2 तिमिथियुस 3:8 - मंडयाली नंऊँआं नियम

⁸ ये झूठे उपदेस स्खाणे वाले सच्चाई रा व्रोध करहे, जिहां यन्नेसे होर यम्ब्रेसे पुराणे टैमा मन्झ मूसा रा व्रोध कितेया था; ये ता एह्ड़े माह्णुं ऐं, जिन्हारी बुद्धि खराब हुई गईरी, होर आपणे विस्वासा जो लेई किन्हें हारी गईरे।

2 तिमिथियुस 3:8 Iomraidhean Croise

चुणिरे चेले रे काम 15:24

आस्से सुणिरा कि, आस्सा मन्झा ले बौह्त जणे तेथी जाई किन्हें, तुस्सा जो आपणी गल्ला ले डराई दितिरा; होर तुस्सा रे मन बदली दितिरे, पर आस्से तिन्हा जो एह्ड़ा करणे रा हुक्म नी दितिरा था।

रोमियो 1:28

होर जेबे तिन्हो परमेसरा जो जाणना नर्क्कला लगेया, तेबे परमेसरे भी स्यों तिन्हारे नर्क्कले मना रे वसा मन्झ छाडी दिते, ताकि स्यों बुरे काम करहे।

रोमियो 16:18

क्यूंकि एह्ड़े लोक आस्सा रे प्रभु मसीह री सेऊआ नी करदे, पर आपणी व्यक्तिगत इच्छा जो पूरी करहा ऐं, होर चिकनी चुपड़ी गल्ला किन्हें सीधे सादे लोका जो धोखा दें।

इफिसियो 4:14

इधी कठे ऐबे ले लेई किन्हें आस्से बच्चे साहीं नी बणे, आस्सा तेस किस्ती साहीं नी हूंणा, जेस जो तेज बागर डूआई किन्हें लेई जाहीं, या ल्हरें ओरे-परे घुमाई देईं। यानि ऐबे ले ठगी होर चालू माह्णुं आस्सा जो झूठी गल्ला मन्झ नी फसाई सकदे।

1 तिमिथियुस 1:19

तुस्सा रा मसीह पर विस्वास बणेया रहे, होर साफ अंतरात्मा हो। कुछ लोके आपणी एस साफ अंतरात्मा जो नकारी दितिरी, जेसरी वजहा ले तिन्हारा विस्वास रूपी जहाज डूबी गया।

1 तिमिथियुस 4:2

ये झूठे उपदेस स्खाणे वाले झूठे पाखंडी ऐं, तिन्हारी अंतरात्मा मरी चुकीरी जो सही होर गलता रा फैसला करी, जिहां कि कोई गर्म लोहे से फुखी दितिरी हो।

1 तिमिथियुस 6:5

एह्ड़े माह्णुंआं हमेसा एक दूजे किन्हें लड़ने मन्झ लगी रैहया, होर तिन्हारी बुद्धि खराब हुई गईरी। होर ऐबे स्यों कधी नी समझी सकदे कि सच्चाई क्या ई। स्यों समझे कि परमेसरा री सेऊआ करणा पैसे कमाणे रा जरिया।

2 तिमिथियुस 4:15

तू भी तेस ले चतन्न रैंहयां, क्यूंकि तिन्हें मसीह रे बारे मन्झ आस्सा रे उपदेसा रा घोर व्रोध कितेया।

तितुस 1:10

क्यूंकि बौह्त सारे लोका जो वकवास करहे होर दूजेया जो धोखा दे, तिन्हा सही उपदेसा रा विरोध करणा। ये खास करी किन्हें कुछ यहूदी लोका रे बारे मन्झ आ जो विस्वासी बणी गईरे।

तितुस 1:16

झूठे उपदेस स्खाणे वाले बोल्हा ऐं कि, आस्से परमेसरा जो जाणहां ऐं; पर तिन्हारे काम एस गल्ला जो साफ जाहिर करहे कि स्यों परमेसरा जो नी जाणदे। क्यूंकि स्यों हुक्म नी मनणे वाले ऐे होर परमेसरा तिन्हा किन्हें नफरत करहा; होर स्यों कोई भी खरे काम नी करदे।

2 पतरस 2:14

जेस्सा भी जन्नानी स्यों देखे सभी किन्हें व्यभिचारा करणा चाहे, होर स्यों पाप किते बगैर नी रुकी सकदे। होर जो मसीह पर पूरा भरोसा नी रखदे एह्ड़े लोका जो स्यों धोखा देई किन्हें तिन्हा ले पाप कुराहें। होर कधी नी मरणे वाले लालच री वजहा ले परमेसरा तिन्हो सजा देणी।

1 यहून्ना 2:18

हे बच्चेयो, ये आखरी टैम आ जेबे मसीह वापस आऊंणा, होर जेह्ड़ा तुस्से सुणिरा कि, मसीह रा व्रोधी आऊणें वाल़ा आ, तेसरे मताबक ऐबे भी बौह्त सारे मसीह रे व्रोधी खड़े हुई गईरे; एता ले आस्से जाणहां ऐं कि, ये आखरी टैम आ।

1 यहून्ना 4:1

हे लाडले भाईयो होर बैहणो, हरेक तेस माह्णुं पर विस्वास नी करहा जो ये बोल्हा की मेरे मन्झ परमेसरा री आत्मा ई; पर आत्मा जो परखा कि, स्यों परमेसरा री तरफा ले ई कि नी ई; क्यूंकि बौह्त सारे झूठे नबी संसारा मन्झ ऐं जो परमेसरा री तरफा ले नी ऐं।

प्रकासना री गल्ला 2:20

पर हांऊँ तेरे बरखलाफ ये बोलणा चाहां कि, तू तेस ज्नाने ईजेबेला जो झूठे उपदेस स्खाणे देहां। से आपणे आपा जो नबण बोल्हा ई, पर से मेरे लोका जो व्यभिचार करणे, होर मूर्ति रे अगे बलिदान कितिरी चीजा जो खाणे रे कठे सखाई किन्हें तिन्हो भरमाहीं।

प्रकासना री गल्ला 2:6

पर हां, तेरे मन्झ ये खरी गल ता जरुर ई कि, तू निकुलइया लोका रे कामा ले बैर करहा, जिहां हांऊँ भी तिन्हारे कामा ले बैर करहा।