2 तिमिथियुस 3:6 - मंडयाली नंऊँआं नियम

⁶ इन्हा मन्झ ई कुछ लोक दूजेया रे घरा मन्झ बड़ी जाहें, होर तिन्हा नर्क्कली ज्नानिया जो पूरी तरहा आपणे बसा मन्झ करी लैहां ऐं, जिन्हारा दिल तिन्हारे पापा रे बोझा किन्हें दभिरा होर हर तरहा री इच्छा रे काबू मन्झ ऐं।

2 तिमिथियुस 3:6 Iomraidhean Croise

मत्ती 11:28

हे सभ मैहनत करणे वाल़ेओ होर बोझा किन्हें दभीरे लोको, मेरे वाले आऊआ; मां तुस्सा जो अराम देणा।

मत्ती 23:13

हे व्यवस्था स्खाणे वाल़े होर फरीसी लोको तुस्से पाखंडी ऐं, तुस्सा जो बौह्त सजा मिलणी! तुस्से माह्णुं रे कठे स्वर्गा रे राजे रे दुराजे बन्द करहा ऐं। तुस्से ना ता आपु ई तेस मन्झ दाखल हुंहाँ ऐं, होर ना तेस मन्झ होरी जो दाखल हूंणां देहां ऐं।

मत्ती 23:14

हे पाखंडी व्यवस्था स्खाणे वाल़े होर फरीसी लोको, तुस्सा जो बौह्त सजा मिलणी! तुस्से विधवा जो ठगी किन्हें तिन्हारे घर-बार होर जायदाद आपणे कठे लई लैहां ऐं, होर दिखावे रे कठे बड़ी देरा तक प्रार्थना करदे रैंहयां ऐं। इधी कठे परमेसरा तुस्सा जो सजा देणी।

मत्ती 4:24

होर गलील जिल्ले रे उत्तरा रे सीरिया ईलाके तक तेसरा नांऊँ फैल्ही गया; होर लोक सभ ब्मार माह्णुंआं जो जेह्ड़े कई किस्मा री ब्मारिया होर दुःखा मन्झ जकड़ीरे थे, होर जिन्हा मन्झ दुस्टात्मा थी होर मिर्गी वाल़े होर अध्रन्गा रे ब्मार जो तेस वाले लई आये होर तिन्हें स्यों सभ ठीक करेया किते।

मरकुस 4:19

होर संसारा री चिन्ता, पैसे रा धोखा, होर चीजा रा लालचा तिन्हा मन्झ स्माई किन्हें बचना जो बढ़ने ले रोकी देहां, होर स्यों परमेसरा री इच्छा पर नी चली पांदे।

1 कुरिन्थियो 12:2

तुस्से जाणहां ऐं कि, परमेसरा पर विस्वास करणे ले पैहले तुस्से किहाँ जीहां ऐं थे। तुस्से भटकाई दितिरे थे कि तुस्से मरिरी मूर्तिया री पूजा करहा।

1 तिमिथियुस 5:6

पर जो विधवा आपणा पूरा टैम भोग विलासा मन्झ लाई रखा ई, से एक मरिरे आदमी साहीं, हालांकि तिन्हारा सरीर जिउंदा पर स्यों आत्मिक रूपा ले मरी गईरी।

1 तिमिथियुस 6:9

पर जो माह्णुं अमीर बणना चाहें, स्यों असानी किन्हें हर प्रकारा रे पाप करणे री परखणी मन्झ पई जाहें, होर एक जानवरा साहीं फसी जाहें। स्यों नर्क्कले होर खतरनाक कामा जो करणा चाहें, जो पूरी तरहा ले तिन्हारा विनास करी देईं।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

तितुस 3:3

क्यूंकि आस्से भी मसीह बणने ले पैहले नर्क्कले थे होर आस्से परमेसरा रा हुक्म नी मनदे थे, होर लोक आस्सो धोखा दे थे। आस्से आपणे आपा जो तिन्हा सब बुरे काम करणे ले नी रोकी सकदे थे, जिन्हों आस्से करणा चाहें थे होर जेस जो करी किन्हें आस्से बड़े खुस हुयें थे। आस्से आपणी जिन्दगी बैर-भाव करणे मन्झ होर दूजे लोका किन्हें हिर्खा रखणे मन्झ बिताहें थे, आस्से एह्ड़े लोक थे जिन्हा किन्हें लोक नफरत करहे थे, होर आस्से भी एक दूजे किन्हें नफरत रख्हा ऐं थे।

2 पतरस 2:18

जेबे स्यों लोको स्खायें, स्यों बेकार होर बडयाई री गल्ला जो बोल्हे। स्यों बोल्हे कि स्यों आपणी सरीरा री इच्छा रे मताबक बेज्जत करणे वाली सारी गल्ला जो करही सक्हा ऐं। होर जिन्हें लोके ऐबे-ऐबे बुरे काम करणा छाडी किन्हें विस्वासी बणिरे, स्यों तिन्हा जो धोखा देई किन्हें वापस पाप करणे रे कठे हिम्मत दे।

2 पतरस 3:17

हे लाडले भाईयो होर बैहणो, तुस्से लोक पैहले ले ई जाणहां ऐं कि युयां गल्ला हूणीं। इधी कठे चतन्न रैहया, परमेसरा री व्यवस्था जो नी मनणे वाले लोक तुस्सा जो झूठ बोली किन्हें नी भड़काए, एह्ड़ा करी किन्हें तुस्सा सच्ची गल्ला पर विस्वास करणा छाडी देणा, जिन्हा गल्ला पर तुस्से पैहले विस्वास कितिरा था।

यहूदा 1:16

ये लोक हमेसा परमेसरा रे खलाफ बोल्हे होर दूजेया री गलतिया काढे, होर आपणी इच्छा रे मताबक हमेसा बुरे काम करहे। स्यों आपणे बारे मन्झ बडी-बडी गल्ला बोल्हे होर दूजेया री तारीफ करणे रा ढोंग करहे, ताकि तिन्हो तेता ले कुछ फायदा मिली सके।

यहूदा 1:18

स्यों तुस्सा किन्हें बोल्हा ऐं थे कि, “आखरी ध्याड़े मन्झ आस्सा रे प्रभु यीसू मसीह रे वापस आऊणें ले पैहले एह्ड़े मखौलिये हूंणे, जिन्हा प्रभु रा होर तेसरे लोका रा मजाक डूआणा।” ये एह्ड़े लोक ऐे जो आपणी बुरी इच्छा रे मताबक आपणी जिन्दगी जीये।

यहूदा 1:4

क्यूंकि यीसू मसीह पर विस्वास करणे रा ढोंग करणे वाले कुछ लोक तुस्सा री कलीसिया किन्हें जुड़ी गईरे। ये परमेसरा री इज्जत नी करदे होर गलत उपदेस दें कि आस्से लुचपन करी सके, क्यूंकि परमेसर आस्सा रे पाप माफ करी देआ। स्यों प्रभु यीसू मसीहा रा इनकार करहा ऐं जो आस्सा रा एक ऐं प्रभु होर माल्क आ। बौह्त टैम पैहले पवित्र सास्त्रा मन्झ लिखिरा था कि परमेसर आस्सो सजा देआ।