2 तिमिथियुस 3:4 - मंडयाली नंऊँआं नियम

⁴ दूजेया जो धोखा देणे वाले, ढीठ, आपु जो दूजेया ले बडे समझणे वाले होर परमेसरा किन्हें प्यार नी करणे वाले, पर सुख विलासा रे चाहणे वाले लोक हूंणे।

2 तिमिथियुस 3:4 Iomraidhean Croise

चुणिरे चेले रे काम 19:36

क्यूंकि इन्हा गल्ला ले इनकार नी करी सकदे; इधी कठे तुस्सा जो सांत रैंह्णां चहिए होर बगैर सोच विचारे कुछ नी करणा चहिए।

चुणिरे चेले रे काम 7:52

तुस्सा रे बापदादे सारे नबिया जो स्ताईरा था। तिन्हें ता स्यों मारी भी दिते जिन्हें बौह्त पैहले ले ई मसीह जेह्ड़ा धर्मी जण आ, आऊंणा री घोषणा करी दिती थी, होर मसीह जेबे आया तुस्से से पकड़वाया होर मारी दितेया।

रोमियो 11:20

ये सच्च आ, स्यों ता विस्वास नी करणे री वजहा ले तोड़ी गई, पर तू आपणे विस्वासा री वजहा ले बणी रैंहयां पर बडयाई देख्या करदा, पर एस गल्ला ले डर तेरे किन्हें क्या हुई सक्हा था।

रोमियो 16:18

क्यूंकि एह्ड़े लोक आस्सा रे प्रभु मसीह री सेऊआ नी करदे, पर आपणी व्यक्तिगत इच्छा जो पूरी करहा ऐं, होर चिकनी चुपड़ी गल्ला किन्हें सीधे सादे लोका जो धोखा दें।

1 तिमिथियुस 3:6

से एह्ड़ा माह्णुं नी हो, जो हाल्ले ही विस्वासी बणीरा हो, केते एह्ड़ा नी हो कि से घमंडी बणी जाये, होर परमेसर तेस जो तेस तरीके किन्हें सजा दे, जिहां सैताना जो भी घमंडी बणने पर सजा दितिरी थी।

1 तिमिथियुस 5:6

पर जो विधवा आपणा पूरा टैम भोग विलासा मन्झ लाई रखा ई, से एक मरिरे आदमी साहीं, हालांकि तिन्हारा सरीर जिउंदा पर स्यों आत्मिक रूपा ले मरी गईरी।

1 तिमिथियुस 6:17

एस संसार रे अमीर लोका जो ये आदेस दे कि, स्यों घमंडी नी बणे, होर स्यों धना पर भरोसा नी रखे, जो हमेसा रे कठे नी आ, पर परमेसरा पर ई भरोसा रखे जो आस्सा रे सुखा रे कठे सभ कुछ भरपूरी किन्हें देहां।

यहूदा 1:19

ये एह्ड़े लोक ऐे, जो तुस्सा मन्झ फूट पाई किन्हें तुस्सा रा बंटवारा करी दे। स्यों आपणे स्वभावा ले ही सारे बुरे कामा जो करणा चाहें होर तिन्हा मन्झ पवित्र आत्मा नी।

यहूदा 1:4

क्यूंकि यीसू मसीह पर विस्वास करणे रा ढोंग करणे वाले कुछ लोक तुस्सा री कलीसिया किन्हें जुड़ी गईरे। ये परमेसरा री इज्जत नी करदे होर गलत उपदेस दें कि आस्से लुचपन करी सके, क्यूंकि परमेसर आस्सा रे पाप माफ करी देआ। स्यों प्रभु यीसू मसीहा रा इनकार करहा ऐं जो आस्सा रा एक ऐं प्रभु होर माल्क आ। बौह्त टैम पैहले पवित्र सास्त्रा मन्झ लिखिरा था कि परमेसर आस्सो सजा देआ।