2 तिमिथियुस 3:2 - मंडयाली नंऊँआं नियम

² लोका सिर्फ आपणे आपा ले होर धना किन्हें प्यार करणे वाले बणी जाणा, बडयाई करणे वाले, घमंड करणे वाले, दूजेया री बदनामी करणे वाले, माऊ बापू रा हुक्म नी मनणे वाले, एहसान नी मनणे वाले, होर अपवित्र लोक हूंणे।

2 तिमिथियुस 3:2 Iomraidhean Croise

मत्ती 15:6

एस तरहा तुस्से बोल्हे कि तेस जो आपणे माऊ-बापू रा आदर करणे री ज्रूरत नी हाई। इंहां करी किन्हें तुस्से आपणे रूआजा जो मनणे रे कठे ले परमेसरा रा वचन टाल्ली देहां ऐं।

लूका 12:15

होर यीसूए तिन्हा किन्हें बोल्या, “चतन्न जे रैंहयां करहा, होर हर किस्मा रे लालचा ले आपणे आपा जो बचाई रखा: क्यूंकि केसी री जिन्दगी तेसरी बौह्त ज्यादा जायदाद हूंणे री वजहा ले नी हुन्दी।”

लूका 16:14

फरीसी लोक जो लालची थे, ये सभ गल्ला सुणी किन्हें यीसू रा मजाक डुआन्दे लगे।

लूका 6:35

बल्कि आपणे दुसमणा किन्हें प्यार रखा, होर तिन्हारा भला करा: होर दबारा वापस पाणे री आस नी रखी किन्हें धुआर देआ; होर तुस्सा जो बड़ा इनाम मिलणा। होर तुस्सा परमप्रधाना रे बच्चे बणना, क्यूंकि से तिन्हा पर जो धन्यावाद नी करदे होर बुरे ऐं से तिन्हा दुहींया पर तरस करहा।

चुणिरे चेले रे काम 5:36

क्यूंकि कुछ ध्याड़े ले पैहले थिऊदास नांऊँआं रा एक माह्णुं था, जेहड़ा दावा करहा था कि, हांऊँ भी कुछ आ; होर लगभग चार सौ माह्णुं तेस साउगी हुई गये। पर से मारेया गया, होर जितने लोक तेस जो मन्हां ऐं थे, सभ तितर-बितर हुई गये होर मिटी गये।

रोमियो 11:18

ता तुस्से तिन्हा टूटीरे पांगे जो कम देख्या समझ्दे। तुस्से किहाँ बडयाई करी सके क्यूंकि तू सिर्फ एक पांगा ई आ। ता याद रख्या कि तू जड़ा जो नी पर जड़ तुजो सम्भाल्हा ई।

2 कुरिन्थियो 5:15

होर मसीह इधी कठे सभी रे कठे मरी गया, ताकि जो लोक जिउंदे ऐं, स्यों अगे जो आपणे कठे नी जीये बल्की तेसरे कठे जीये, जो तिन्हारे कठे क्रूसा प्रयाल्हे मरेया होर दबारा जिउंदा हुआ।

फिलिप्पियो 2:21

क्यूंकि सभ आपणे मतलबा रे कठे जीएं, होर यीसू मसीह री गल्ला री परवाह नी करदे।

कुलुस्सियो 3:5

इधी कठे आपणे पाप रे स्वभाव ले जुड़ीरे बुरे कामा जो करणा छाडी देआ, जिहां कि व्यभिचार, असुद्धता, बुरी कामना, होर बुरी इच्छा। होर तुस्से केसी भी गल्ला रा लालच नी करहा क्यूंकि ये मूर्ति री पूजा करणे रे बराबर आ।

2 थिस्सलुनकियो 2:4

तेस परमेसर होर बाकि सभ चीजा रा विरोध करणा, जिन्हों लोक इस्वर बोली किन्हें तिन्हारी अराधना करहे, होर तेस एस गल्ला रा दावा करणा कि से इन्हा सभी ले खास आ। एथी तक कि दुस्ट आदमी परमेसरा रे मन्दरा मन्झ बैठी किन्हें ये भी दावा करहा कि से आपु ई परमेसर आ।

