2 तिमिथियुस 2:9 - मंडयाली नंऊँआं नियम

⁹ क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।

2 तिमिथियुस 2:9 Iomraidhean Croise

लूका 23:32

होर तेथी दो होर माह्णुं भी थे जो कुकर्मी थे, तिन्हा जो भी सजा देणे रे कठे यीसू साउगी मारणे रे कठे ले जाया करहा ऐं थे।

चुणिरे चेले रे काम 21:33

तेबे पलटना रे मुखिये नेडे आई किन्हें पौलुस पकड़ी लया; होर से बंदी बणाई लया; तिन्हें तेस जो दो जंजीरा किन्हें बान्ह्णे रा हुक्म दितेया। फेरी तिन्हें पूछेया कि, “ये कुणहां होर इन्हें क्या कितिरा?”

चुणिरे चेले रे काम 28:31

होर जो तेस वाले आहूँआं ऐं, तिन्हा सभी किन्हें मिलदा रैंहयां, होर बगैर रोके-टोके न्डरे हुई किन्हें परमेसरा रे राजा रा प्रचार करदा होर प्रभु यीसू मसीह री गल्ला सिखांदा रैंहयां।

चुणिरे चेले रे काम 9:16

मां तेस जो दसणा कि, मेरे नांऊँआं रे कठे तेस जो केह्ड़ा-केह्ड़ा दुःख उठाणा पऊणा।”

इफिसियो 3:1

क्यूंकि तुस्सा गैर-यहूदी लोका रे कठे परमेसरे ये सभ कुछ कितिरा, हांऊँ पौलुस तुस्सा रे कठे प्रार्थना करहा। होर तुस्सा गैर-यहूदी लोका जो खुसी री खबर सुणाणे री वजहा ले हांऊँ जेल्हा मन्झ आ।

फिलिप्पियो 1:17

होर जो लोक मसीह रा प्रचार हीर्ख होर लड़ाई री वजहा ले करहा ऐं, स्यों खरे इरादे ले नी पर आपणे मतलबा कठे मसीहा रा प्रचार करहा ऐं। स्यों जेल्हा मन्झ भी मेरी कठे परेसानिया जो बढ़ाहें।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

कुलुस्सियो 4:18

हांऊँ पौलुस चिठ्ठी रे एस हिस्से जो आपणे हाथा ले लिख्या करहा ताकि हांऊँ तुस्सा जो नमस्कार बोली सकूं, ये याद रखणा कि हांऊँ जेल्हा मन्झ आ। होर प्रार्थना करहा कि परमेसर तुस्सा जो अनुग्रह देंदा रहे। आमीन।

कुलुस्सियो 4:3

होर एता साउगी-साउगी आस्सा रे कठे भी प्रार्थना करदे रैंहयां कि, परमेसर आस्सा रे कठे बचन सुनाणे रा एह्ड़ा मौका दे कि, आस्से मसीह रे तेस भेदा रा ब्खान करी सके होर एस खबर जो सुनाणे री वजहा ले ऐबे भी हांऊँ जेल्हा मन्झ आ।

1 थिस्सलुनकियो 1:8

क्यूंकि तुस्से ना सिर्फ मकीदुनिया होर अखाया ईलाके मन्झ प्रभु रा बचन सुणाया, पर हर जगहा जेथी भी आस्से जाहें तुस्सा रे परमेसरा पर विस्वास रे बारे मन्झ लोक आस्सो दसाहें, इधी कठे आस्सा जो तुस्सा रे बारे मन्झ बोलणे री ज्रूरत नी ई।

2 थिस्सलुनकियो 3:1

ऐबे हे भाईयो होर बैहणो, आखरी मन्झ आस्से तुस्सा किन्हें ये गल्ला बोलणा चाहें, आस्सा रे कठे प्रार्थना करदे रैहया, ताकि आस्से प्रभु यीसू मसीह रे बारे मन्झ खुसी री खबरा जो बौह्त जल्दी हर जगहा मन्झ फैल्ही सके, जेस ले कि लोक विस्वास करी सके, जिहां कि तुस्से लोके भी विस्वास कितिरा।

2 तिमिथियुस 1:12

होर एस वजहा ले ही हांऊँ एथी जेल्हा मन्झ दुःख सहन करी करहा, पर सर्मिन्दा नी हुन्दा, क्यूंकि हांऊँ मसीह जो जाणहां, जेस पर मैं भरोसा रखीरा कि, मसीह आपणे वापस आऊणें रे ध्याड़े तक तेस चीजा री रखवाली करी सक्हा, जो तिन्हें मुंजो सौंपीरी।

2 तिमिथियुस 1:16

भाई उनेसिफुरुसा होर तेसरे परिवारा पर प्रभु दया करहे, क्यूंकि से कई बार मेरे किन्हें मिलदे आया होर तिन्हें मेरी बौह्त मदद किती, होर एथी जेल्हा मन्झ आई किन्हें मेरे साउगी मिलणे रे कठे सर्मिन्दा नी हुआ।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

2 तिमिथियुस 2:3

तू एक मसीह यीसू रा खरा स्पाही आ, इधी कठे जिहां दूजे लोक दुःख सहन करही करहे, तिहां तू भी तिन्हा दुःखा जो सहन कर।

2 तिमिथियुस 4:17

पर प्रभु मेरा मददगार रैहया, होर तिन्हें मुंजो सामर्थ दिती; ताकि हांऊँ तेस कच्हरी मन्झ बैठीरे सभी लोका जो मसीह रे बारे मन्झ खुसी री खबरा रा प्रचार करी सकेया, होर सभ तेस गैर-यहूदी लोक तेसरे प्रचारा जो सुणी सके। होर एस तरहा तिन्हें हांऊँ मरणे ले बचाई लेया जिहां एक भूखे सेरा रे मुंहा ले बचाया।

1 पतरस 2:12

तुस्सा रे ओरे परे रैहणे वाले लोक जो परमेसरा पर विस्वास नी करदे बोली सके कि तुस्सा रे काम बुरे। एह्ड़ी खरी जिन्दगी जीया ताकि स्यों तुस्सा रे भले कामा जो देखी किन्हें मसीह रे दबारा वापस आऊणें रे ध्याड़े परमेसरा जो महिमा दे।

1 पतरस 2:14

होर हाकमा रे अधीन रैहया, जेस जो राजे नियुक्त कितिरा, क्यूंकि स्यों गलत काम करणे वाले जो सजा देणे होर सही काम करणे वाले री बढ़ाई रे कठे भेजिरे।

1 पतरस 3:16

ताकि तुस्सा री अंतरात्मा तुस्सा जो दोस नी लगाए। जेबे लोका देखणा कि तुस्से सही काम करहे, क्यूंकि तुस्से मसीह रे लोक ऐे; तेबे तिन्हा तुस्सा रे बरखलाफ बुरी गल्ला बोलणे री वजहा ले सर्मिन्दा हूंणा।

1 पतरस 4:15

तुस्सा मन्झा ले कोई आदमी हत्यारा या चोर, या बुरे काम करणे वाल़ा, या दूजे रे कामा मन्झ हाथ पाणे री वजहा ले दुःख नी सहे।