा, होर आपणे मना मन्झ तेसरा डर मन्हा। होर कोई तुस्सा ले तेस आसा रे बारे मन्झ कुछ पूछे, जो आस्से सभ विस्वासी लोक साझा करहे, ता तेस जो जवाब देणे रे कठे हमेसा त्यार रैहया। पर एह्ड़ा नम्रता होर आदर भाव किन्हें करहा,