1 तिमिथियुस 1:20

होर तिन्हा मन्झा ले हुमिनियुस होर सिकंदर ऐं, जिन्हा जो मैं कलीसिया ले बाहर काढी दितिरा होर सैताना रे हका मन्झ सौंपी दितिरे, ताकि स्यों परमेसरा री निंदा करणा ना सीखे।

1 तिमिथियुस 1:9

ये जाणी किन्हें कि मूसा री व्यवस्था धर्मी माह्णुं रे कठे नी, पर तिन्हा लोका रे कठे ई जो परमेसरा री व्यवस्था जो भूली जाएं, होर तेसरे हुकमा जो नी मनदे; होर जो लोक परमेसरा री भक्ति नी करदे होर हमेसा पाप करहे; होर जो दुस्ट काम करहे, होर स्यों जो परमेसरा री इज्जत नी करदे; होर स्यों जो आपणे माऊ-बापू होर दूजे लोका जो मारी दे।

1 तिमिथियुस 3:3

से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

1 तिमिथियुस 6:10

क्यूंकि धन रा मोह सभ किस्मा री बुराईया री जड़ ई, जेस धना जो पाणे री कोसिस करदे-करदे कुछ लोक मजे-मजे मसीह रे उपदेसा पर विस्वासा करणा छाडी दे। एता री वजहा ले स्यों लोक कई किस्मा रे दुःख सहन करहे, तेस माह्णुं साहीं जिन्हें हथियारा किन्हें आपणे आपा जो छलनी करी दितिरा हो।

1 तिमिथियुस 6:4

ता से बौह्त बडयाई करणे वाल़ा बणी गईरा, होर कुछ नी जाणदा। एह्ड़ा माह्णुं जो बेकारा री गल्ला पर होर सब्दा पर लड़ने होर बैहस करणे री ब्मारी ई। एता री वजहा ले हिर्ख, होर झगड़े, होर दूजेया री बदनामी, होर बुरे-बुरे सक पैदा हुंहाँ ऐं।

2 तिमिथियुस 3:4

दूजेया जो धोखा देणे वाले, ढीठ, आपु जो दूजेया ले बडे समझणे वाले होर परमेसरा किन्हें प्यार नी करणे वाले, पर सुख विलासा रे चाहणे वाले लोक हूंणे।

याकूब 2:8

तेबे भी अगर तुस्से पवित्र सास्त्रा रे बचना रे मुताबक, “आपणे पड़ोसी किन्हें आपु साहीं प्यार रख्हा ऐं,” ता सच्चे तुस्से मूसा रे व्यवस्था रा खास हुक्म जो पूरी करहा ऐं, होर तुस्से खरा करहा ऐं।

याकूब 4:16

पर ऐबे तुस्से आपणे आऊणें वाल़ा काला रे बारे मन्झ सोच विचार करी किन्हें बडयाई करहा ऐं; होर एह्ड़ी बडयाई करणा पापा ले बुरा हुंहाँ।

याकूब 4:6

पर परमेसर ता होर ज्यादा अनुग्रह देहां कि आस्से इन्हा बुरी इच्छा ले दूर रहे। जिहां पवित्र सास्त्रा मन्झ लिखिरा कि, “परमेसर बडयाई करणे वाल़ेया रा ता विरोध करहा, पर नम्र दीना पर अनुग्रह करहा।”

1 पतरस 5:5

एस तरीके किन्हें हे नौजुआनो, तुस्से भी कलीसिया रे स्याणे विस्वासी लोका री गल्ला जो मन्नेया करेया, बल्की बड़ी दीनता किन्हें एक दूजे री मदद करेया करणा। क्यूंकि पवित्र सास्त्रा मन्झ लिखिरे एक बचना जो आस्से पढ़े कि, “परमेसर बडयाई करणे वाल़ेया रा ता विरोध करहा, पर नम्र दीना पर अनुग्रह करहा।”

