2 तिमिथियुस 4:1 - मंडयाली नंऊँआं नियम

¹ जेबे मसीह यीसू राजेया साहीं राज करदे आऊंणा, तेबे तेस जिउंदेया रा होर मरिरे दुहीं रा न्याय करणा। होर इधी कठे परमेसर होर मसीह जो गुआह मनी किन्हें हांऊँ तुजो आदेस देआ,

2 तिमिथियुस 4:1 Iomraidhean Croise

मत्ती 16:27

क्यूंकि मां माह्णुं रे मह्ठे आपणे स्वर्गदूता साउगी आपणे बापू री महिमा मन्झ आऊंणा, होर तेस टैम तेस हर एकी जो तेसरे कामा रे मताबक इनाम देणा।

लूका 19:12

एता कठे तिन्हें बोल्या, “एक अमीर आदमी दूर देसा जो चली गया ताकि से राजे रा पद पाई किन्हें वापस आये।

लूका 19:15

जेबे से राजे रा पद पाई किन्हें वापस आई गया, ता एह्ड़ा हुएया कि तिन्हें आपणे नौकरा जो जिन्हा जो तिन्हें पैसे देई दितिरे थे, स्यों आपणे वाले सादे ताकि ये जाणी सके कि लेण देण करी किन्हें क्या-क्या कमाया।

लूका 23:42

तेबे तिन्हें बोल्या, “हे यीसू, जेबे तू राज मन्झ राजा साहीं आये, ता मुंजो याद रख्या।”

चुणिरे चेले रे काम 10:42

तिन्हें ई आस्सा जो हुक्म दितेया कि आस्से सारे लोका मन्झ प्रचार करहे होर साबत करहे कि यीसू ही आ जेस जो परमेसरा रे जीउन्देआ रा होर मरिरे रा न्यायी बणाईरा।

चुणिरे चेले रे काम 17:31

क्यूंकि तिन्हें एक ध्याड़ा तय कितिरा, जेबे तेस आपणे नियुक्त कितिरे एक माह्णुं रे ज्रीए धर्मा किन्हें संसारा रा न्याय करणा, जिन्हें तेस जो नियुक्त करी किन्हें तेस जो मरिरे मन्झा ले जिउंदा करी किन्हें, तिन्हें सभी जो एस गल्ला रा सबूत दितेया।”

रोमियो 2:16

एह्ड़ा तेबे हूंणा जेस ध्याड़े परमेसरा मेरे ज्रीए प्रचार कितिरे खुसी री खबरा रे मताबक यीसू मसीहा रे ज्रीए माह्णुंआं री लुख्ही री गल्ला रा न्याय करणा।

कुलुस्सियो 3:4

मसीह री वजहा ले ही तुस्सा जो ये नौंईं जिन्दगी मिलिरी, होर जेबे तेस वापस एस संसारा मन्झ आऊंणा, तेबे तुस्से भी आई किन्हें तेसरी महिमा मन्झ साझी बणी जाणा।

2 थिस्सलुनकियो 2:8

तेता ले बाद तेस दुस्ट आदमिया जाहिर हूंणां, पर बादा मन्झ जेबे प्रभु यीसू मसीह आऊंणा, ता से तेस आपणे मुंहा री फूका किन्हें मुकाई देणा, होर आपणे आऊणें रे तेजा किन्हें भस्म करी देणा।

1 तिमिथियुस 5:21

परमेसर, मसीह यीसू, होर चुणिरे स्वर्गदूता रे साम्हणें हांऊँ तूजो ये आदेस देहां कि बिना केसी भेदभावा रे इन्हा बिधिया जो पूरा कर, होर सभी किन्हें एक जेह्ड़ा बर्ताव कर।

2 तिमिथियुस 1:10

होर ऐबे आस्सा रा उद्धारकर्ता मसीह यीसू आई गईरा होर आस्सा पर आपणा अनुग्रह दसिरा। तिन्हें मौता री सामर्था जो हराई दितेया, होर खुसी री खबरा रे ज्रीए ये जाहिर कितेया कि कधी नी खत्म हूंणे वाली जिन्दगी तक पूजणे रे एक रस्ता।

2 तिमिथियुस 2:14

ये गल्ला जो मैं तुस्सा किन्हें बोलिरी, तुस्सा रे लोक इन्हा जो भूली नी जाये। होर प्रभु जो गुआह मनी किन्हें तू तिन्हो चेतावनी दे कि, स्यों सब्दा रे मतलबा पर बैहस नी करहे। एह्ड़ी बैहसा ले कोई फायदा नी आ; बल्की सुणने वाल़ेया जो नुकसान ही पूजा।

