2 तिमिथियुस 3:3 - मंडयाली नंऊँआं नियम

³ प्यार नी करणे वाले, दूजेया जो माफ नी करणे वाले, दूजेया री बुराई करणे वाले, आपणे आपा पर काबू नी रखणे वाले, कठोर, होर खरी गल्ला किन्हें नफरत करणे वाले भी हूंणे।

2 तिमिथियुस 3:3 Iomraidhean Croise

मत्ती 10:21

“भाईया-बैहणीया आपणे भाई बैहण, होर कई माऊ-बापू आपणे बाल बच्चे धोखे किन्हें मुकाई देणे, होर बाल बच्चेया भी आपणे माऊ-बापू धोखे किन्हें मुकाई देणे।

मत्ती 4:1

तेबे पवित्र आत्मा यीसू जो बियाबान जगहा मन्झ लई गया ताकि सैताना ले तेसरी परखणी हो।

लूका 10:16

“जो तुस्सा री सुणहां, से मेरी सुणहां होर जो तुस्सा जो बेकार जाणहां, से मुंजो बेकार जाणहां; होर जो मुंजो बेकार जाणहां, से मेरे भेजणे वाल़े परमेसरा जो बेकार जाणहां।”

लूका 16:14

फरीसी लोक जो लालची थे, ये सभ गल्ला सुणी किन्हें यीसू रा मजाक डुआन्दे लगे।

यहून्ना 6:70

यीसूए तिन्हा जो जवाब दितेया, “मैं तुस्से बारा चेले चुणिरे, पर तुस्सा मन्झा ले एक सैतान रे बसा मन्झ आ।”

रोमियो 1:29

होर स्यों सभ किस्मा रे अधर्मा रे काम, होर दुस्टता, होर लालच, होर बैर-भाव किन्हें भर्ही गये। होर हिर्ख, होर हत्या, होर झगड़े, होर धोखा, होर बुरे बिचारा किन्हें बर्ताव करणे वाले, होर चुगलखोर बणी गईरे।

रोमियो 1:31

स्यों नासमझ, दूजेया जो धोखा देणे वाले, प्यार नी करणे वाले होर निर्दयी हुई गईरे।

1 कुरिन्थियो 7:5

तुस्से एक दूजे ले लग नी रैहया; पर सिर्फ कुछ टैमा तक आपु मन्झ रजामंदी करी किन्हें लग रैहया, ताकि प्रार्थना करणे रे कठे कुछ टैम मिली सके, होर फेरी दबारा एक साउगी रैहया, एह्ड़ा नी हो कि आपणे आपा पर काबू नी रखणे री वजहा ले सैतान तुस्सा जो नजायज रिस्ता रखणे रे कठे परखे।

1 कुरिन्थियो 7:9

पर अगर स्यों सबर नी करी सको, ता स्यों ब्याह करहे; क्यूंकि सरीरा री इच्छा साउगी लड़ने ले खरा कि ब्याह करी ले।

1 थिस्सलुनकियो 4:8

इधी कठे जो इन्हा बिधियो जो नी मनदा, से माह्णुं री नी, पर परमेसरा री बिधिया जो टाल्हा, जिन्हें आपणा पवित्र आत्मा तुस्सा जो दितिरा।

1 तिमिथियुस 3:11

एस तरहा सेऊआदारा री लाड़ीया भी तेह्ड़ी हो जिन्हारी सब लोक इज्जत करदे हो, दूजेया जो बदनाम करणे वाली नी हो, पर आपणे आपा पर काबू रखणे वाली हो, होर सभ गल्ला मन्झ भरोसे रे लायक हो।

तितुस 1:8

पर आदर-खातर करणे वाल़ा, दूजे री भलाई करणे री इच्छा रखणे वाल़ा, आपणे पर काबू रखणे वाल़ा, धर्मी माह्णुं पवित्र होर हमेसा आपणी भावनाओं पर काबू रखणे वाल़ा हो।

तितुस 2:3

इंहां ही खपरी ज्नानिया रा स्वभाव भी पवित्र लोका साहीं हो। दूजेया जो बदनाम करणे वाली नी हो, होर ना सराबी नी हो; पर दूजेया जो खरा काम करणे रे कठे स्खाणे वाली हो।

