2 तिमिथियुस 3:17 - मंडयाली नंऊँआं नियम

¹⁷ ताकि परमेसरा रे लोक हर भले काम करणे रे कठे त्यार हुई जाये, होर सिद्ध बणी जाये।

2 तिमिथियुस 3:17 Iomraidhean Croise

चुणिरे चेले रे काम 9:36

याफा सैहरा मन्झ एक तबीता (जेस्सा जो यूनानी भासा दोरकास बोल्हे) नांऊँआं री एक विस्वासण रैंहयां ईं थी। से बौह्त सारे भले-भले काम होर गरीबा जो दान देहां ईं थी।

2 कुरिन्थियो 9:8

तुस्सा री जरूरता ले बढ़ी किन्हें परमेसर तुस्सा जो सब किस्मा रा अनुग्रह देई सक्हा ऐं। जेस ले हर गल्ला मन्झ होर हर टैम, सब कुछ, जो तुस्सा रे कठे जरूरी हो, तुस्सा वाले रहे, ताकि भले काम रे कठे तुस्सा वाले जरूरता ले भी ज्यादा हो।

इफिसियो 2:10

क्यूंकि आस्से परमेसरा रे हाथा री सभी ले बढ़िया रचना ई; होर मसीह यीसू साउगी एक हूंणे री वजहा ले आस्से भले काम करणे रे कठे बणाये गईरे, जिन्हा जो परमेसरे पैहले ले आस्सा रे करणे रे कठे त्यार कितिरा।

1 तिमिथियुस 6:11

पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

2 तिमिथियुस 2:21

एस तरीके किन्हें जो कोई विस्वासी आपणे आपा जो इन्हा बुरी गल्ला ले दूर रखा, ता से तेस कीमती भांडे साहीं हूंणा जो खास कामा रे कठे हुआ, जेसरा जिन्दगी पवित्र हुंगी; होर तेस आपणे माल्का रे काम आऊंणा, होर हर भले कामा रे कठे त्यार हूंणां।

तितुस 1:16

झूठे उपदेस स्खाणे वाले बोल्हा ऐं कि, आस्से परमेसरा जो जाणहां ऐं; पर तिन्हारे काम एस गल्ला जो साफ जाहिर करहे कि स्यों परमेसरा जो नी जाणदे। क्यूंकि स्यों हुक्म नी मनणे वाले ऐे होर परमेसरा तिन्हा किन्हें नफरत करहा; होर स्यों कोई भी खरे काम नी करदे।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

तितुस 3:1

विस्वासी लोका जो याद दिलाया कर कि, हाकमा होर अधिकारिया री इज्जत करहा, होर तिन्हारे अधीन रेहा, होर दूजे कठे खरे काम करणे रे कठे त्यार रैहया।

इब्रानियो 10:24

आस्से एस गल्ला रा ध्यान रखे कि आस्से एक दूजे किन्हें प्यार करणे रे कठे होर खरे कामा करणे रे कठे एक दूजे जो हिम्मत दे।