2 तिमिथियुस 4:18

होर प्रभुआ हांऊँ हर एक बुरे कामा ले बचाणा जो स्यों करहा ऐं, होर स्वर्गा मन्झ आपणे राजा मन्झ तेस हांऊँ सम्भाली किन्हें लई जाणा; तेसरी महिमा जुग-जुग हुन्दी रहे। आमीन।

2 तिमिथियुस 4:8

प्रभुआ मुंजो से ताज देणा जो धार्मिकता रा ताज आ। से जो धर्मा किन्हें न्याय करहा, जेस ध्याड़े तेस दबारा वापस आऊंणा मुंजो ये इनाम देणा। तेस सिर्फ मुंजो ई नी, बल्की तिन्हा सभी जो भी देणा, जो सच्चे चाहे कि से दबारा वापस आई जाये।

तितुस 2:13

आस्से एह्ड़ा ही करदे रहे जेबे कि आस्से आपणे म्हान परमेसर होर उद्धारकर्ता यीसू मसीह जो आपणी महिमा साउगी एस संसारा मन्झ वापस आऊणें री आस करदे लगिरे।

1 पतरस 1:7

होर ये परेसानिया इधी कठे हुंहाँ ताकि ये जाहिर हो की तुस्सा रा विस्वास परमेसरा पर हाया की नी। मसीह पर तुस्सा रा विस्वास आगा मन्झ परखिरे सुद्ध कितिरे सोने ले भी ज्यादा कीमती आ। जिहां नास हूंणे वाल़ा सोना भी आगी किन्हें परखी जाहाँ, होर इंहां ही अगर तुस्सा रा विस्वास भी परेसानिया रे बीचा मन्झ मजबूत निकले, ता जेबे यीसू मसीहा दबारा वापस आऊंणा, तेस ध्याड़े तुस्सा जो भी बड़ाई, होर महिमा होर आदर मिलणा।

1 पतरस 4:5

पर एक ध्याड़े तिन्हा परमेसरा रे साम्हणें न्याय रे कठे खड़ीरे हूंणा। होर तिन्हा जो तिन्हारे कामा रा लेखा परमेसरा जो देणा पऊणा। होर परमेसरा मरिरे होर जिउंदे लोका रा न्याय करणा।

1 पतरस 5:4

होर जेबे प्रधान रखवाला यानि यीसू मसीह दबारा वापस आऊंणा, ता तुस्सा जो एक बांका ताज देणा, जेसरी तेज महिमा कधी भी खत्म नी हूणीं।

2 पतरस 1:11

ठीक एस तरहा परमेसरा बड़े आदर साउगी अनंत राजा मन्झ दाखल करणा, जेथी आस्सा रा प्रभु होर उद्धारकर्ता प्रभु यीसू मसीहा जुग-जुग रे कठे राज करणा।

2 पतरस 1:17

आस्से तेस किन्हें पवित्र पहाड़ा पर थे जेबे परमेसर बापूए तेस जो आदर होर महिमा दिती, तेस परमेसरा री वखा ले यानि तेस बड़ी महिमा ले तेसरे कठे ये अवाज आई कि, “ये मेरा लाडला मह्ठा आ, जेस ले हांऊँ बौह्त खुस आ!” आस्से आपु स्वर्गा ले ये अवाज आऊंदे सुणीरी।

1 यहून्ना 2:28

हे लाडले भाईयो होर बैहणो, मसीह मन्झ वास करहा; कि जेबे तेस दबारा वापस आऊंणा, ता आस्सा जो हिम्मत हो, होर आस्से तेसरे साम्हणें बेजत नी हो।

प्रकासना री गल्ला 1:7

सुणा, से बादला साउगी आऊणें वाल़ा आ। होर हर एकी माह्णुं से देखणा, बल्की जिन्हें जे से क्रूसा प्रयाल्हे भाले किन्हें कोती किन्हें मारी दितिरा था, तिन्हा भी से वापस आऊंदे हुए देखणा। होर धरती रे सारी जातिया रे लोका से देखणा, ता तिन्हा छाती पिटी-पिटी किन्हें रोणा। हां ये गल्ला पक्का हूणीं! आमीन।