2 तिमिथियुस 4:14 - मंडयाली नंऊँआं नियम

¹⁴ सिकंदर ठठेरे मुंजो हर तरहा रा दुःख दितिरा, प्रभुआ तेस जो तेसरे हर बुरे कामा री सजा देणी।

2 तिमिथियुस 4:14 Iomraidhean Croise

रोमियो 12:19

हे लाडले भाईयो होर बैहणो, “आपणा बदला आपणे आप नी लैणा; पर परमेसरा जो तुस्सा रा बदला लेणा” क्यूंकि पवित्र सास्त्रा मन्झ प्रभु बोल्हा, “बदला लैणा मेरा काम आ, मां बदला चुकाणा।”

रोमियो 2:6

परमेसरा हर एकी जो तेसरे कामा रे मताबक इनाम देणा।

2 थिस्सलुनकियो 1:6

क्यूंकि परमेसरा री नजरा मन्झ ये फैसला ठीक आ कि, जो तुस्सा जो दुःख देहां ऐं, तिन्हा जो बदले मन्झ दुःख दितेया जाए।

1 तिमिथियुस 1:20

होर तिन्हा मन्झा ले हुमिनियुस होर सिकंदर ऐं, जिन्हा जो मैं कलीसिया ले बाहर काढी दितिरा होर सैताना रे हका मन्झ सौंपी दितिरे, ताकि स्यों परमेसरा री निंदा करणा ना सीखे।

2 तिमिथियुस 4:15

तू भी तेस ले चतन्न रैंहयां, क्यूंकि तिन्हें मसीह रे बारे मन्झ आस्सा रे उपदेसा रा घोर व्रोध कितेया।

1 यहून्ना 5:16

अगर कोई आपणे विस्वासी भाई होर बैहणा जो एह्ड़ा पाप करदे देखे, जेसरी सजा मौत नी हो, ता तेसरे कठे प्रार्थना करहा, होर परमेसरा तेस प्रार्थना री वजह ले तेस जो जिन्दगी देणी, जिन्हें एह्ड़ा पाप कितिरा हो। एक पाप एह्ड़ा भी आ जेसरी सजा मौत ई होर एसरे बारे मन्झ मै प्रार्थना करणे रे कठे नी बोल्दा।

प्रकासना री गल्ला 18:20

हे स्वर्ग मन्झ रैहणे वाले लोको, होर हे परमेसरा रे पवित्र लोको, होर चुणिरे चेले, होर नबियो, बाबेल सैहरा साउगी जो हुआ तेता रे कठे तुस्से खुसी मनाऊआ, क्यूंकि जो कुछ बुरा तिन्हें तुस्सा साउगी कितिरा तिन्हा सभी रे कठे परमेसरे तेस सैहरा पर आपणा न्याय भेजिरा।

प्रकासना री गल्ला 18:6

जेहड़े बुरे काम बाबेल सैहरे कितिरे, तेह्ड़ा ई तुस्से भी तेस साउगी बुरा बर्ताव करहा, तेस्सा रे कामा रे मताबक तेस किन्हें दो गुणा बुरा बर्ताव कर, जेस डोंगें मन्झ तिन्हें दूजे लोका जो सराब मलाई री थी, तेस डोंगें मन्झ तेता ले दो गुणा सराब मलाई किन्हें देआ।

प्रकासना री गल्ला 6:10

होर तिन्हें प्राणिये बड़े जोरा किन्हें चिंगी किन्हें परमेसरा किन्हें बोल्या, “हे पवित्र होर सच्चे प्रभु, संसारा रे बुरे लोका जो सजा देणे रे कठे तू इतनी देर किधियो करेया करहा? तुध कधी तिन्हा ले आस्सा रे खूना रा बदला लैणा?”