2 पतरस 2:10

परमेसर सभ बुरे लोका जो सजा देणी पर तेस तिन्हो झूठे उपदेस स्खाणे वाले जो पक्का सजा देणी। जो आपणे बुरी होर पापा री अभिलासा रे मताबक जिन्दगी जीये होर परमेसरा रे हका जो आपणे जिन्दगी ले नकारा ऐं। स्यों ढीठ होर घमंडी ऐं, तिन्हो स्वर्गा रे महिमामय प्राणिया रे बारे मन्झ बुरा बोलणे ले डर नी लगदा।

2 पतरस 2:12

पर ये स्खाणे वाले बेअक्ल जानवरा साहीं ऐं, क्यूंकि ये जानवर आपणे दिमागा ले कुछ नी सोचदे होर सिर्फ पकड़े होर मारे जाणे रे कठे जम्मिरे; ये लोक जो तिन्हारे मना मन्झ आये तेह्ड़ा ही करहे, होर जिन्हा गल्ला रे बारे मन्झ नी समझ्दे तिन्हारे बारे मन्झ भी बुरा भला बोल्हा ऐं, परमेसरा सच्चे स्यों इंहां ही नास करी देणे, जिहां लोक जानवरा जो मारी दे।

2 पतरस 2:18

जेबे स्यों लोको स्खायें, स्यों बेकार होर बडयाई री गल्ला जो बोल्हे। स्यों बोल्हे कि स्यों आपणी सरीरा री इच्छा रे मताबक बेज्जत करणे वाली सारी गल्ला जो करही सक्हा ऐं। होर जिन्हें लोके ऐबे-ऐबे बुरे काम करणा छाडी किन्हें विस्वासी बणिरे, स्यों तिन्हा जो धोखा देई किन्हें वापस पाप करणे रे कठे हिम्मत दे।

2 पतरस 2:3

एह्ड़े स्खाणे वाले लोक लालची हूंणे, होर मन घड़न्त कहाणीया बणाई किन्हें पैसा कमाणे रे कठे तुस्सा जो धोखा देणा। परमेसरे बौह्त पैहले ले ही इन्हों सजा देणे रा फैसला कितिरा था। होर ऐबे से करणे रे कठे त्यार आ, तेस सच्चे स्यों नास करी देणे।

यहूदा 1:16

ये लोक हमेसा परमेसरा रे खलाफ बोल्हे होर दूजेया री गलतिया काढे, होर आपणी इच्छा रे मताबक हमेसा बुरे काम करहे। स्यों आपणे बारे मन्झ बडी-बडी गल्ला बोल्हे होर दूजेया री तारीफ करणे रा ढोंग करहे, ताकि तिन्हो तेता ले कुछ फायदा मिली सके।

प्रकासना री गल्ला 13:1

होर मैं एक राक्स जो समुद्रा मन्झा ले निकल्दे हुए देख्या। जेसरे दस सींग होर सात मूंड थे, होर हर एक मूंडा पर एक-एक ताज था। होर तेसरे हर एक मूंडा पर परमेसरा रे नांऊँ लिखिरे थे, जेस जो बोलणे रा हक तेस जो नी था।

प्रकासना री गल्ला 16:11

होर आपणी पीड़ा होर फोड़े री वजहा ले तिन्हें परमेसरा री निंदा किती, जो स्वर्गा मन्झ रैहया। हालांकि ऐबे तिन्हारी हालत इतनी खराब थी, फेरी भी तिन्हें आपणे बुरे काम करणा नी छाडे।

प्रकासना री गल्ला 16:21

होर आसमाना ले माह्णुंआं रे प्र्याहले पर पंजाह किलो रे बडे-बडे सुणाट पये, इधी कठे तिन्हें परमेसरा री निंदा किती। क्यूंकि परमेसरा रे ज्रीए भेजिरे कैहरा ले लोका जो बड़ी पीड़ा सहन करणी पहूंआं ईं।

प्रकासना री गल्ला 16:9

होर माह्णुं सूरजा रे तेज गर्मी किन्हें फुखी गये। तेबे तिन्हें आपणे बुरी कामा जो छाडी किन्हें होर परमेसरा री महिमा करणे रे बजाय स्यों परमेसरा री निंदा करदे लगे। क्यूंकि तिन्हा कैहरा जो भेजणे रा हक सिर्फ परमेसरा वाले आ।