याकूब 2:6

पर तुस्से तेस गरीबा री बेज्जती किती। तुस्से जाणांहे की अमीर लोक ही तुस्सा पर अत्याचार करहे, होर स्यों ही तुस्सा जो कच्हरी मन्झ घसीटी किन्हें लई जाहें।

2 पतरस 2:14

जेस्सा भी जन्नानी स्यों देखे सभी किन्हें व्यभिचारा करणा चाहे, होर स्यों पाप किते बगैर नी रुकी सकदे। होर जो मसीह पर पूरा भरोसा नी रखदे एह्ड़े लोका जो स्यों धोखा देई किन्हें तिन्हा ले पाप कुराहें। होर कधी नी मरणे वाले लालच री वजहा ले परमेसरा तिन्हो सजा देणी।

2 पतरस 2:19

स्यों लोका किन्हें वादा करहे कि अगर स्यों तिन्हारे मताबक चलगे ता जो कुछ चाहें से करी सके, क्यूंकि तिन्हारा कोई स्वामी नी आ। पर सच्चाई ता येई कि स्यों आपु भी आपणे पापा रे स्वभावा रे गुलाम ऐं। क्यूंकि जो आदमी जेस ले हारी जाहाँ, से तेसरा गुलाम बणी जाहाँ।

2 पतरस 3:3

सभी ले पैहले ये जाणी लो कि, आखरी ध्याड़े मन्झ मसीह रे दबारा वापस आऊणें ले पैहले एह्ड़े लोक हूंणे, जिन्हा तुस्सा रा मजाक डूआणा, क्यूंकि तुस्से ये विस्वास करहे की मसीहा वापस आऊंणा। एह्ड़े लोक आपणी बुरी इच्छा रे मताबक आपणी जिन्दगी जीये।

यहूदा 1:16

ये लोक हमेसा परमेसरा रे खलाफ बोल्हे होर दूजेया री गलतिया काढे, होर आपणी इच्छा रे मताबक हमेसा बुरे काम करहे। स्यों आपणे बारे मन्झ बडी-बडी गल्ला बोल्हे होर दूजेया री तारीफ करणे रा ढोंग करहे, ताकि तिन्हो तेता ले कुछ फायदा मिली सके।

यहूदा 1:18

स्यों तुस्सा किन्हें बोल्हा ऐं थे कि, “आखरी ध्याड़े मन्झ आस्सा रे प्रभु यीसू मसीह रे वापस आऊणें ले पैहले एह्ड़े मखौलिये हूंणे, जिन्हा प्रभु रा होर तेसरे लोका रा मजाक डूआणा।” ये एह्ड़े लोक ऐे जो आपणी बुरी इच्छा रे मताबक आपणी जिन्दगी जीये।

प्रकासना री गल्ला 13:15

होर दूजे राक्सा जो ये भी हक दितिरा कि से पैहले राक्सा री मूर्ति मन्झ साह पाई दे, ताकि राक्सा री मूर्ति बोलदी लगे। होर जितने लोक तेस मूर्ति री अराधना नी करहे, तिन्हा जो मारी दे।

प्रकासना री गल्ला 13:17

ताकि जेस पर ये छाप लगिरी हो, सेई लेण देण करी सके। ये छाप पैहले राक्सा रा नांऊँ या से अंक था, जो तेसरे नांऊँआ जो दस्हा।

प्रकासना री गल्ला 16:6

क्यूंकि तिन्हें परमेसरा रे पवित्र लोका रा, होर तेरे नबिया रा खून बहाई किन्हें स्यों मारी दिते। इधी कठे तैं ऐबे तिन्हा जो खून पीणे जो दे, क्यूंकि स्यों एता रे लायक ऐं।”

प्रकासना री गल्ला 17:6

होर मैं देख्या कि से परमेसरा रे पवित्र लोका रा खून पी किन्हें मुताली गईरी थी, जिन्हा जो लोके यीसू मसीह पर भरोसा रखणे री वजहा ले मारी दितिरा था। होर हांऊँ तेस्सा जो देखी किन्हें बड़ा हरान हुई गया।