2 तिमिथियुस 4:10 - मंडयाली नंऊँआं नियम

¹⁰ देमास भाई एस संसारा री चीजा किन्हें बौह्त प्यार रखा, इधी कठे तिन्हें हांऊँ छाडी दितेया, होर थिस्सलुनिके सैहरा जो चली गया। होर क्रेसक्रेंस भाई गलातिया ईलाके जो चली गया, होर तितुस भाई दलमातिया ईलाके जो चली गया।

2 तिमिथियुस 4:10 Iomraidhean Croise

मत्ती 12:32

जो कोई माह्णुं रे मह्ठे रे बारे मन्झ कोई गल बोल्घा, तेसरा ये अपराध माफ कितेया जाणा, पर जो कोई पवित्र आत्मा रे बरखलाफ मन्झ कुछ बोल्घा, तेसरा अपराध ना ता एस लोका मन्झ होर ना परलोका मन्झ माफ कितेया जाणा।”

मत्ती 26:56

पर ये सभ इधी कठे हुआ ताकि नबिया रे ज्रीए पवित्र सास्त्रा री मन्झ लिखीरी गल्ला पूरी हुई जाए।” तेबे सभ चेले यीसू जो छाडी किन्हें भगी गये।

लूका 14:33

एस तरीके ले तुस्सा मन्झा ले जो कोई आपणा सभ कुछ छाडी नी दे, ता से मेरा चेला नी हुई सक्दा।”

लूका 16:13

“कोई सेऊआदार दो माल्का री सेऊआ एक ई टैमा पर नी करी सक्दा, क्यूंकि तेस एकी किन्हें दुस्मणी होर दूजे किन्हें प्यार रखणा; या एकी किन्हें मिली किन्हें रैंह्णां होर दूजे जो तेस घटिया समझणा, तुस्से परमेसरा होर ढब्बे री सेऊआ एक साउगी नी करी सकदे।”

लूका 17:32

याद रखा कि लूता री लाड़ी किन्हें क्या हुआ।

चुणिरे चेले रे काम 13:13

पौलुस होर तेसरे साथी पाफुस सैहरा ले जहाजा रे ज्रीए पंफुलिया जिल्ले रे पिरगा सैहरा मन्झ आये, होर तेथी यहून्नामरकुस तिन्हा जो छाडी किन्हें यरुस्लेम सैहरा जो वापस चली गया।

चुणिरे चेले रे काम 15:38

पर पौलुसे बरनबासा जो दसेया कि मरकुसा जो आपणे साउगी लई जाणा ठीक नी हूंणां, क्यूंकि जेबे स्यों पंफुलिया जिल्ले मन्झ थे ता मरकुसे स्यों तेथी कल्हे छाडी दितिरे थे, होर तिन्हें तिन्हा साउगी काम जारी नी रख्या।

चुणिरे चेले रे काम 16:6

होर स्यों फ्रुगिया जिल्ले होर गलातिया ईलाके मन्झा ले हुई किन्हें गये, होर पवित्र आत्मे तिन्हा जो आसिया रे ईलाके मन्झ बचन सुणाणे जो नांह किती।

चुणिरे चेले रे काम 17:1

फेरी पौलुस होर सिलास अम्फिपुलिस होर अपुल्लोनिया सैहरा मन्झ हुई किन्हें थिस्सलुनिके सैहरा मन्झ आये जेथी यहूदी लोका री एक यहूदी सभा थी।

चुणिरे चेले रे काम 17:11

ये लोक ता थिस्सलुनिके सैहरा रे यहूदी लोका ले भी खरे थे होर तिन्हें बड़ी लगना किन्हें बचन मन्नेया, होर हर रोज पवित्र सास्त्रा मन्झ तोप्दे रैहे कि ये गल्ला जो पौलुसे दसी क्या स्यों सच्ची ई कि नी?

चुणिरे चेले रे काम 17:13

पर जेबे थिस्सलुनिके सैहरा रे यहूदी लोक जाणी गये कि, पौलुस बिरिया सैहरा मन्झ भी परमेसरा रा बचन सुणाहां, ता स्यों तेथी भी आई पूजे होर लोका जो भड़कान्दे होर परेसानी खड़ी करदे लगीरे।

चुणिरे चेले रे काम 18:23

होर कुछ ध्याड़े अन्ताकिया सैहरा मन्झ बिताणे ले बाद तेथी ले विदा हुई किन्हें गलातिया ईलाके होर फ्रुगिया जिल्ले मन्झ एक जगहा ले दूजी जगहा तक सफर करदे हुए सभी चेले जो मजबूत करदा फिरेया।

