2 तिमिथियुस 3:14 - मंडयाली नंऊँआं नियम

¹⁴ पर हे तिमिथियुस तू इन्हा सारी गल्ला जो मजबूती किन्हें पकड़ी रख, जो लोके तुजो सखाईरी, होर जिन्हा पर तू पूरी तरहा विस्वास करहा। क्यूंकि तू खरे ढंगा किन्हें जाणहां कि ये सच्चाई री गल्ला तुजो कुन्हें सखाईरी।

2 तिमिथियुस 3:14 Iomraidhean Croise

चुणिरे चेले रे काम 17:31

क्यूंकि तिन्हें एक ध्याड़ा तय कितिरा, जेबे तेस आपणे नियुक्त कितिरे एक माह्णुं रे ज्रीए धर्मा किन्हें संसारा रा न्याय करणा, जिन्हें तेस जो नियुक्त करी किन्हें तेस जो मरिरे मन्झा ले जिउंदा करी किन्हें, तिन्हें सभी जो एस गल्ला रा सबूत दितेया।”

रोमियो 14:5

एस तरीके ले कुछ लोक एक ध्याड़े जो दूजे ले बढ़ी किन्हें मन्हें, होर कोई सभ ध्याड़े जो एकी साहीं मन्हें। होर आपणे मना मन्झ पक्का करी लेया कि से जे सोची करहा से ठीक आ।

कुलुस्सियो 2:2

हांऊँ इधी कठे मेहनत करहा ताकि तुस्सा सभी जो आत्मिक रूपा ले होंसला मिले, होर तुस्से सभ प्यारा मन्झ किन्हें मिली जुली किन्हें रहो। हांऊँ चाहां कि तिन्हो पूरा भरोसा हो क्यूंकि तिन्हो बापू परमेसर रे गुप्त विचारा री पूरी समझ ई। होर ये गुप्त विचार मसीह आपु आ।

1 थिस्सलुनकियो 1:5

क्यूंकि आस्सा री खुसी री खबर जो यीसू मसीह रे बारे मन्झ ई तुस्सा वाले ना सिर्फ गल्ला मन्झ बल्की सामर्थ होर पवित्र आत्मा, होर बड़े निस्चय किन्हें पुजीरा। जेह्ड़ा तुस्से जाणहां ऐं कि, आस्से तुस्सा री भलाई रे कठे तुस्सा रे बीचा मन्झ रैहन्दे हुए आस्सा रा व्यवहार केह्ड़ा था।

1 थिस्सलुनकियो 2:13

इधी कठे आस्से भी परमेसरा रा धन्यावाद लगातार करहा ऐं; कि जेबे तुस्से आस्सा रे ज्रीए परमेसरा रा बचन रा प्रचार सुणेया, ता तुस्से तिन्हा बचना जो माह्णुंआं रा नी, पर परमेसरा रा बचन समझी किन्हें ग्रैहण कितेया, होर सच्चे ये परमेसरा रा बचन आ, जो तुस्सा विस्वासी लोका री जिन्दगी मन्झ काम करहा।

1 तिमिथियुस 4:16

ध्यान रखा कि तुस्से आपणी जिन्दगी केह्ड़ी जिया करहे होर दूजेया जो क्या सखाई करहे, इन्हा गल्ला पर मजबूत बणी रह, क्यूंकि अगर तू एह्ड़ा करदा रैहन्गा, ता परमेसरा तेरे ज्रीए तु होर तेरे सुणने वाल़ेया जो आऊणें वाले न्याय ले बचाणा।

2 तिमिथियुस 1:13

जो सच्चे उपदेस तैं मेरे ले सुणीरे, तिन्हा जो आपणा उदाहरण बणाई किन्हें रख। विस्वास होर प्यारा किन्हें तू इन्हा उपदेसा जो पूरा कर क्यूंकि तू यीसू मसीह साउगी एक आ।

2 तिमिथियुस 2:2

तैं बौह्त लोका साम्हणें मुंजो मसीह रे बारे मन्झ संदेस स्खान्दे हुए सुणीरा था। इधी कठे हांऊँ चाहां कि तू भी इन्हा गल्ला जो दूजे भरोसे रे लायक विस्वासी लोका जो सखाई दे; जो होरिया जो भी स्खाणे रे लायक हो।

2 तिमिथियुस 3:15

होर जेबे तू एक बच्चा ई था ता तैं पवित्र सास्त्रा जो सिख्या, जो तुस्सा री एस गल्ला जो समझणे मन्झ मदद करहा कि, जेबे तुस्से मसीह यीसू पर विस्वास करहे, ता परमेसर तुस्सा रा उद्धार करहा।

तितुस 1:9

होर से तेस भरोसे रे लायक उपदेसा जो मजबूती किन्हें पकड़ी रखणे वाल़ा हो, जो आस्से तेस जो सखाईरा था; जेता ले दूजेया जो सखाई सके होर सच्चे उपदेस रे बरखलाप बोलणे वाल़ेया रा मुंह बंद कुराई सके।

इब्रानियो 10:22

ता आऊआ, आस्से खरे मना होर पुरे विस्वासा साउगी, होर एस भरोसे साउगी कि आस्सा रे पाप माफ हुई गये, होर मसीह रे खूना रे छिड़काऊ ले आपणे दिला जो सुद्ध करदे हुए, होर आपणे सरीरा जो सुद्ध पाणी किन्हें धोई किन्हें परमेसरा रे नेडे जाहें।

इब्रानियो 6:11

तुस्से आलसी मत बणा। पर कड़ी मेहनत करणे वाले साहीं तुस्सा जो आखरी ध्याड़े तक सबर होर विस्वासा साउगी इन्हा प्यारा रे कामा जो करदे रहूआ, ताकि परमेसरा रे वादे जो पाणे रे कठे तुस्सा मन्झा मजबूत आस हो।