2 तिमिथियुस 3:1 - मंडयाली नंऊँआं नियम

¹ तिमिथियुस हांऊँ चाहां कि तू ये जाणी ले कि, आखरी ध्याड़े मन्झ मसीह रे दबारा वापस आऊणें ले पैहले आस्सा पर बौह्त दुःखा रा टैम आऊंणा।

2 तिमिथियुस 3:1 Iomraidhean Croise

2 तिमिथियुस 4:3

हांऊँ ये तुस्सा जो इधी कठे बोल्या करहा कि, एक टैम एह्ड़ा आऊंणा; कि लोका खरा उपदेस सुणना नी चाहणा, पर आपणी इच्छा जो पूरी करणे रे कठे एह्ड़े लोक तोपी किन्हें स्यों सुणना चाहें।

2 पतरस 3:3

सभी ले पैहले ये जाणी लो कि, आखरी ध्याड़े मन्झ मसीह रे दबारा वापस आऊणें ले पैहले एह्ड़े लोक हूंणे, जिन्हा तुस्सा रा मजाक डूआणा, क्यूंकि तुस्से ये विस्वास करहे की मसीहा वापस आऊंणा। एह्ड़े लोक आपणी बुरी इच्छा रे मताबक आपणी जिन्दगी जीये।

1 यहून्ना 2:18

हे बच्चेयो, ये आखरी टैम आ जेबे मसीह वापस आऊंणा, होर जेह्ड़ा तुस्से सुणिरा कि, मसीह रा व्रोधी आऊणें वाल़ा आ, तेसरे मताबक ऐबे भी बौह्त सारे मसीह रे व्रोधी खड़े हुई गईरे; एता ले आस्से जाणहां ऐं कि, ये आखरी टैम आ।

यहूदा 1:17

पर हे लाडले भाईयो होर बैहणो, तुस्से तिन्हा गल्ला जो याद रखा; जो आस्सा रे प्रभु यीसू मसीह रे चुणिरा चेला बौह्त पैहले तुस्सा किन्हें बोली चुकिरे।

यहूदा 1:18

स्यों तुस्सा किन्हें बोल्हा ऐं थे कि, “आखरी ध्याड़े मन्झ आस्सा रे प्रभु यीसू मसीह रे वापस आऊणें ले पैहले एह्ड़े मखौलिये हूंणे, जिन्हा प्रभु रा होर तेसरे लोका रा मजाक डूआणा।” ये एह्ड़े लोक ऐे जो आपणी बुरी इच्छा रे मताबक आपणी जिन्दगी जीये।