2 तिमिथियुस 3:13 - मंडयाली नंऊँआं नियम

¹³ पर दुस्ट लोक, होर धोखा देणे वाले लोका एता ले भी बुरा काम करणा। तिन्हा लोका जो धोखा देणा होर आपु भी धोखा खाणा।

2 तिमिथियुस 3:13 Iomraidhean Croise

2 कुरिन्थियो 6:8

चाहें लोके आस्सा री इज्जत किती या बेज्जती किती, या तारीफ किती या बुराई किती, आस्से हमेसा आपणे बारे मन्झ सच्च ही बोल्या, भले लोक आस्सो कपटी ही बोल्हे।

1 तिमिथियुस 4:1

पर पवित्र आत्मा साफ-साफ बोल्हा कि, एस आखरी ध्याड़े मन्झ कुछ लोक मसीह रे उपदेसा पर विस्वास करणा छाडी देणा। तिन्हा दुस्टात्मा री गल्ला पर मन ल्गाणा, होर झूठे नबी रे उपदेसा पर विस्वास करदे लगी जाणा, जो तिन्हा जो भटकाई देआ।

2 तिमिथियुस 3:8

ये झूठे उपदेस स्खाणे वाले सच्चाई रा व्रोध करहे, जिहां यन्नेसे होर यम्ब्रेसे पुराणे टैमा मन्झ मूसा रा व्रोध कितेया था; ये ता एह्ड़े माह्णुं ऐं, जिन्हारी बुद्धि खराब हुई गईरी, होर आपणे विस्वासा जो लेई किन्हें हारी गईरे।

तितुस 3:3

क्यूंकि आस्से भी मसीह बणने ले पैहले नर्क्कले थे होर आस्से परमेसरा रा हुक्म नी मनदे थे, होर लोक आस्सो धोखा दे थे। आस्से आपणे आपा जो तिन्हा सब बुरे काम करणे ले नी रोकी सकदे थे, जिन्हों आस्से करणा चाहें थे होर जेस जो करी किन्हें आस्से बड़े खुस हुयें थे। आस्से आपणी जिन्दगी बैर-भाव करणे मन्झ होर दूजे लोका किन्हें हिर्खा रखणे मन्झ बिताहें थे, आस्से एह्ड़े लोक थे जिन्हा किन्हें लोक नफरत करहे थे, होर आस्से भी एक दूजे किन्हें नफरत रख्हा ऐं थे।

2 पतरस 2:20

होर जेबे लोक यीसू मसीह जो आपणा प्रभु होर उद्धारकर्ता रे रूपा मन्झ अपनाई ले तेबे स्यों एस संसारा री कई किस्मा री बुराई ले बची निकले। पर दबारा ऐबे स्यों तिन्हा बुरे कामा मन्झ फसी गईरे होर स्यों बुरी गल्ला तिन्हो हराई देईं। ता तिन्हारी ऐबे री हालत जेबे की तिन्हें मसीह जो नकारी दितेया, पैहल्की हालता ले बुरी हूणीं जेबे की स्यों विस्वासी नी थे।

2 पतरस 3:3

सभी ले पैहले ये जाणी लो कि, आखरी ध्याड़े मन्झ मसीह रे दबारा वापस आऊणें ले पैहले एह्ड़े लोक हूंणे, जिन्हा तुस्सा रा मजाक डूआणा, क्यूंकि तुस्से ये विस्वास करहे की मसीहा वापस आऊंणा। एह्ड़े लोक आपणी बुरी इच्छा रे मताबक आपणी जिन्दगी जीये।

प्रकासना री गल्ला 12:9

होर स्यों धरती पर डयाई दिते। होर से बडा अजगर, सेई पुराणा सांप, जेस जो जे सैतान बोल्हा ऐं। सेई आ जो सारे संसारा रे लोका जो भड़काहां।

प्रकासना री गल्ला 13:14

होर पैहले राक्सा जो दूजे राक्सा रे साम्हणें ये सारे चिन्हा दसणे रा हक दितिरा था। होर इन्हा चिन्हा रे ज्रीए से धरती पर रैह्णे वाले सभ लोका जो भड़काई करहा था। तिन्हें आदेस दितिरा था कि स्यों पैहले राक्सा री मूर्ति बणाए, जेस जो तलवारा किन्हें चोट लगीरी थी पर ऐबे से ठीक हुई गईरा था।

प्रकासना री गल्ला 18:23

होर फेरी कधी तेरे मन्झ लोका दिऊये रा प्रयासा चमकदा हुआ नी देखणा, फेरी कधी सादी करणे री अवाज नी सुणाई देणी। तेरे वपारी पुरे संसारा मन्झ सभी ले ज्यादा सामर्थी थे, होर सारे देसा रे लोक तेरे जादू टोणे करणे वाले ले भरमाई रे थे।