2 कुरिन्थियो 2:13

मेरा तितुस भाई तुस्सा री कोई खबर लेई किन्हें मेरे वाले नी आया, जेता ले मेरे मना जो चैन नी मिल्या। इधी कठे हांऊँ त्रोआस सैहरा रे विस्वासी लोका ले विदा हुई किन्हें मकीदुनिया ईलाके जो चली गया ताकि हांऊँ तितुसा जो तोपी सकूं।

2 कुरिन्थियो 7:6

पर परमेसर दुआस लोका जो तस्सली देआ। होर तितुसा जो आस्सा वाले भेजी किन्हें परमेसरे आस्सा जो एह्ड़ी ही तस्सली दितिरी।

2 कुरिन्थियो 8:16

परमेसरा रा धन्यावाद हो कि, जो फिकर मुंजो तुस्सा रे बारे मन्झ हुंहाँ ईं, ठीक तेह्ड़ी ई फिकर परमेसरे तुस्सा रे बारे मन्झ तितुसा रे मना मन्झ पाई दिती।

2 कुरिन्थियो 8:23

अगर कोई तितुसा रे बारे मन्झ पुछे, ता बोल्या कि से मेरा साथी, होर तुस्सा रे कठे मेरा सैहकर्मी आ, होर अगर आस्सा रे विस्वासी भाईया रे बारे मन्झ पूछे, ता स्यों कलीसिया रे लोका रे ज्रीए भेजिरे लोक ऐं, होर स्यों मसीह रे नांऊँआं रा आदर बढ़ाए।

2 कुरिन्थियो 8:6

इधी कठे आस्से तितुसा ले अर्ज किती कि, जिहां तिन्हें ढब्बे कठ्ठा करणे रा काम सुर्हू कितेया था, सेई एस भले कामा जो भी पूरा करहे।

फिलिप्पियो 2:21

क्यूंकि सभ आपणे मतलबा रे कठे जीएं, होर यीसू मसीह री गल्ला री परवाह नी करदे।

1 तिमिथियुस 6:10

क्यूंकि धन रा मोह सभ किस्मा री बुराईया री जड़ ई, जेस धना जो पाणे री कोसिस करदे-करदे कुछ लोक मजे-मजे मसीह रे उपदेसा पर विस्वासा करणा छाडी दे। एता री वजहा ले स्यों लोक कई किस्मा रे दुःख सहन करहे, तेस माह्णुं साहीं जिन्हें हथियारा किन्हें आपणे आपा जो छलनी करी दितिरा हो।

1 तिमिथियुस 6:17

एस संसार रे अमीर लोका जो ये आदेस दे कि, स्यों घमंडी नी बणे, होर स्यों धना पर भरोसा नी रखे, जो हमेसा रे कठे नी आ, पर परमेसरा पर ई भरोसा रखे जो आस्सा रे सुखा रे कठे सभ कुछ भरपूरी किन्हें देहां।

2 तिमिथियुस 1:15

तू जाणहां कि, आसिया रे ईलाके वाले कई विस्वासी लोके हांऊँ छाडी दितिरा, जिन्हा मन्झ फुगिलुस होर हिरमुगिनेस भाई ऐं।

2 तिमिथियुस 4:16

एथी रोम सैहरा मन्झ पैहली बार जेबे हांऊँ न्यायधिसा रे साम्हणें आपणे खलाफ लगाई रे इल्जाम रे बारे मन्झ जबाब देंदा गया, तेबे मेरे पक्सा मन्झ बोलणे रे कठे कोई नी आया। एता रे बजाय तिन्हें सभीए हांऊँ छाडी दितेया। हांऊँ प्रार्थना करहा कि परमेसर तिन्हों एह्ड़ा करणे रे कठे माफ करहे।

तितुस 1:4

तितुस ये चिठ्ठी हांऊँ तुजो लिखी करहा, तू सच्चे मेरे मह्ठे साहीं आ, क्यूंकि आस्से यीसू मसीह पर विस्वास करहे। हांऊँ प्रार्थना करहा कि आस्सा रा बापू परमेसर होर उद्धारकर्ता मसीह यीसू तुजो अनुग्रह होर सांति देंदा रहे।

फिलेमोन 1:24

होर मरकुस, अरिस्तर्खुस, देमास होर लूका विस्वासी भाईया री तरफा ले तुस्सा जो नमस्कार, स्यो मेरे साउगी प्रभु रा काम करहा ऐं।

2 पतरस 2:15

होर स्यों ठीक काम नी करदे, होर जिहां बौह्त पैहले बओरा रे मह्ठे बिलामे जो बुरे काम कितिरे थे, तिन्हें भी एह्ड़ा करणा सुर्हू करी दितिरा। तेस जो पैसा कमाणे रे कठे लोका ले पाप कुराणा बांका लगहा था।